انا واخت زوجي شوروا علي واصله بيننا للشرطة

السلام عليكم
اهلين باحلى عالم واحلى اخوات وكل عام وانتو بخير وصحه مقدما اختي عندها مشكله مع اخت زوجها وبخليها تكتب المشكله على لسانها
اللي خلاني اكتب مشكلتي هون بعد تفكييير اني بسمع رايكم واشوف انا صح او غلط
بكل اختصاااار مشكلتي مع اخت زوجي خليكم تتخيلوها هي متزوجه للمرة الثانيه عندها تؤام بنات من زوجها الاول وجابت عيال من زوجها الثاني المهم مدرسة قران وملتزمه بطريقتها الخاصة تبغى كل الناس يمشوا زي ماهي ناشيه واللي ما يعجبها تحطه في راسها وزوجها مربي لحيه وهو من تحت لتحت مسوي عمره ملتزم وهو الناس كلها عارفه حركاته مرة اول مات زوجت كان فرحي انا واخو زوجي سوا يعني انا وسلفتي تخيلوا جات تقول لاهل زوجي انه زوجهايقول انه يعرفني ويعرف سلفتي من عيوننا واحنا والله حجابنا مستر وعيوننا غالبا مغطينها يعني انو دقق فينا لدرجة انو قادر يفرق بيننا وحرمته عادي عندها زوجها يقولها دا الكلام بدل نا تقوله غض بصرك ومالك صلاح وكم مرة تقول انا اخواني يقهروني مو راضين يمسكوا حريمهم ليه انتي ايش شايفتنا مسويين في حالنا ملتزمين بحجابنا سلفتي حافضة قران لازم نكون زيها ولا احنا غلط وطول الوقت تتكلم في فلانه وعلانه وانها مي عاجبتها وتقول في وحهك كلام ومن،وراك كلام ولا تشوفها لو حات تنصح تضارب والا نسوي الا هي تقوله بالغصب وافترت عليا كدا مرة تحسسك انك مو متربيه وانك جيه من الشارع
مرة صار موقف من المةاقف الي يا كترها رحنا نزور اخت زوجي التانيه في الرياض وهي جات معانا وانا اتفقت مع زوجي انو نستاجر فندق لما وصلنا لبيت اخت زوجي ما رضي زوجها انو نستاجر برى وفضالنا غرفة الضيوف نمنا ولما صحينا جات اخت زوجي المقصودة اللي ماعد ني طايقتها وقالت لي انو زوجها يبغا ينام في الغرفه شوي لانه تعبان من الطريق قلتلها عادي وسبت الغرفه واغراضي وملابس كلها في الغرفه وما جا في بالي شي
جينا في الليل نبغا ننام ما رضيىالسيد يطلع من الغرفه طلع قهران ليش ننام انا وزوجي في غرفة وحدة وهو ومرته كل واحد ينام في جهة طيب انا شكو روح استاجر لك فندق
طيب سكت اللين الصباح ولما طلعت الشمس اقلها خللي زوجك يطلع نبغا ننام تقوللي والله مو راضي يخرج حتى ما طلع يصلي علشان لا ندخل الغرفه وعاد انا خاصمت وزعلت وجا زوجي قللي تبغينا نطلع نروح فندق فكرت فيها وبعدين قلتله يالله ما يحوجني انذل علشان انام مع زوجي وعيالي براحتنا وطلعنا واحنا طالعين من عندهم جا زوجها ووقف لي عند الباب اللي مايستحي وقللي قد كدا منتو قادرين تنامو بعدين عن بعض يا ناس كان ودي اعطيه باللي في رجليباي جراءة جاي تكلمني طلعت ولا رديت بكلمه وانا اغلي في ناس ما يستحوا في الدنيا كدا
وزجي اتزاعل معاه بسبة دا الكلام وفي كل طلعة طالعينها مع العيله اقوله لا تكلمهم ما نبغاهم يقوللي زوجي لا لازم نكلمهم ما يصير في المرة قبل الاخيرة رحنا البحر واحنا قاعدين نتغدا كلنا كاشفين وجوهنا ووجوهنا في الارض وللعلم اهل زوجي كلهم ملتزمين يعني مافي وحدة غينا قاعدة تتكشف بعين قويه مقابلين بعض ومغطيين على بعض ووجوهنا في الارض جات بعد ما خلصنا غدانا وقعدنا بنحللي وبنتقهوا تحكينا قصة وحدة انخطفت واغتصبوها ومدري ايش لانها كانت تتكشف ايش قصدك وباين من كلامها واسلوبها انو احنا مكشفين وربي بيورينا ووالله اننا طوا الوقت مغطيين ماعدا وقت الاكل كنا جدا محرصيين

