السلام عليكم ورحمة الله وبركاااته
ابشركم ولدت ولله الحمد وجبت احلى ولد بعمليه قيصريه وهذي عمليتي الثانيه
والحمدالله على كل حاال
بحااول ان شاءالله اني اكتب لكم المفيد لاني تعبت وانا اسأل عن المدينه الطبيه والولاده فيه وقليل حصلت ردوود من البنات وانا اسأل عن المستشفى والدكااتره
اولا انا تابعت في المدينه من بداية الساابع
تحت اشراف الاستشاريه سحر السويلم
وكاانت مواعيدي كل ثلاثاء لان عيادتها الثلاثاء فقط
وكانت دايم مراجعااتي ذا اليوم
وكنت كل مره ادخل على دكتوره شكل غير عن الاولى لحد مادخلت التاسع ودخلت على الاستشاريه مره وحده عشاان كان البيبي جاالس
وحددت لي القيصريه
والسونار كيف نظامه عندهم تاخذين لك موعد وتروحين له يوم ثااني غير يوم مراجعتك عند الدكتوره
واذا حالتك تستدعي انك تسوين سونار مره ثاانيه
تدخلك دكتورتك غرفة السوناار ويطمنون على البيبي
المهم تحددت عمليتي وتنويمي
دخلت المستشفى على الساعه 9 الليل ولو بيدي دخلت قبل العمليه بسااعه يالله يابنات شعور مدري مره ملخبط فرحاانه انك بتشوفين البيبي بعد كم سااعه وشعور الخوف من العمليه والحمدالله
المهم رحت الغرفه وضبط زوجي اوراق التنويم
ودخلوني غرفة التنويم وقالولي من 12 خلاص صياام مادروا اني صاايمه من بدري
وبعدالسااعه 1 حطوا لي المغذيه وبدأت رحلة التعذيب مع الابر
واعطوني لبسهم اللي خبركم بس مالبسته
قلت بلبسه الفجر لان قالولي العمليه بعدالظهر وقلت بدري البسه من الحين
ونمت نومه عمييييييقه الى الفجر وبعدين جت السستر حطت لي مغذيه اللي يخلونها بيدك الين بعد الولاده
اللي باقي اثارها بيدي الى يومكم لان السستر اللي سوتها لي ماضبطتها لي من اول مره
نغزتني خمس مرات بيديني الثنتين والسادسه ضبطت معها
وركبتها لي
وبعدين جابوا لي اللبس الاخضر حق العمليه يمه يخوف لونه ومفتح من جميع النواحي
ولبسته وجلست وركبوا لي التخطيط للمره الثانيه والمره الاولى كان اول مادخلت التنويم
وشافوا نبض البيبي والحمدالله كان تمام
ولبسوني شراب بيضاء طويله للفخذ ومفتوحه من قدام من عند الاصابع
يقولون عشان الجلطات اللي بعد العمليه لان الضغط يصير كله على الرجول
والساعه 7 قالولي بعد شويه العمليه يمه خلاص خفت وقلبي بغى يوقف
بغيت اقول خلاص مابي اولد خلوه في بطني
وادق على زوجي يجي واكلم امي اقولها اني بدخل العمليات يالله يابناات الله يرحمنا برحمته ويكتب اجرناا بس ولايضيع لنا تعب
المهم والسسترات تجمعوا من كل مكان وياخذوني وينقلوني السرير اللي ينزلوني فيه للعملياات
ويسحبوني بالكرسي ويغطوني بالكامل بشرشفهم وينزلوني ياااااه يابنات شعوري ودي البس عباتي واهج وقلبي دقاااته سريعه والاسيااب بااارده واسمع الاصوات السسترات يسولفون وانا اقول في قلبي كلن على همه سرى من تحت الشرشف
الين ماوصلت قسم العمليات وماادراك مالعمليات
واسمع اصواات الدكاتره يصبحون على بعض
ودخلوني غرفة العمليات وكاانت بيضاء وتقريبا غرفه عااديه وهذا خفف عني شوي ماكانت مثل ماكنت متخيلتها مرعبه اذكر بولادتي الاولى كانت تخوف الغرفه
