انا واخت طليقي

السلام عليكم ورحمة الله وبركاته
العشر عليكم مباركه
خواتي بنات حواء بقولكم سالفتي حصلت لي وابي رايكم:ohplease:
طبعاً انا منفصله من 12سنه وعيالي في العطل عندي والدراسه عند اهلهم
المهم عمت عيالي مالها شهر من مات زوجها الله يرحمه
علاقتي معها عاديه الى حد ما بس كلمتني امس وسلمت وانا من طبعي اتكلم
بكل طيبه وعادي جداً اعني مطيحه الميانه ثم قامت تتكلم عن بنتي انها ماتطبخ
عندهم >>يعني عند اهل بنتي
ولاتشتغل ولا تنظف معهم ولا ترتب الخ....
وتقول ليش ماتسوي لى حلا لين جيت عند اهلي :huh:
وتعذرب على بنتي وانها ماتحافظ على الصلاة ومن هالكلام الله المستعان
قلت لها مدام ابوها مو موجود بالبيت ولاانا وشوله تسوي وتحط
اغلب الي بالبيت عمها ومرة عمها وعيالهم الي وش كثرهم
بعدين في زماناتي كرفت لين قلت بس ولا بان في عيونهم حسبي الله ونعم الوكيل
والله العالم ان بنتي يبونها لولد عمتها الكبيره
وهذي الي كلمتني تبيني اكلمها مته مافضيت مع العلم احس ان رجوع العلاقه بتجي
فيها شويه مشاكل الله يعين وخايفه واحس مايقدرون الا علي وعلى عيالي
وش اسوي معها وشلون اتعامل معها ابي حل من غير مايضر عيالي
والله يجزاكم خير ولا يشتت شملكم :44:





ملاحظه/عمتها هذى تزوجت وماربها ولا علمها السنع الا اهل زوجها
هم عائله الله ربنا ربهم في الصلاة وهذا من اسباب انفصالي
البيت مليان من عيال عمها والي تشيش العمات على بنتي هي مرة عمها حسبي الله عليها دنياواخره وهي بعد من اسباب انفصالي