انا واختي

السلام عليكم ورحمه الله وبركاته


حابه تعطوني ارائكم وتساعدوني لاني حاسه بضغط نفسي وافكر كثير اتمني القي ردود ايجابيه انا واختي ولله الحمد تزوجنا ولاد عم وعايشين بمنطقه وحده بس هي بعماره تبعد عني 12 دقيقه تقريبا بالسياره وهذي اختي الوحيده الي عندي من اهلي هنا الباقيات بعيد عنا وانا وهي بينا فرق بالعمر سنتين فقط وعلاقتنا عسل مع بعض ولو تطلب ايش ماارفض لها وهي نفس الشي واتفقنا طالما اننا بعيد عن أهلنا ومانشوفهم الا كل كم شهر مره اننا نعين نفسنا ومانقصر علي بعض ابد واي وحده تحتاج شي الثانيه تفزع لها
المشكله وووين انا عندي 3 أولاد وبنت وهي عندها ولدين وبنت عيالنا كبار بس بنتها عمرها 7 شهور واصغر طفل عندي زلد عمرها سنتين بالضبط انا لا احتجت مستشفي او مشوار ضروري احط ولدي عندها والكبار اخليهم بالبيت او اخذهم معي مايسببون ازعاج او شي لانه كبار ويفهمون بس هي الله يهديها دااااايم تحط بنتها الصغيره عندي يعني مشوار ضروري او لا تحطها وبدون حفاظات ويوم قلت لها جيبي لها حفاظات علي الأقل الي عندي مو قياسها وصارت تجيب معاها شنطه فيها حفاظتين والحليب اعطيها من حق ولدي ومو هنا المشكله انا متضايقه شويات لاني مااخلي ولدي عنها الا للضروره القصوي وهي كل مره بتطلع تتسوق قطت البنت عندي بتطلع تتمشي مع زوجها خلتها عندي وحتي مره اذكر كان في زواج صديقتها وخلتها عندي من المغرب ورجعت الساعه 1 باللليل وانا ادق عليها تقول تعبانه مره خليها عندك وماجات اخذتها الا الظهر حتي حفاظاتها خلصت ولبستها من عند ولدي ووصخت نفسها لانه كبير عليها كثير وبدلت ملابسها وعطيتها من ملابس الولد القديمه وسالفه والغرفه ريحتها ريحه وزوجي تضايق وكان يوم اجازته مسكين ماتهني فيه وجلست طووول اليوم انظف وبعض الأحيان اذا بتطلع وتطول بره تخلي العيال كلهم عندي وهالشي يضايقني تعرفون العيال اذا اجتمعو يخربون الدنيا الحين انا ابي المح لها انه لا تتركينها بكل مشاويرك بس أخاف تزعل وهي شويات حساسه وش اسوي اصبر والا اكلمها انا مره محتاره وحتي مره كانو بيسافرون 14 يوم وقالت بتخليها عندي وتعذرت قلت لها مااقدر انتبه لها واخاف الصغير الي عندي يضربها وحسيتها زعلت خفيف بس عدت لانه 14 يوم مره كثيره وش اسوي شورو علي ماابي ازعل اختي واحنا مالنا غير بعض هنا ربي لا يحط احد فيكم بضيقتي


ملاحظه المعرف مشترك وشكرا للاخت فطومه