وانا داخله العمليه وحااطه في بااالي تخدير كاامل
واستحااله النصفي
وجااني دكتور التخدير وكان باكستاني اسمه غازي
وانا قبل الولاده كان عندي موعدمع دكتور التخدير
وقابلته مع زوجي وشرح لي عن التخدير الكامل والنصفي وكان بيكشف على لساني عشان التخدير وايش بيناسبني بس رفضت وقالي خلاص اتفقي مع دكتور التخدير وقت العمليه ويشوف اللي يناسبك
المهم يابنات قلتلكم داخله ابي تخدير كامل ويكلمني الدكتور ان النصفي احسن ومدحه وقالي انه احسن من الكامل بكثير والبيبي بيكون صااحي ولابيتعب من التخدير زي الكامل
ووافقت يابنات على النصفي كيف لاتسألوني
وانا معروفه اني خوااافه موت
واهلي وكل اللي حولي استغربوا اني سويت النصفي
المهم ويجي دور ابرة الظهر يممممه ولالمحتها حتى من كثر خوفي
وتقولي السستر امسك فيها وانحني ولااتحرك ولانفس
صدق ماحسيت بها بس مجرد انها ابرة وبظهري هي لحالها ازمه وخلصنا من الابره ويسدحوني عالسرير ثواني الا رجولي مخدره وماحس فيها ابدآ سبحان الله
ويجهزون اغراضهم والستااره صلحوها قدامي
وركبوا لي القسطره والحمدالله ماحسيت فيها ابد
لان بولادتي الاولى عذبوني بها
وحطو لي كمامه
وبدو يشتغلون وانا ادعي واستغفر بصوت عاالي
ماسمع الا صوتي بس مابي اسمع شي ثااني من الخوف والسااعه يابنات بوجهي مانتبهت لها الابعدخمس دقايق من العمليه ويطلع نونتي واسمع صوته كأنه من بير طاالع سبحاان اللي خلق
والساعه 8و45دقيقه صباحا
من يوم السبت 10 ديسمبر2011
وعلى الساعه 9و20 دقيقه خلصوا كل شي
وجابولي البيبي وشفته ياعمري عليه كان لونه ازرق ويبكي وبعدين طلعوني غرفة الافااقه وكانوا النيرساات مثل العسل ورحوماات الحمدالله وغطوني بلحاف كان فيه جهاز بهوا سااخن من غير
الاغطيه اللي غطوني فيها لاني كنت ارجف كأني مشبوكه بكهرب 220 من كثر الرجفه سبحان الله يمكن بعد نص سااعه هديت وكانوا يتابعون القلب عندي الين صرت احس في رجولي واحركهم وراح التخدير
بعدها نقلوني على الغرفه على الساعه 11وانا الحمدالله خاالصه ياارب لك الحمد
وجلست خمس ايام في المستشفى
وشالوا القسطره بعد12 سااعه بعدها قالولي لازم امشي واروح دورة المياه عشان يتطمنون ان كل شي تمام
وهذي قصة ولادتي
الدكااتره قمه في التعامل الحمدالله واللي سوا اللي العمليه دكتورتين والنيرسات من الجنسيه الاسيويه والتخدير باكستاني
والنيرسات اللي شفتهم طول اقاامتي بالمستشفى مره عسولات الحمدالله
الله يذكرهم بالخير
واغلبهم مسلمات
بس عيبهم الوحيد ان البيبي عندك مايخلونه عندهم لايكون تحت مسؤليتك
والتطهير للبيبي ماعندهم هذا بعد من الاشياءاللي ماعجبتني
لو عندهم تطهير كاان ياسلام
والرضااعه طبيعي ممنوع عندهم الصناعي
بس ياخذونه يروشونه ويرجعونه ويساعدونك اذا بكى ويشيلونه عنك
وسلالالامتكم اي سؤال انا حااضره
اعذروني على الاطااله بس حبيت اعطيكم كل شي بالتفصيل وتعيشون معي جو الولاده
الله يرزق الحواامل الولاده الميسره ويرزق كل محروومه الذريه الصاالحه
والله يسعدكم ياابنات تجمعي ويوفقكم وييسر اموركم
الله يرزقكم من اوسع ابوابه يا أغلى خواات
