انا مو في مشكلة انا مصيبتي مصيبة .......اختي هربت// تم

صباح \مساء الخيرات

مااعرف من وين ابدأ مشكلتي او بالاحرى مصيبتي

بالبداية بقول انا عضوة معاكم واشاركم ونادر ماادخل مشاكل واحس مشاكلكم مو شيء باللي نمر فيه

وسجلت بنك ثاني لان صاحباتي وبنات عمي معي هنا

جيت اقول لكم مصيبتنا الا لو هي على جبال هدتها من ثقلها

بس الله كريم وياهم عندي رب كبير

وربي اللي رفع سبع ونزل سبع اني مااكذب ولا الف وهذا اللي صاير وياليت تعطوني حلول

واللي عندها دعوة من قلب تدعي لنا بأن يفرج الله همنا ويجلي مصابنا يارب



احب اشكر كل خواتي اللي ساندوني ودعوا لي ولاهلي بأن الله يجزاهم خير الجزاء

سوا عالعام او الخاص وودي ارد عليكم بس مشاركاتي لا تسمح

ماادري وش اقول اختي للحين مافي اي خبر عنها وكانت طالعة السبت

بس ودي اوضح كذا نقطة

اختي تقريبا عمرها بالعشرين

الشيء الثاني واللي صراحة حز بخاطري كثير قالو اانها من اهل الفجور والبغي وتجاهر بالمعصية وانا ماالوم اللي تكلموا كذا

لاني طلبت حلول ورأيكم ودعأكم في نفس الوقت

واللي ايده في الموية مو مثل اللي ايده في النار يعني لو لا سمح الله بنتك ولا اختك بيكون ردك كذا استحالة الاجابة نعم

مصدومين احنا لأن اختي حافظة جزء كبير من القرأن ودرست فترة طويلة في التحفيظ

حتى اغاني ماتسمع

وطبعا في ناس قالوا دلعكم اهو كان السبب

انا مانكر انو امي دلعتها وقلت لكم السبب كااااااااانت ياعالم مسحورة من كانت صغيرة وانفك السحر على كلالالالالالالالام المشايخ

فأمي تداري خاطرها وتخااااااااف عليها

ولا والله اشد من ابوي واخواني علينا مافي

لكم تتخيلون قبل زواجنا مانروح السوق الا ثلاث مرات بالسنة العيدين وملابس الشتاء

مانطلع لا تمشيات ولا غيره حبس على كيف كيفكم

يابناااااااات عبايتنا ولله الحمد عالرأس حتى البرقع مانلبسه ولا عرفناه الا لماتزوجنا ولا بعد نغطي عيوننا مانطلعها ابد

الدراسة يابنااااااااات الوحدة فينا من تخلص الثانوي خلالالالالالالالالاص يزوجونها تنسى شيء اسمه جامعة

او انطقي لين يجي نصيبك بس جامعة لا كانوا يخافون من انو نختلط مع العالم

اخواني الشباب شكاكين حيل لدرجة الواحد يشك بعمره

ومع هذا صبرنا وقلنا هذي عوايد اهلنا

لأننا من عايلة بنجد ومعروفين عليهم الشدة ومايخلون البنت تنفس

وياكثرهم اللي مثل اهلي والحمد لله على كل حاااااااااال

الفرحة يابنااااااااات مالها عنوان في حياتنا لو جينا نفرح بزواج ولا مولود ولا اقل تقدير حفل نجاااااااااح لازم تصير مصيبة

تهد كيان العايلة كلها وتخرب فرحتنا

لكم تتخيلون معي يابناااااااااات وهذي انا ماابالغ فيها وشيء شفته بعيني انا واختي واخوي حتى كاااااااان عندنا ضيفة

وشافت واستغربت كااااااااان فيه مشكلة او بالاحرى مصيبة في بيتنا والكل يصارخ يعني شوي وتوصل للقتل لولا لطف ربي فينا

ويطلع من السقف دخااااااااااان كثيف في عز الازمة لا هو من الكهرب ولا له ريحة مجرد بدت الاصوات تعلى

وش هالدخااااااااان مانعرف من وين جاء وليش مانعرف

اقلها من اسبوع وشوي الوالد جابوا لها شيخ يقرأ عليه تخيلو يطلع معه شيء اسود

من وش بعد ماندري لكن الشيخ قال ضروري يواصل القراية وهو ياعمري ماتحمل قراية

تقول امي يتعب ولا ينااااااااام ذيك الليلة من التعب ويشخص بصره وخافوا ووقفوا قراية لين على اقل يضبطون عنده السكر

والضغط ودقات القلب

انا مو ملازمة اقولكم كل هذا بس ابي اوصل واكد كلالالالالالالالالالالام الاخوات اللي قالوا كل البيت مسحور

بس ماابي اربط سالفة بيت اهلي بسالفة اختي هذا شيء وذاك شيء

وحسبي الله على من تسبب علينا والله يفرج همنا يارب العالمين

نجي لموضوع اختي الهاااااااااربة وبالنسبة لموضوع الخاتم واللعبة انا سألت خواتي اليوم قالوا انو امي تقول هي بنفسها

راحت معها للسوق وباعته لانها كانت تقول ماارتحت له ومن الدلاخة باعته لو راميته في الشارع والله ازين بس لو تفتح عمل الشيطاااان

واللي صار صار واللعبة بنتها كسرتها تعرفون الاطفال وكيف لعبهم

وعن اذا كان الخاااااتم واللعبة هم السبب انا صراحة مااحط بذمتي ولا يحق لي اقذف الرجاااااااااال ولا زم شهود

ويمكن نظلمه عشان كذا مانقول منهم بس كل شيء جاااااااااايز

بقول شفوا هالموقف واحكموا

اذا مو سحر وش يكون ممكن شيطان يلعب فينا

امس خواتي دخلوا غرفة اختي عشان يشوفون يمكن يلقون شيء

وكاااااااااانت غرفتها مرتبة ودوالبيها حيل مرتبة

ومالقوا شيء كل شيء طبيعي

وطلعوا وسكروا الانوار

وبعدهــــــــا طلعت وحدة من خواتي فوق غرفتها

ولقت الدنيا حوسة ملابس اختي عالارض والمعاليق مكسره

وحست بخوف لان تو الغرفة مافيها شيء حتى اطفال مافي احد

ونزلت خبرت امي والاخوات وشافوا الوضع كيف حسوا بخوف

بس مانعرف من اللي سوا كذا

والله يابنااااااات حالتي حالة مرة اقول مسحورة ومرة اقول شكل البنت لعانة وهي اللي جابته لنفسها

وكلمنا شيخ امس قااااااااال كل هذي اعراض مــــــــــس وجيبوها اقرأ عليها

بس للحين مافي اي خبر عنها

والموضوع سويت عليه تعديل ومسحت كل التفاصيل حتى مااحد يعرفني

من الجمــــــــــاعــــــــة

طالبتكم يابناااااااااات تدعون انو الله يفرج همنا ويرحم ضعنا وضعف ابوي واميمتي

ويرحم بنتها البريئة

وحسبي الله ونعم الوكيل

حسبي الله ونعم الوكيل

حسبي الله ونعم الوكيل

لا اله الا انت سبحاااااااانك اني كنت من الظالمين

لا اله الا انت سبحااااااااانك اني كنت من الظالمين

لا اله الا انت سبحااااااااانك اني كنت من الظالمين

اللهم اجرني في مصيبتي واخلف لي خيراً منها

اللهم اجرني في مصيبتي واخلف لي خيراً منها

اللهم اجرني في مصيبتي واخلف لي خيراً منها