انا واخت زوجى .. طفشت من اسلوبها

السلام عليكم كيفكم يابنات 
ماعرف للمقدمات بدخل بالموضوع طوالي ..

عندي اخت زوج كنت احبها مثل اختى واكثر واحب اسولف معها جابت بنت وانا بعد ودايما حتى لمن اسافر اشتري لبنتها زى بنتى بما انى احب امها من ملابس واكسسوارات ابي البنات يفرحو مع بعض مع انه بنتى ماشاء الله احلا بكثير من بنتها ع كلام الكل وعمرى عمرى والله ما جرحتها باي شي 

المشكلة ان بنتى عندها تاخر بسيط بالنطق لاحظو فقط نطق واخت زوجى بكل مجلس الا ماتقارن بين بنتى وبنتها والا ماتحاول تعرف الكل ان الفرق بينهم شهور وان بنتها ذكيه .. هي اصلا عندها مرض التظاهر تحب الكل يقول بنتك ذكية انتى ذربة انتى سنعة انتى افضل انسانه بتربيتك لعيالك وانا دايم اقلها كذا ومو نفاق من قلب هالحكى 

اللي يزعجنى ويجرحنى ان بكل جمعه عايلة مع ااهل زوجى الا ماتفتح هالسيرة ان بنتى ذكيه وان بنتك لا وان بنتى تتكلم وبنتك لا حتى باخر مرة تقلي بنتك يمكن ماتقدر تستمر بالدراسة بحكم انها ماتتكلم ياناس لسا هى فقط 5 سنوات وبنتى تتكلم بس مو سوالف مطولة بكل مجلس تحاول تحسس الموجودين ان بنتى في شي بمخها او عندها عاهه 

وانا مارد لان تربيتى تمنعنى انزل نفسي لمستوى تفكيرها المتخلف بالاخير هاذي بنت اخوكى شلون تتكلمي كذا وخصوصا ان اخوها الي هو زوجى مو مقصر بشي معها ابد ولا عمرة جرحها 

بس هالموضوع صار جدا يضايقنى وصرت اكره الجلسة واكره اصلا اجي عندهم ... والي يقهرنى انى محترمتها كثير ولا عمرى ذبيت عليها كلام على عكسها تذب بالحكى وتجرحنى كثير وتتظاهر بملابس وماركات وانا اشترى واشترى وبنفس الوقت عمرى ماشفت عليها ساعه ولا شنطة عدلة ولا قد قلت لها انتى دوم تقولي تشتري شنط ب 6 الاف ماشفت منها شي .. لانى ماحب اجرح اي احد بالحكى والكل يقول عنى انى ذوق بالكلام 

الا سالفة بنتى الان لو كنتم مكاني شلون تتصرفو وهل ارد عليها او اكتفسي بحسبي الله ونعم الوكيل هل أمنت ان بنتها مايصير لها شي وتجلس يمكن فاقدة الوعى طول عمرها استغفر الله ليش هالبشر كذا 

وفعلا نصيحتى يابنات لحد يجرح او يتشمت باي احد قد يعافيه الله ويبتلي الشخص المتشمت خصوصا لمن هالشي يكون بخلقة الله ... وقد يبتلي الانسان الله بسبب لسانه الي يجرح الناس 


انصحونى وابي ارائكم لو سمحتم