اننا ما نتكشف وبعدها قامت وجا زوجها ووقف تحيلوا في وجوهنا ويطالع فينا عيني عينك واحنا مغطيين بس مدري وش يحس ايش قلة الادب ذي
انقهرنا منه وحطيناها في قلبنا وبعدين سوو مشكلة زوجها ويا الرجال وحركوا وافتكينا منهم
اخر مرة تجمعنا قبل رمضان في استراحه مسويين حفلة نجاح من يوم دخلت وهي تضارب احنا ما نسمع اغاني مشغلين اناشيد بدفوف واللي بغى يرقص يرقص عليها قعدت تتفلسف واننا عاصيين ومدري ايش وكلام كتييير قمت عليها لما فاض صبري قلتلها اصلا انتي وحدة نكديه ونحنا كلنا ما كنا نبغاكي تجي ويوم ما رحنا البحر جيتينا بنكدك وزجك دا اللي قاعد بشبرنا تشبري قالت من قال انو زوجي طالع فيكي قلتلها مو انا لحالي قلت كلنا قلنا ومعروف اصلا زوجك عيونه طويله قالت والله العين بحر قلتلهاىياستي لما ربي يحاسبه بيقوله عادي طالع في حريم خلق الله العين بحر ربي ما قال غضو البصر قالت والله اللي حلاوة مكشفه تستلم اللي يجيهاعاد انا هنا غلييييت انا حلاوة مكشفة انتي اللي حلاوة مكشف مافي احد غيرك حلاوة مكشفه وعصبت وجروني اهل زوجي بالقوة في البدايه هي قعدت مكانها وبعدين جو خالات زوجي راحت عندهم تحكيهم ايش اللي صار من وجهة نظرها وجو خالات زوجي عندي انا ومة خال زوجي وخالة زوجي الثانيه وكلنا قلنا ايش اللي صار قامو قالوا لي اصلا زةجها معروف وياما سوا بلاوي واحنا سكتنا بس علشان ما نبغا نسوي مشاكل المهم مسكت فلان وعلان تحكيه وحد اعطاها وجه تبغاهم يخلوني اعتذر منهالما تعشت مشيت وشويه اللي تدق على وحدة من الموجودين وتقولها هاذي ايش قصدها انا عايشه مع واحد (......)كلام ما ينقال  والله لااجبلها الشرطة واجرها واخليهم يجلدوها قصدها علي
وشويه وهي داخلة علينا الاستراحة بشرها تضارب وتخاصم وتقول ايش اللي بينك وبين زوجي ايش عندك

ولا
اعطيتها وجه وقامت تقول دحين تطلعي للشرطة تقوليلها ايش اللي عندك قلتهلها انا ما اطلع للرجال لو يبغوا يسمعوني يدخلوا هنا ونحنا كلنا نتكلم وقامو عليها خلات زوجي وتضاربوا معاها وامشي بسكات ولا نطلع فضايح زوجك من جد ونوديه ورى الشمس قامت راحت وهيا تزعق وتخاصم حتى الشرطة مسكاين جايين وهما مو دارين ايش المشكلخ ولما فهمنا الهرجة طلعت مقدمه بلاغ اني قشفتها وقذفت زوجه تخيلوا ووالله يابنات اني كل الكلام اللي قلته لها كتبته هنا وكل نقطة في بحر بلاويه وراحت توقف
معاه وهي عارفة زوجها ضد اهلها ورايحة تجيب العساكر لاهلها ولاخوها طيب الشرطة سابتهم ومشين قالت رحيمكم دا يتعاطى ولا يشرب مو طبيعي في احد في كلام حريم يجيب الشرطة
طيب طنشناها وجا رمضان وكل العيله حلفوا عليها ما تدخل بيتهم من القهر منها
رجعت تدور وتحوس جا زوجها بعد التراويح في بيت خال زوجي وتهجم عليه وتضاربوا ويهددوا بالشرطة وانو بيلبسوا تهمة ومدري ايش ولما تجمعوا الجيران شرد وهي قامت تدق على امها وللعلم امها مفضلتها على الكل ولو احد داس على طرفها يا ويله بس لاول مرة في التاريخ عمتي توقف في وجه بنتها علشان كدا غرورها ما ايتحمل انها تكون غلط والكل واقف ضدها وكبرت راس زوجها وتبجح على اهلها
المهم دقت على امها وتتسبب وتهدد وتتوعد وانو يوم العيد تبغى تجيب الشرطة ليا ولزوجي البيت ومدري ايش قالتلها عمتي لو تعرضتي لاخوكي ولمرته لا انتي بنتي ولا اعرفك ولو مت لا تحضري جنازتي قامت تقولها اناي ما وقفتي نعايا وما اخذتي حقي وحق زوجي ولو انا مت لا تحضري جنازتي تخيلوا كدا تقول لامها لا والقهر انها تبدا قلة الادب ما تخلص صلاة التهجد
هذي الهرجة باءختصااار شديد وما في القلب اعزم انتو ايش رايكم في كل الكلام اللي قلته انا غلطت انا في حياتي ما احب اتعرض لاحد ولا اسمح لاحد يتعرض لي وهاشوا راسهم كبر ولا ثاروا يختشوا ولا يستحوا علشان سكتنا
اتقبل كل كلامكم
واللي شايفه انو الحق معايا تدعيلي انو ربي ينصرني عليها وان هي ارادت بي سوءا فرد كيدها في نحرها واشغلهم بنفسهم وسلط عليه زي ما تسلطوا علينا وربي ينتقملنا منها ومن زوجها حسبنا الله ونعم الوكيل