:26:السلام عليكم:26:
انا عندي مشكله من زمان يبي لها حل وقلت ما عندي الى خواتي بعد الله في حلها:heart:
يا بنات انا في اول ثانوي واختي اصغر مني 3سنين انا واختي ما نتفق ابدا والله يابنات ليتكم تشوفون حالتي الله يعين
انا انقهر لان ودي اعامل اختي باسلوب حلو ورقيق ترفع ضغطي واتهاوش معها واجرحها من دون قصد وتروح تبكي وانا اموت حزن علشانها ولا ادري كيف اصلح غلطتي والله يا بنات ان امي تعبت من كثر ما تنصحني وتهاوشني على ان اكبر عقلي بس الله المستعان اهي جسمها غيييير عن عمرها يعني اهي قصيرة مرة ولو تشوفونها مارح تصدقون ان عمرها 12وبنت عمي كبرها ليتكم تشوفون بنت عمي طول وعقل كبير اما اختي دايما مع الاطفال ولما اكلمها وانصحها تقول لي كلامك كله في الزباله اكرمكم الله انا عاد اقوم واعصب واعيرها واقولها يا القزمة واهي تبكي لاكن انا ما اقصد ....ومرة جات بنت خالتي كبري وقلت لاختي وش رايك ازين شعرك تقولي لا ابي امجاد ,, الي هي بنت خالتي ...وبنت عمي الي كبرها تسولف معي بصراحة وبجرأة واختي مع البزران تلعب وانا اموت حسرة عليها ما ادري ايش الحل واليوم تهاوشت انا وياها على شي سخيف قامت تسوي فلم هندي وتبكي وتروح عند امي وانا صراحة ما اذيتها لاكن الدلع المهم جات امي هاوشتني وانا انقهرت من اختي ويوم راحت امي انفجرت على اختي بالكلام واقول لها يا القزمة يا البزر كبري عقلك شوفي بنت عمي الي الكل يحترمها ويعاملها باحترام مو انتي مع البزران ووووو.........
المهم انا نسيت نفسي قامت تركض وتبكي عند امي انا عاد الصراحة تحسفت وامي لما جاء الليل قامت تكلمني عند هذي السالفة وتقول اني اقدر اجرحك اكثر من الي جرحتيه اختك بس ما ابي شخصيتك تضعف مثل ما خربتي اختك وانا خلاص دموعي شوي وتنزل على اختي الي كسرتها ولا عاد سار لها شخصية ما ادري ايش اسوي والله اني اكتب وانا ابكي من الحسرة لان ما عاذ فيه في هاذي الدنيا يساعد الى الاخت وانا ما ابي اخسرها اذا كبرت ,ابي اشياء تجمعني معها تحببني فيها اكثر وهي بعد تحبني ولا تصير مشاكل والله لادعي لها في ضهر الغيب الي تساعدني لاني تعبت نفسيتي حتى اهي اكثر
باذن الله ما تخيبون ضني فيكم والقى ردود تثلج الصدر:heart:
يلزم عليك تسجيل الدخول أولًا لكتابة تعليق.
يا أختي أختك توها صغيره وجهيها وانصحيها بأسلوب حلو والتمكن عينها من شئ ماهو حرام ولا عيب
والله ليت أختي عاملتني بالطيب ماراح تلاقي أطيب مني واذكر مواقف تسلط أختي من وأنا صغيره ومنعهم لي أشياء ما تستحق المنع لكن وش نقول غير ربي يجعل العوض في الأيام القادمة
والله ليت أختي عاملتني بالطيب ماراح تلاقي أطيب مني واذكر مواقف تسلط أختي من وأنا صغيره ومنعهم لي أشياء ما تستحق المنع لكن وش نقول غير ربي يجعل العوض في الأيام القادمة
ياقلبي آختك باقي طفلة لازم تعاملها بمعاملة الطيبة يعني موكل ماتهاوشتي معها تعايرها لا لازم تكسبيها جنبك لا آنتوا آخوات ومردكم لبعض آنا آتمنى آخت آصغر مني بشوية ونكون صديقاتي كل آخواتي كبار ومتزوجات ولاهيات ماشاء الله عليهن بس آبي آخت صغيرة آسولف معها وتهاوش معها ههه آمزح وبعدين كل يختلف شخصيته يعني موالكل سوا يعني اكيد ماراح تصير مثل بنت عمك وآذا لقت آختها حولها وتكلمها مثل الكبار تسولف وتفضفض ماراح تروح لبزران آنا ماآقول هل شي آهزك لا آعرف آنك مراهقه وكلنا مرينا بهل مرحلة بس آختك تبي معاملة كويسه وحب وكلميها وقولي يااخويتي آنتي كبيرة فهميها سولفي معها وراح تتغير
الصفحة الأخيرة
وبنت عمك الي قدها مو اجباري تصير مثلها واذ بتكسبينها جيبلها العاب من السوق وقولي فلانه الي هي بنت عمك تسوي نفسها كبيره وع ياشين الكبر بعدين هي تحس انها مو نازله من عينك وخلاص ونحلت