انا واخت زوجي ابي حل

السلام عليكم ورحمه الله وبركاته
بدخل بالموضوع بدون مقدمات يمكن ماتعتبر مشكله ويمكن البعض يشوفها تافهه بس مضايقتني بقوة
السالفه ومافيها انه اخت زوجي الكبيره فرق بينها وبين زوجي سنتين فقط دايم تسال اساله كثيره عن حياتنا وماتسال اخوها الي هو زوجي لانه عصبي لا تسالني انا انا غالبا اصرفها بس مليت يوميا من احط صورة بالسناب تجي ها يافلانه شكلكم طالعين أقول لها أي نغير جو وتسكت او بعض الأحيان تقول بجي معاكم وهي الشهاده لله طيبه ومامنها ضرر لكن ماشاء الله عندها 7 عيال وكل مكان تطلع لازم تاخذهم معاها زوجها متزوج غيرها ولاهي عنها بس يوم عندها ويوم عند ضرتها وطلعاتهم قليله بس هالشي مو ذنبي وحتي لو مانزلت أي صور تدق ها وش تسوين وبعض الأحيان أكون بره او بالشارع ينعرف الصوت اني مو ببيتي فمااقدر اكذب عليها اسالتها الزايده ضايقتني وبعض الأحيان نطلعها معانا بس كل طلعه ازفت من الثانيه بسبب عيالها كثير انا عندي بنوته وحده وهاديه ومره رحنا معاها البحرين الله لايعودها ضاع واحد من عيالها وضلينا بالمجمع ندور وطاحت رجايلنا ولا شفناه الا قريب بيسكرون المجمع ورجعنا وبالطريق واحد من عيالها يبي حمام والثاني جوعان ومشينا ساعه وترجع بنتها الصغيره وتبي حمام تغير لها والله مارجعنا البيت الا 4 الفجر واحنا متعودين 12 بالكثير لا رحنا البحرين احنا بالبيت هذا غير مصرفهم هناك عيالها 7 وهي الثامنه مع انه زوجها يعطيها فلوس لطلعاتها بس هي بخيله وتخبيهم وتخلي زوجي يصرف من عنده وهو يتضايق لانه راتبه بس 5400 وانا ولله الحمد موظفه بس صراحه مو مكلفه اصرف عليهم وابوهم مايقصر بس امهم فيها بخل مو عارفه كيف اطلعها من حياتي او علي الأقل اخليها ماتنحشر ولا تسال بكل شي بس بأسلوب ماازعلها ياريت تنصحوني وارجوكم لا وحده تجي وتحسسني بالذنب احنا ماقصرنا معاها والحرمه عندها زوج مسؤول عنها يعني مالي ذنب اتحملها
للمعلوميه المعرف مشترك وشكرا