انا واختي .. تعبت

انا واختي
من لم كننا صغار تحب دائما تحطم شخصيتي ... انتِ ماتفهمي انتيِ قراراتك غلط
ولو جالسين كلنا اخواني مع بعض وابديت رايي في شي لازم تطلعني غلطانا ... وتزفني بصوت عالي مع انو احيانا تكون المواضيع جدا سطحيه ما تحتاج هالانفعال...
مثلاً:
مره وحنا نجهز حق اخوي قلت له عن تصميم دولاب ... على طوول هبت بوجهي وقالت لا ما يصلح كذا حييل صغير وما يكفي ... انا سكت وقلت بكيفكم
ومره جالسين نسوولف وقلت انا بعض الاحيان اكوون مزاجيه
قالت لا انتِ مو مزاجيه لانا نكلمك احيانا اقول لك تعالي تقولي ان شاء الله وبعد ساعه ندق عليك تنافخي وتقولي ما بجي والسبب انك تتهاوشي مع زوجك وتحطي حرتك فينا
انا قلت له انا فجأه يتعكر مزاجي ومع هذا ما انافخ بوجهك
وانتِ ما تعيشي وياي عشان تعرفي اذا حنا متهاوشين او لا بس هي ضلت مصره على رايها وسكت
ومره تقوول انتِ ما تهتمي ببنتك تخليها تعفس وتخرب المكان ولا تنتبهي لها ... انصدمت بنتي عمرها سنه ونص حركيه بالحيل واي شي تشووفه تبي ومع هذا شي مو لها ما اخليها تاخذه
ولا بحياتها خربت شي وقالت انتِ ما تلاحظي نفسك وطنشت
ومن بعدها قلت ما بروح لبيتها تبيني حياها الله ما تبيني مو لازم وقلت لها اذا ما شلت مسؤلية بنتي ببيت ابوي متى ارتاح
مع انا هي ما اقوول مهمله بس تخلي بنتها على راحتها احيانا يعني لا جت بيت ابوي تطنش بناتها شووي واهتم فيهم حالهم بحال بنتي
ودائما تصارخ عليها ... وبعدين تقول بنتك ما احسها تحبني قلت لها من وين تحبك اذا هذي اخلاقك وياها لو سمحتي انا ما احب اقلل من ثقتها بنفسها ...(لانا فيها طبع ترفع بنتها لسما وتحرص على زرع الثقه بالطفل بس تعامل اختي الصغيره وبنتي باالعكس دائما تقلل من قدرهم)
وقالت هذا العبها قلت لها شووفي اسلوبي مع بناتك وشوفي اسلوبك

مع بنتي وبتعر
على اخر شي صادف بهالشهر اختلفة مع زوجي مرتين مره انا زعلت ومره هو كان متضايق ولا حبيت اكلمه
وبهالمرتين صادف ظرف واضطريت اقول لاختي انا مختلفيين عشلن تقدر الظرف لي انا فيه ... (للمعلومه هس ما تعرف وش سبب الخلاف ولا اقول لها بكل هوشه انا حنا متزاعليين)
المهم كنا اليوم نسوولف مع البنات فجأه تقوول اسمحي لي اختي انتِ ما يصلح تنقحي لانا للحين بتكملو 6 سنوات وما تفاهمتوو وقالت هالكلام عند بنات
بالحيييل حزت بخاطري
وانا لو بغيت اجرحها اعرف
لاني اعرف اسلووب زوجها كيف
ومع هذا ما اتكلم ما ابي افتح عينها على اشياء هي غافله عنها مع انها تشووفها قدامها بس مو منتبها ...لانها بتزعل ... ما ابي ازعلها ومع هذا تفكر سكووتي ضعف من حبي لها ما ارد
ومن حبي لها واعرف انها حساسه وزعووله بس ما ابي اكلمها واقول لها انك تجرحيني
نفسين تعبت بالحييل
ما كنت ابي اتكلم عنها بيوم من الايام بس وش اسووي ما يصلح اقول اما اختي كذا عند زوجي لانه بياخذ موقف منها اشتكيت لامي صحيح وقفة بصفي مو كل شي بقووله لها
ابي حل بس بنفس الووقت ما ابي اجرحها باسلووبي ولا اقدر اقاطعها
بالخصوص انها لا تكلمة ما تحس انها ضايقتني بالعكس بعدين تجي تكلمني عادي