انا واخواتي

السلام عليكم بنات حوا
بصراحه ماني عارفه كيف ابدء في الموضوع وكيف اعبر عن الاحساس اللي في قلبي
بس بقولكم اللي في قلبي وبس كيف ما يجي يجي
احنا ثلات خوات انا الكيره اتزوجت وعمري 18وبالغصب كملت الثنوي يمكن جلست فيها ثمان سنوات واعطيت شهادة الثنوي لامي وضيعتها بالمقابل ظروفي الحمل والاولاده والبيت مليان بزوره والمشاكل اللي ما سمحتلي اكمل ..بس الدراسه بالمره ما راحت من بالي لهاذي اللحظه دخلت تعليم عن بعد ودرست ثلاثة مستويات وحصلت مشاكل مع زوجي بسبة الدراسه وحلف يمين طلاق ما اكمل ..اختي الي بعدي الوسطى اتزوجت وهي في الكليه وبالغصب كملتها مع زوجها ودايما مشاكل عشان اشياء تافه وفي نفس الوقت ما يبغاها تدرس ودايما يطوع اهله عليها حتى اتطلقت ومنعاها ولد منه المهم كملت واختبرت واتعينت مشالله مدرسه ترفع الراس ..نجي لاخت الصغيره تزوجت في الكليه واتخرجت مشالله وبيتها مشالله مليان بزوره مشالله مالها اربع سنوات والان مستنيه التعين ...نجي لمربط الفرس امس اختي الصغيره قالتليي ادعيلي اتعين والله يابنات انه لساني ارتبط وما دعيتلها وقفيت بوجهي وقالت واه والله انك حقوده وتخاصم وتلوم وانا والله يابنات ارتبط لساني مو عشان ما ابغالها الخير لا بس عشان انا وهي دايما سوى اهتمامتنا سوى واذا تعينت خلاص ماراح تدورلي وفي نفس الوقت حزت بنفسي الاخت الكبيره ما فلحت في شي قاعده للحمل والنفاس والطبيخ بس وهم مدرسات متعينات لهم دةرهم في المجتمع يعني ماراح القى احد اتكلم معاه والله راح تنساني وكلامنا بيكون سطحي زي اختى الوسطى الان انشغلت بالتدريس والطالبات والراتب والاسواق ولها عالمها ..
واختي الصغيره بتكون زيها .
صراحه لما قالتلي ادعيلي اتعين حسيت بالنقص واني (دابه )بينهم مع انه مالي يد اني ما اكمل دراستي واتعين كل شي كان اقوى مني وانا بطبيعتي ساذجه ما افهم الحياه بسرعه وما اتعظ وما افكر في مصلحتي معايه قهر على نفسي دايما عيني بيد زوجي مستنيه مصروفي كل شهر وياليته يكفي بس عزائي في نفسي اني مثقفه ورسامه واتعلم لغه بس استغفر الله احسها بلا فايده وانا مكبوته في البيت ابغى اصير زي خواتي ليه دور فعال في المجتمع ويكون لي راتب واروح واجي واهدي وافرح اللي حولي بس هاذا هو الواقع مأادري متى بتغير مدري يتغير اولا