اختي معنى الحب الحمد لله على سلامت ولدك الله يشفيه ويعافيه ويخليه لك ويصلحه 0اختي ممكن اسألك ويش العمليه التي اجريتيها لولدك لان ولدي ايضا عنده موعد لعمليه في عينه ووين سويتيها وكم عمر ولدك ولك جزيل الشكر

أخواتي الحلوات مشكورين ما قصرتوا على تفاعلكم معاي ، الله يعطيكم العافية او ماتشوفون شر في حبيب انشاء الله،

اخت تحبكم انا عملت عملية حوّل "كروس أيز" والحين الحمد الله ولدي وايد زين، سويتها في البحرين وعمري ولدي سنتين ونصف بس انا يبته ناقص بس الحمد الله الحين وايد زين
والله يطمئنج على ولدج انشاء الله وتشوفينه ريال يارب، اسفة اني قرأت ردج متأخر أنشاء الله بس ما تأخرت في الرد، في دكتورة في البحرين اسمها دكتورة ابتسام العلوي ممتازة بس اذا انتي من المملكة عندكم بعد خوج اطباء ....................والله يعافيه انشاء الله.


تحياتي القلبية.

اختي معنى الحب مشكوره على ردك والف الحمد لله على سلامة ولدك انا بعد ولدي نفس المشكله بس انا متردده اسويها له والا لا 0الاخوات في الرياض ولدي عنده موعد للعمليه في المستشفى العسكري وفي مستشفى الملك خالد التخصصي للعيون من خبرتكم وين تنصحوني اسوي له العمليه ؟دمتم لاخت تحبكم

أختي أخت تحبكم اذا كنتي متردد صلي استخارة، بس على فكرة هالعملية نسبة نجاحها عالية، بس خبريني كم عمر ابنك وانشاء الله ما يشكو من شيء ثاني. الله يعطيه العافية انشاء الله.
وعلى فكرة انا سمعت عن المستشفى التخصصي واخذت ابني مرة الى هذا المستشفى بس حق شيء ثاني ، سمعت ان هذا المستشفى وايد وايد زين.
انا بعد يا أختي كنت وايد متردده اسوي له بس توكلت على الله وسويتها والحمد الله صار الحين وايد احسن ،

طمنيني عليج وعلى ابنج

تحياتي

+اختي معنى الحب وفقك الله واجزل لك المثوبة على تواصلك عزيزتي ولدي عمره ثلاث سنوات وثلاثة اشهر 0عمل قبل فتره عملية لحميه واخاف عليه من تكرار البنج وفي واحده قالت لي ان العين بعد العمليه تصير بارزه(جاحظه)فهل هذا صحيح؟هو عنده موعد في التخصصي له موعد في شوال ثم موعد آخر ثم العمليه0اختي اريد ان اسألك هل ولدك ولد هكذا؟اعني ولدي كان طبيعي حتى عامه الاول ثم بدات عينه اليمنى في الانحراف وتبعتها اليسرى ناس يقولون لي لاتسوين العمليه وجربي القرايه وناس يقولون اكويه بدات عينه اليسرى تخف عن اول اما اليمين فكما هي راجعت فيه ثلاث مستشفيات كلهم اجمعوا على نفس الكلام العمليه والله يعين