.. فريق .. ¨°•..♥..~ مُرَاسِلات السَّلام ~..♥..•°¨.. للخير وبالخير أتيناااكم..
كلنا نعرف الأجواء الحاصلة في المنطقة من انهيارات
وزلازل وثورات شعوب
وانقلابات دول
وما زال مسلسل الفتن مستمر
نقرأ
ونشاهد
ونترقب
وكلما انهارت دولة
عشنا
خلينا نسولف مع بعض ....والبساط احمدي
لحظات بس ..
هذي قصة صارت لي في ازمة الخليج كنت وقتها صغيرة
وكانت ازمة الخليج منقسمه الى قسمين
ازمة الخليج الاولى والثانية
نتكلم عن الاولى ما كانت بذاك الخطورة
واختكم شافت ان الكل بيسافر
قلت والله اسافر
فأختلقت سالفة اني خايفة ورقدت السرير ومثّلت اني تعبانة
ولأني البنت الوحيده بين الشباب عرفت كيف امسكهم من الإيد اللي توجعهم
قال ابوي الله يرحمه خلاص جهزوا حالكم بسفّركم
انا شوي شوي قمت من السرير ( قال تعبانه )
وع طوووول ركض اجهز اغراضي
ولا تهون ملابس السهرات والمناسبات
لا ..وكنت ابي السوق اشتري شويه اغراض
المهم سافرنا انا وامي الله يرحمها واخواني
اما ابوي واخوي الكبير تركناهم يواجهون المصير
اخوي بعمر 17 سنة او اصغر بس ابوي جنّده
وكثير.. هم اللي تجندوا لأجل الوطن
الرياح تجري بما لا تشتهي السفن
يوم وصلنا للمكان اللي نبيه
ما استانست
وحسيت بضيقه
ودي ارجع
اشتقت لابوي واخوي ولكل شيء
كنت خايفه عليهم بالمره
قعدنا فترة
وصارت الامور تمام ورجعنا
قعدنا الى ماشاء الله في شريقيتنا
ورجع الخطر مرة ثانيه
وكانت هالفتره بجد خطيرة (بمنظورنا )
نسيت اقولكم ...
اخترنا اماكن تكون داخليه وفيها مصدر امان
ولصقناها من كل مكان وصارت كنها مستودع
وفيها كل مالذ وطاب
ومن كمامات وادوات السلامه
الا شوي نسمع الصواريخ ونشوف شرارها من الشبابيك
وطبعا صافرة الانذار ننننننننن
وع طول ندخل المستودعات
عفوا غرف الطواريء
بعدها بوقت قال ابوي يالله تجهزوا بنوديكم
وانا قلت لكم بالسفرة الاولى ما استمتعت
وكن ربي يبي يعاقبني بالكذبه اللي كذبتها
قلت والله ما اسافر بقعد هنا نموت سواء ونعيش سواء
وهم يقولون من وين لنا هالمصيبه ذي !!
ويجهزون اغراضي وانا ابكي وامسك مكتبي
وابوي يشدني ...امشي يا بنت
و امسك مقبض الباب
ما ارووووح
ابي امووووت هنا
يا اخي ابي استشهد
ووقتها اشوف شرار الصواريخ من الشباك وانا ابكي
قلت يارب يارب يجينا ونموت
ترى
ماهو شجاعه
بس لأني ما ابي اسافر
واختكم عنيدة )
وابو العناد بهالوقت الشين
المهم شالوني وسفروني
>>شغاله
الا ابكي عالاطلال
واقول اشعار
مدري خرابيط
مدري شسميها
طيب وصلنا
مفاجعه
تصدقون بالله اني انبسطت بهالسفرة اللي ما ودي اسافرها
لاننا اجتمعنا مع عيال عمامي وخوالي فانبسطت
ولبست فساتين السهرات ولا فكرت لا بأبوي ولا اخوي
WIDTH=400 HEIGHT=350
تنويه
شفتوا هالفترة اللي عشنا برعب واستنفار
ترانا للحين عايشين ما متنا
طبعا امي وابوي ماتوا الله يرحمهم
ما ماتوا من الحرب لكن ماتوا لأسباب أخرى
وان تعددت الاسباب فالموت واحد
الله يغفر لهم ويكتبهم من الشهداء
ويغفر للمسلمين والمسلمات الأحياء منهم والأموات
نتبع ...