انا ... واختي ...بعد طلاقي

السلام عليكم
يابنات انا عندي مشكله عوووووووووووويصه
انا قريبا رح اطلق بعد زواج دام شهرين ... انتو عارفين القصه
المهم انا طليقي ماكان يحكي معي وقت الملكه ولالالالاشي لانو قال قليل كلام وما يمزح ولا يغازل يعني جدار وخالي من المشاعر وفوق كل هاد معقد ومريض نفسي .... المهم صرت احس انو نصيبي مو كويس وصار عندي عقده من الزوراج وكل ماشوف وحده مبسوطه مع زوجها اوخطيبها والله مو حسد بس اقول استغفر الله شو ناقصني عشان يكون نصيبي هيك مو متل باقي الناس والله مو قصدي اعترض على حكمه ربنا بس والله نفسي افرح بحياتي واعيش مع انسان طبيعي مو مريض نفسي ويدعلني متل باقي الناس والله طول فتره الشهرين ما قلي غير احبكي بالله

المهم اختي انخطبت الله يتمملها عخير بس احسها بتتقصد ادايئني يعني قدامي تضل تحكي عنو وعن خفه دمو ونكتو الها وبس اكون ناييمه تيجي جمبي وتحكي معو بدلع وياعمري وياروحي انا عارفه انو مو قصدها او انا صرت اغار لاني متحسسه من الموضوع هاد وحاسه انو راحه علي لاني رح اصير مطلقه يعني مرات افكر انو وانا بنت كان نصيبي سئ كيف وانا مطلقه؟ الحمدالله عكل حال
المهم قبل شوي واحنا بنشرب قهوه خطيبها نسي الجكيت تبعو عنا اختي مسكت الجكيت قدامي وصارت تحضنو وتشمو ولبستو هههههه حسيت حركاتها اووووفر
وبس نيجي نحكي بموضوع طلاقي وقصتي اختي تصير تقووول يوووه احنا رح نضل بموضوع سمرا؟؟؟

انا عارفه انو حقها تنبسط وانو انا غيوره بس مو عارفه شو اعمل نفسي اصير ما اتحسس من موضوع الزواج وانو احاول انسى لاني عارفه انو المطلقه فرصها ضعيفه كتييير يعني لازم احاول اقالم نفسي اني رح اعيش طول العمر لوحدي انصحوني بس بدون تجريح
انا نفسي ارجع طبيعيه متل قبل الطلاق لاني كل يوم بضل ابكي على عمري الي انتهى وانا 22سنه وصرت مطلقه والله نفستي تعبانه وصرت احاول اتجنب الناس ودايما بالغرف ببكي وباكل وبنام حتى نصحت كتير وكتير حبوب طلعت بوجهي ,,,, مع العلم انو انا الي طالبه الطلاق بس انا والله مو زعلانه على طليقي بالعكس راحه منو بس انا زعلانه من كلمه مطلقه وانو رح اصير حاله منبوذه عند بعض الناس ورح تصير فرصي بالزواج قلييييييييييله كتير وماراح اعيش شبابي مع زوج باول عمره يعني رح اكون زوجه تانيه او لزوج مطلق وعندو اولاد او ارمل وعندو اولاد

الحمدالله عكل حال بس اعطوني نصيحه او دعوه عشان تخف غيرتي او حساسيتي
ارجو الرد بدون تجريح