وكثير اسمع ( شلون اكون واثقه ؟ ابي اوثق من نفسي ! )
بالبدايه ايش هي الثقه ؟
وكيف الاهم اعرف اقوي ثقتي بنفسي .؟؟
"الثقه تعني اني عارفه قدراتي ومميزاتي ومطمئنه بها ولها .."
يعني كيف ؟
يعني انا عارفه مثلا ان جسمي حلوو فالبس الملابس بكل ثقه !
هنا مميزاتي ( جسم حلو ) بالتالي ( مظهر باللبس انيق ) بالتالي ( واثقه من جسمي ! بالتالي ( أي نظرات توجه لي يبرمجها عقلي على انها اعجاب وايجابيه لشكلي !
يمكن مايكون قصد اللي يناظرك مثل ماانتي توقعتي بس لانك من داخل واثقه فماتستلمين الا رسائل ايجابيه !
اذا لا يمكن اكون واثقه نهائيا الا لما اكون مطمئنه بقلبي ومرتاحه من هالقدره او الميزه اللي عندي ..
.. لكن
لما يكون شكلي حلوو وانا مو اثقه مهما مدحوني الناس لا ااصدق !! غصب علي في شي بداخلي يقول لي هذولا يجاملونك بس ولا انهم يبالغون ماعرفوك على حقيقتك !!
شايفين كيف الروح السلبيه تصارع أي رساله ايجابيه تنبعث لها ..
طيب كيف اكون واثقه ؟
مبدئيا لازم نعرف انه لايوجد ثقه مطلقه نهائيا !!
يعني كيف ؟
يعني انا اكون واثقه من جسمي لكن مو شرط مثلا اكون واثقه من ملامحي او شعري او ايديني وكذا ..
اكون واثقه من طبخي وطعمه اللذيذ بس مو شرط اكون واثقه من فن تقديمي لاكلاتي وسفرتي ..
طيب افهم من كلامك انه مستحيل اكون واثقه من كل ابو شي فيني .؟
لاا ماقلت انا كذا بس حبيت افهمك انها الثقه جزئيه لازم تفعلينها بكل مكان .. كل مكان فيك تكبسين زر الثقه فيه وبالتالي تصيرين كلك مولعه ومشرقه
اذا تبين تكونين واثقه من شكلك .. حددي اولا وش اللي يزعجك فيه ؟ وش اللي حابه توصلين له ؟
مثلا وزنك زايد
هنا انتي متذمره وكل مارجعتي من السوق تكونين طفشانه وتسبين السوق خايس ووو وحتى لو اشتريتي لبس وانتي لابسته مو واثقه وبس تنتظرين أي اشاره من الناس علشان تاكد ضنونك
حتى لو كانت نظره عابره من وحده تهوجس بزوجها .. انتي تفسرينها انها قاعده تنتقدك وتقول وع شكلها ووو
ويمكن تجي وحده تمدحك بطهاره قلب .. وانتي تفسرينها انه ايه فلانه شافت شكلي يع حبت ترفع من معنوياتي .. علشان كذا اول ماتردين عليها تقولين شدعوه عاد تبالغين ..
واذا جت وحده مزحت معك يادوبا وينك << انتي هنا بنفسك ايييه شفتي اني دوبيه وكل العالم ملاحظه
.. السوق ماكان خايس .. ولا لبسك شين .. ولا العالم تنتقدك .. السبب الرئيسي هو عدم رضاك عن وزنك ..
طيب وش تنتظرين ماتنحفين ؟ كم كيلو كفيله تحقق لك طله اكثر ثقه وحياه اجمل !!
ياروز خلينا من الشكليات انا مشكلتي اكبر انا مااعرف اتكلم قدام الناس وربي تضيع علومي حتى لو هي سوالف عاديه !!
ياقلبي انتي لا مشكله اكبرولا شي نفس الشي صدقيني
طيب شلون ؟
خليني اشرح لك ..
انتي لما تكونين بمجلس تظنين ان العالم يناظرونك بانتقاد .. وكلهم عارفين انك مو واثقه من نفسك .. وانه اول ماتتكلمين بتخطين وماعندك ذاك المستوى بالحكي فعلطول بيقولون وش هالقرويه !!
صدقيني اوهااام .. لانك من داخلك سلبيه صرتي تبررين أي تصرف من الاخرين بشكل سلبي ..
لنفرض انك مريتي بتجربه اختنا اللي تهوجس وهي تتطالعك .. فورا بتخبين نفسك وبتقولين ياربي اكيد هي تقول بنفسها وش هالبزر اللي ماتعرف تحكي وعندها علومك كلها !!
