السلام عليكم ورحمة الله وبركاته .
حبيباتى حوائيات الغربه .
لكم اشتقت إليكم كثيرا ولحواراتكم الهادفه والممتعه .
وربنا يعلم أد ايه بحب القسم ده دونا عن اى قسم تانى .
لأنى باحس بعقلانية أعضاءه ،
لأن ابتلاء الغربه يُعلم
الإنسان كثيرا.
هل أنت متأكد من الحساب ما بعد الحياة، بعد موتك؟
هل أنت متأكد ما الذي سيحصل بعد الموت؟ كيف تكون متأكدا؟
إنه ليس عدلاً أن تحجب المرأة كامل زينتها لأجل الرجل..!!
القران كتاب قديم ولا أراه يتماشى مع الحياه اليوم
اذا الله عارف من سيدخل النار ومن سيدخل الجنه لماذا خلقنا اصلا ..؟؟
لا اشعر بوجود الله.
-لماذا الصلاه خمس مرات لا داعي ضياع الوقت
مره وحده تكفي .
تقولون الله عادل ..
كيف هو عادل وخلى البنت تنكشف بعلاقات سابقه اما الرجل فلا
لماذا لم يجعل الرجل بنفس الكيفيه ( عرفتوا المقصود طبعا .. ))
شوفتوا الأسئله ..صح .
مين بيسأل الأسئله دى ,,؟؟؟
مراهقين مغتربين فى بلاد الكفر .
تعلموا اللغه العربيه وقراءة القرآن
والصلاة من الأهل ..
لكنهم لا يُطبقون .
وايه الهدف من موضوعى ..؟؟؟
كيف أنمى فى طفلى عقيدة صحيحه
وقويه
و مهارات الرد على
أسئلة كفار هذه البلاد الغربيه .
وكيف أعلم ابنى
الدعوه لدين الله من
خلال تمسكه بدينه ومبادئه ،
2-وسلوكياته الحسنه .
يمكن يكون موضوع كبير اوى .
لكن أنا من خلال بحثى وتعاونكم معى ،
أكيد هانقدر نوصل لإجابات لكل أسئلتهم
ونعلم ولادنا ازاى نرد عليهم .
ليه كتبت الموضوع هنا ..؟؟
لأن مجتمعكم هو أكتر
المجتمعات اللى المفروض تهتم بيه كل
أسرة فى ترسيخ الإسلام ومبادئه وتعليمه لهم
بشكل معاصر للحياه اللى انتو عايشينها .
فكرة الموضوع :
قرآتى لأحد الموضوعات فى
أحد المواقع ، اللى بتشتكى فيها الأم من
أسئلة أولادها الإلحاديه.
عناصر ((هانتكلم فى ايه)) .
مش هاتكلم-بعد إذنكم -عن أسئلة الأطفال الصغيرين ،اللى هى ليه
ربنا موجود وازاى بيشوفنا وازاى بيسمعنا .
لأن دي أسئله ممكن نرسخ إجابتها فى أذهانهم بالقرآن
والعقيدة من وهما صغيريين .
هاتكلم فى
أسئلة أطفال مراهقيين أو
أقل ..
يعنى ايه ..؟؟
يعنى عايشين مع المجتمع اللى بيعبد العلم وبس .
اللى بيعبد الحريه وبس .
اللى مش عاوز يرتبط بمنهج معين .
ما هى طريقة الإجابات عن الأسئله ..؟؟
من أهم الأشياء
هو عرض الإعجازات العلميه
من مواقع الإعجاز .
للرد على مثل هذه الأسئله .
والإستعانه بكتب ومقالات بتهتم
بالجانب ده .
زى:
كتاب صديقى الملحد
للدكتور مصطفى محمود .
لقد درسوا لنا نظرية التطور .
فبحثت ووجدت الكثير من الفيديوهات التى
تثبت عكسها ..
ثم اخترت هذا الفيديو :
WIDTH=400 HEIGHT=350
وهذا الفيديو الحديث
WIDTH=400 HEIGHT=350
سألنى ما مدى صحة البعث بعد الموت ..؟؟
بحثت وقدمت له هذا الفيديو .
الذى بيثبت بطريقه علميه حقيقة البعث بعد الموت .
وبيثبت آيات القرآن التى تُثبت هذه الحقيقه :
WIDTH=400 HEIGHT=350