انا موظفه وما اقدر اسوي شي براتبي

سلام بنات كيف حالكم
الله اعلم بحالتي وقلبي يتقطع بداخلي ونفسيتي تعبانه جدا والي حوالي كلهم ضدي مع اني ما سويت شي غلط صدقوني.. لما كتبت موضوع اني رحت مع وحده وزوجها قرايب زوجي.. الكل هاجمني مدري ليش يشوفوني مخطاءه.. انا هذي قريبة زوجي ولا مره طلبت تساعدني وتوصلني اذا احتجت لكن هذي المره لاني اتصلت بزميلتها فالمكتب اطلب منها لكن زميلتي كانت السياره متروسه واعتذرت لي.. والظاهر انها علمت قريبة زوجي وبعدين قررت انها توصلني بس عشان ما تردني قدام زميلتها.. وواضح من تصرفات زوجها كانه مب ماخذ راحته وهي كانها مجبوره توصلني لكن الحمدلله جزاهم الله خير انهم وصلوني حتى ولو مو من قلبهم..ثانيا قريبه زوجي هي صدق شكلها عادي لكنها بنت رجل اعمال وثريه.. وبعض الازواج يحبو المصالح.. ويريدو يتزوجو بنت اهلها اثرياء وعندهم مناصب واصل وفصل وشيوخ وغيره....الخ
انا مو حاسدتنها بلعكس عادي لكني متضايقه من الوضع الي انا فيه احس كل الابواب متسكره فوجهي دوم حظي نحس وربي ما اراقب الناس وما اخالط ناس بس سلام وفحالي وبعيده عن المشاكل وفديني وصلاتي وقران.. ومن الدوام الى البيت او بيت اهلي مرتين او3 مرات فالاسبوع لاني عايشه فملل وزوجي مقصر واااايد حتى ما يجلس يسولف معي.. واذا عمل العلاقه ويخلص يقول لي بروح انام وانا قلبي حارقني اريد اسولف وافضفض.. وراتبي مقدر احط بيسه فشنطتي لان زوجي الظاهر يفتش شنطتي واذا لقى شي يقول لي اليوم تعبان وما عندي وخذي حفاظ او حليب للاطفال.. هو صحيح لما عنده ما يقصر ويشتري للعيال لكن لما يشوف عندي مبلغ يطلب منى واذا شافني خذيت اشياء جديده يطلب منى واذا قلت له ما عندي يقول عيل قدرتي تشتري الاغراض وعيالج ما تريدي تاخذي لهم..الحين صرت ما احط شي فشنطتي وما اشتري اشياء وايده.. واذا اشتريت احطه فبيت اهلي..
زوجي ما كفاه اني جايبه شغاله وراتبي اول قال لي اننا راح نتشارك فيه لان الشغاله تساعد اهله فكل شي.. لكنه رفض والسبب اهله غيروه وقال ماراح ادفع فلس لها.. وبعد مشاكل رفض وصرت انا الي ادفع لها راتبها كامل..
ومصروفي كان يعطيني وبعدين قال بقلل مصروفج مع ان راتبه زين وبعدين وسوسوه اهله وقال لي شوفي بعض الحريم ما ياخذن مصروف من زوجهن وعادي.. وبعد مشاكل قطعه المصروف عني خير شر..
من صوب فبيت اهلي امي ما تريدني افصل ملابس او عبايات ع راحتي وهي تشوف ان عندي4 عبايات بس والبسهم فدوام والطلعه.. وعباه كشخه للعرس ما عندي ولما اقول اريد افصل عباه تقول ليش تبو بالعباة وقدام بتطلع موديلات جديده وانتي كذي وكذي.. كل مره نفس الكلام.. نفس الكلام اذا بغيت اخذ اي شي.. ولولدي تتضايق لما اخذ له العاب.. ما يكفي اني اعطيها كل شهر مبلغ واعطي اخوي الي ما يشتغل.. واخذ مقاضي البيت.. وادفع اقساط سيارة اخوي.. معرف شو تريد اكثر من كذي كانه راتبي راتب رجل اعمال.. وفوق هذا تقول انتي تعطي شوي وانتي ما تسوي شي.. وتقول بعض العيال اذا اشتغلو خلاص بطاقه البنك تكون عند الام وهي تتحكم فيه..