سبحان الله الناس مجرد مايشوفونك يعرفون كل شي سلبي عنك .. وحتى لو مدحوك تراهم نصابين بس يسلكون لك ولا انتي وع ولا تعرفين تتكلمين واسلوبك يفشل ووو
طيب وش اسوي ..
ياقلبي اول شي ثقي ثقه تامه انك افضل بكثير من الموجودات ولو شفتيهن يلعلعن بالحكي !!
يمكن عندك الكثير من الامور اللي ممكن تنطرح او يسولف فيها بس مخبيتها وماتشوفينها لانك دائما مغلبه الخوف والسلبيه عليك وعايشه بضلام وحيده ..
وبعدين تعالي .. وش المواضيع اللي تنظرح بمجلس الحريم مو عارفه تسولفين فيها .؟ لا يكون تركيب مفاعل نووي ولا اكشتافات جيلوجيه ؟
تراها نفس المواضيع بكل قعده ( السوق + المناسبات العامه + الاولاد + وقت الدراما وكل وحده تشكى + الاخبار السياسيه العامه او العلومات العامه اللي يمكن مره عليك 100 مره + التعليم والوظايف واشياء تعيشينها انتي واهلك وصديقاك مو شي جديد !! )
معقوله ماتعرفين تشاركين بحوار زي كذا .. وانتي عندك نت وعندك الاقلاع باختصار جامع لك من كل بستان ورده ..
اطلعي اتعلمي اكتشفي اشيا اء جديده اسئلي وربي مااحد مقصر معك باي شي
انما العلم بالتعلم ..
مفتاح الثقه هو ..
اعرفي امكانياتك ..
انا وش ماهره فيه . ؟ بالطبخ مثلا بالحوار .. بالتفاهم .. بالاستماع ., بالقراءه ..
وش املك من مميزات ؟ شكلي حلو .. شعري .. طولي .. نعومتي .. جاذبيتي .. الخ
وقويها تفنني بالطبخ اكثر جربي طبخات عالميه .. اصناف جديده .. تعلمي فنون التزيين وترتيب السفره وكذا
قوي مفاتيحك ..
شكلي حلو .. اثق اني جميله بشهاده مرايتي اولا واستنادا على مدح الناس .. واثق ثقه كامله ان في من يشوفني ملكه جمال الكون .. وفيه من يشوفني عاديه .. لذالك شهادتي انا اقوى
شعري .. اهتم فيه اتعلم تسريحات جديده تناسبه اتمتع بهالميزه اللي ربي اعطاني اياها واشكره عليها
اقوي ابراز المميزات علشان اعرف بها .. واكون واثقه منها ثقه تنسيني سلبياتي ان وجدت ..
خليهم يقولون فلانه جسمها حلو وتعرف تبرزه بطريقه احترافيه
فلانه شعرها حلو ومبدعه بتسريحه
فلانه ملامحها روعه وتعرف كيف ترسم المكياج يطريقه تخليها اجمل وكذا
انشغلي بتفعيل ايجابياتك علشان تعلين الثقه عندك وتلهين عن الحزن على السلبيات اللي راح تختفي تماما كل ماعليتي مستوى ثقتك بنفسك ..
ثم بعدها احدد سلبياتي ..
مثلا دوبا .. ايديني سمر .. رجليني فيهن خشونه .. مو واثقه بالحكي .. خجوله .. الخ
امسكي كل سلبيه وعدليها فورا .. دوبا ( نادي رياضي .. اشتري جهاز رياضي بالبيت ,. انتبه على اكلي )
ايديني رجولي .. الكريمات ماليه الصيدليات والنت فايض من الخلطات
مو واثقه بالحكي .. احدد ليش ؟
هل لان ثقافتي قليله ؟ << اقويها بالقراءه المستمره مو شرط كتب ومجلدات .. لا مواضيع النت والجرايد وغيرها تغنيك ثقافيا بشكل حلو
لاني اخاف من رده فعل الناس ؟ << احطهم اخر همي واراقب اللي يسولفون بالمجلس هل كلهم الناس تصفق لهم ؟ ولا فيهم من تخطي وفيهم اللي تنتقد ويعارضونها ويناقشونها ومع ذالك ماتوقفت مستمره تسولف اكثر واكثر
واتدرب اولا احكي مع اهلي بطلاقه .. ثم مع صديقاتي .. ثم مع اللي بجنبي بالمجلس ثم مع قروب محدد ثم مع الناس كلها .. اهم شي مااستسلم مااوقف مهما واجهتني تعليقات ..
