انا واختي والهدايا

كيفكم بنات
حابه استشيركم بموضوع مسبب لي قلق كثير ومتعبني انا واختي متزوجات اخوان وعايشين بنفس البيت هي بشقه وانا بشقه جمب بعض وعلاقتنا مره حلوة ولا فيها مشاكل اختي للأسف فيها طبع البخل هي وزوجها مع انه شغال بشركه ويقول زوجي راتبه اكثر من 13 الف ريال بس هم فيهم بخل
انا الحمدلله زوجي راتبه 7 الاف بس كريم علينا مره ولا يقصر وانا اشتغل مدرسه وراتبي فوق ال7 الاف ومرتاحين اختي لما يصير عندي مناسبه او مثلا أكون والده او شي تجيب لي هدايا تافهه مره وعادي مهما كان اختي ولا الومها ولا ازعل عليها مره كنت والده جابت لي بدله بيبي فقط ويوم جبت بنتي اعطتني 100 ريال ومره سافرو شهر ماليزيا جابت لي شكولاته فقط من هناك وعادي عندي وربي مازعلت ولا شي
انا بطبعي احب اكرم الناس خاصه الي يكرموني بنت خالتي بولادتي ببنتي جابت لي طقم ذهب يجنن وشكله غالي فلما هي ولدت اخذت لها طقم ذهب ب3000 ريال وتستاهل الحرمه اختي مره زعلت قالت لي انا بولادتي مااعطيتيني ذهب انا كنت عاطيتها 500 ريال وهديه للبيبي قالت بنت خالتك اغلي قلت لا بس الحرمه توجبني وزعلت مره وكذا مره يصير موقف قدامها او شي وتزعل ليه معطيه فلانه عطر ب600 وانا اختك ماعطيتيني بهالسعر طيب هم عندهم بس بخلا وتبي اعطيها مثل الناس الي يعطوني ومااقدر اخبي عليها لانه اريح لازواجنا الي بتروح السوق الثانيه تلصق فيها فهي تشوف غالب مشترياتي ونفس الشي مشاويرنا بزيارات او اعراس او ولدانات يودينا يازوجي او زوجها فمستحيل اخبي عليها صعب مره مره وش اسوي كيف اقنعها اني حره بفلوسي واعطي الي ابي مع اني مااقصر عليها ولا علي بناتها والله حتي بعيد ميلاد بنتها الكبيره اخذت لها اساور ذهب بس هي تبيني اغرقها مثل الناس الي يغرقوني كيف اقنعها عشان ماتزعل مستخسره فلوسي بالناس مع اني أقول لها فلانه جايبه لي هديه غاليه لازم اردها بهديه مثلها غاليه كيف اتصرف ارشدوني تعبتني من مناظر الناس الي اعطيهم وزعلها الزايد حتي مره اخوي يوم ولدت اشتريت لها هديه للبيبي وطقم عطور وقالت لي ليه كثير عليها عطيني الطقم وودي لها بس هديه البيبي وجلست تهذر لين اعطيتها العطور جننتني كيف اتصرف تكفون انصحوني وهي اختي الكبيره ماابيها تزعل