ياما بنات جميلات و خلوقات الناس غافلين عنهم و من احسن ومن خيرة البنات والسبب ان الناس ما تعرفهم و لقلة مشاركاتهم الإجتماعية

يعني يا اختي حاولوا انكم تكونون علاقات مع الناس .. مثلا تشتركون في نوادي نسائية أو لجان نسائية لها علاقات اجتماعية...حاولوا انكم تتعرفون على المحيطين .. يعني صديقاتكم و صديقات صديقاتكم و قريباتهم

مو المقصد من زيادة حلقة التعارف هي نية الزواج بالعكس لها مقاصد كثيرة و من ضمنها ان الناس تعرفكم و تعرف اطباعكم و اخلاقكم و بالتالي اذا الله اراد يصير خطبة ثم زواج

واقول لك مثلا انا كنت رايحه مع صديقتي ازور صديقتها بالمستشفى انا ما اعرفها و عقب الزياره انا رحت البيت و لا صديقتي تتصل فيني تقول ان وحده من النساء الموجودات في الزياره تسأل عنج و تبي تخطب .. و بس ما صار نصيب .. و ما ذكرت هذا المثال الا لتوضيح الصورة

و الله يرزقكم و يرزق بنات المسلمين بالأزواج الصالحين عاجلا غير اجلا يا رب :26:

اللهم يارب العالمين يرزقكم..
اختي لا تيأسي وعليك بالدعاء وكثرة الأستغفار واصبري

دايما رددي " ربي إني لما أنزلت من خير فقير"

تمنياتي لك بالتوفيق و ربي يرزقك الزوج الصالح أنتي و أخواتك.. و مثل ما قالت أختنا حاولوا توسعون علاقاتكم الإجتماعيه

في وحدة نعرفها... زوجها شري و عصبي و تفكيره حجري.. المهم بناته لا هن متعلمات و لا يطلعون عند ناس و لا شي... و أبوهم ما يخليهم يتعرفون على حد و ما حد يجيلهم لأنهم معقدين... حتى قريباتهم – بعيد عنكم – ممنوعين من زيارتهم – بس تربيتهم و أدبهم و أخلاقهم عالية

وحدة من البنات مرة بس عند الباب خذت غرض من عمتها – و بعد كم يوم جاها عريس لأنه عمتها وصفت جمالها لوحدة تعرفها...:26:

الله يوفقكم و يوفق بنات الحلال جميعا يا رب:)

الله يرزقكم بالازواج الصالحين اللي يفرحونكم ويسعدونكم
يا اختي ما تدرين ممكن عين و ممكن لاء بس انتي اعملي بالاسباب
والنصيب يصيب طال الزمن ولاّ قصر

الله يرزقني وياكم بالزوج الصالح عاجلا غير اجلا

لكن اختي انصحك تكلمون خطابات عنكم لان اسلوب المجتمع حقنا لازم عن طريق الخطابات