واثق ثقه كامله ان مافي احد بالكون مااحد انتقده او ضحك عليه ..!! ومع ذالك العالم مستمرين بالحياه ماانتحرو
ومو شرط انتقدوني او ضحكو يعني معهم حق !
يمكن يكونون سفهاء ينتقدون لاجل الانتقاد وسعه الصدر . ولا يكونون متفهموني فالعيب بفهمهم مش بي ..
ويمكن اكون انا فعلا اخطيت .. فماادس راسي بالتراب علشان خطاء !! الاصح اني اعالجه واستمر افضل من قبل واتعلم من اخطائي صح ؟
اووف وش كل هذا ياانتي كتله هلاميه من السلبيه الا متناهيه
ياقلبي شوي شوي بنفسك والله حرام انتي شايفه بعينك انك حلوه ومثقفه وتعرفين تحكين ويغيره من المهارات ليش ماتستمتعين بها وتفتخربن وتشكرين ربك صبح ومسى على كذا يابنتي غيرك يتمنو بس احد يمدحهم لو كذب ويتمنى نص اللي تمتلكينه ليش كفر النعمه هذا ؟
انتي اساسا لو تفكرين شوي وتطلعين سلبياتك بتنصدمين !! انها ماتسوى اصلا .. بس انتي محيطه نفسك بسحابه خوف كاتمه على نفسك ومو راضيه تطلعين منها تستشنقين هواء نضيف
انتي مثل اللي مكبل نفسه بحديد ورايح للسجن يقول انا بريئ بس اسجنوني !!
الناس شهداء الله بارضه .. يمكن وحده تمدحك كذب ومجامله بس غيرها مو مجبورين يجاملون ولا يكذبون صح ؟
وانا متاكده انك تشوفين الاعجاب بعيونهم فليش لاعبه على نفسك وتقولين لالالا موب صدق
نظفي داخلك من السلبيه واستمتعي بالنعم اللي عطاك اياها ربي واشكريه ولا تكفرينه تراه قادر يحرمك منها بلمح البصر ووقتها لاتقولين ياليت ارجع زي اول مميزه !
ابرز اسباب ضعف الثقه عند البنات:
1- محيط الاسره السلبي
2- تركمات من الماضي ومضخمه ولازالت تسترجعها عن كل لحظه ضعف مع انها قادره تقول ستوب هذا ماضي وانتهى انا بنت اليوم وتعيش حياتها
3- سلبيه داخليه منشأها روح قلقه ووسواسيه ..
4- الخوف .. والمبالغه بالامور التافهه مثلا اخطيتي عن الناس خطا بسيط .. كبرتيه وصار سالفه وياربي انا افشل ليش اسوي كذا ووو مع انه كان بامكانك تقولين انا انسانه ممكن اخطي .. واعالج الخطا باابتسامه اوتبررير مضحك وضحك الجميع وانتهي الموقف بسلام !
5- قله الثقه بالله وعدم شكره على نعمه .. والرضوخ لوساوس الشيطان المحزنه
6- العجز !! ايه العجز ... عندك اشياء بسيطه وقادره على تغييرها بس عجازه تبين معجزه من الله تنزل وتختفي الكرشه فجاه
وتبين تصيرين مثقفه ومتحدثه لبقه وانتي ماتعرفين الا مسن وان كثرتي بحثتي عن توبيك او صوره !
طرق العلاج ..
</B>1- معرفه الايجابيات والتمتع بها مهما كان صغيره .. لو خشمك يجنن روحي وحطي زمام واستمتعي بالحياه خشم يجنن وزمام صار احلى
2- الثقه بالايجابيات وتضخيمها بنفسك .. انه ياربي خشمي يجنن بسم الله علي مخلي وجهي روعه وتسذا
3- معرفه السلبيات وتحليلها .. هل هي فعلا تعتبر سلبياات او عاديه ؟ وحده عندها حبه خال صغيره بجبهتها والمسكينه ماتحب تروح لعزايم لان شكلها يفشل !! لاتعليق ...
اما اذا كانت سلبيه فعلا فاغيرها قدر المستطاع وفورا .. مااسمح لها تهز ثقتي وانا قادره اغيرها واخلي عني العجز كما اسلفت سابقا
4- احمد ربي كل ثانيه على الاشياء الحلوه مبدائه بالصحه ثم ادق الاشيا منها امتلاك لاب توب وقدره على دخول الانترنت !! لاتحقرينها تراها نعمه من ربك ... علي جانب الرضى والشكر والطمئنينه بقلبك .. يزيد ايمانك ويعطيكك ربي ثقه فوق ثقتك
5- اذا فشلتي بشي .. انجحي بشي ثاني .. لاتوقفين عن شي .. الحياه كبييييييييييره ..
6- حولي سلبياتك لمشاريع بحث واستكشافات
مثلا دبا .. << جربي نوادي ايهم افضل اذا كنتي تقدرين كذا .. جربي انظمه رجيم ورجحي الافضل وانصحي فيه اللي يبون ينحفون وخليك خبره بهالمجال .. اسالي استشاريين اخصائين ناس مرو بتجربتك بتكونين اكثر تحمس واكثر اطلاع والناس تتاثر فيك وبالتالي تكونين حولتي سلبيتك لميزه !
ايدينك سمر ..جربي كريمات .. ابتكري خلطات .. حوسي بحواظر البيت يمكن نتهي مشكله السود على ايدينك في العالم من يدري !!
ابحث هل السمار ينبئ عن مرض ما .؟ ماذا يعني السمار اسبابه وكيف علاجه وكذا
لاتعتمدين دائما على سوالف الحريم ابحثي انتي وتعلمي ..
في جانب وهو العيوب الخلقيه ..
اللي ربي حطها فيك ومالك قدره لاطبيا ولاسلوكيا تغيرينها
هنا لاتوقفين وتقولين ليش ياربي انا كذا وليش كل الناس ماعندهم زيي وانا حظي شين والناس بتعايرني واحسن اصير انطوائيه واصك على نفسي الين اموت !!
برئيك هذا هو الحل .؟
برايك ربي ضلمك وغلط فيك ؟
برايك ان الناس كلهم بيعايرونك ..؟
واذا صكيتي على نفسك وش استفديتي ؟
اككيد بتقولين لا مو حل ابد انا العب على روحي وانا زي النعامه ادفن راسي بالتراب وانا انسانه سلبيه واقفه عند مشاكلي وبس اناظرها !
بتقولين هذا شي مااقدر اغيره .
بقولك اوكي ربي صدقيني ارحم فيك من امك وماحط لك هالشي الا بيزود اجرك ومنزلتك اذا احتسبتي وبيسهل عليك يمكن بس تصلين وتصومين ومع ذالك حسناتك فل .. بسبب رضاك بهالشي واحتساب الاجر فيه ..
ويمكن هالناس اللي تتحسرين على جمالهم ربي يعذبهم بهالنعم اللي عندهم لانهم ماشكروه واستخدمها بشي مايرضيه
شفتي شلون ربي يحبك
يعايرونك الناس !! اساسا هذا خلل بعقلياتهم ولا يشوفون هالشي من ربي مو منك ليش يعايرونك وانتي مابيدك شي ؟؟ شفتي شلون سخف عقولهم .؟ بالله هذولا يستاهلون تصكين نفسك علشانهم ؟
ماراح تستفيدين من الصكه الا امراض نفسيه وانطوائيه وكلام اكثر انه ياحرام فلانه ماتطلع علشان ذاك اللشي اللي فيها !! شفتي انك بكل الاحوال مو سالمه
طيب وش اسوي
الحل انك تصغرين هالشي وتقولين انا كلي سليمه بجسمي بحواسي بعقلي وكل هالنعم ربي عطاني ايها بس هالشي فيه عيب !
شفتي شلون طلع صغير ؟
وشفتي انتي قديش سلبيه تركتي مئات الايجابيات اللي عطاك ايها ربي وركزتي على الشي !!
مو ظلم منك وججود لنعمه ربي عليك ؟
ومن بعدها تحوين هالشي لميزه انه تكونين مبدعه وخلاقه برغم عيبك ..
وتجبرين الناس يتخذونك قدوه انه شلون احنا بكامل صحتنا ومع ذالك ماعندنا ولا ربع اللي عند فلانه بالرغم ان ربي بلاها بشي معين !
شريك تبينهم يقولون عنك قد ايش عظيمه وتكونين قدوتهم .. ولا يقولون ياحرام فلانه بها كذا ويناظرونك بشفقه !!
انتي اختاري
وبالنهايه اقول كل وحده فينا عنده ثقه فطريه من ربي فلا اسمع من تقول ماعندي ثقه هماه:)
الموضوع منقووووول عجبني ونقلته لكم اتمنى تستفيدوون منه "
ودعواتكم الطيبه ان الله يرزقني مااتمنى ..