انا واخواني ..ووضحا ..

انا واخواني ووضحا..

بنات هذي مشكلة اكيد اكثركم بيعتبرها عادية بس والله انها مسببة لي ازمة :06:

قدر الله علينا وشرينا قطوة حلوووة وبيضا وعيونها زرق وسميناها وضحا

المهم القطوة هذي مررررررررررره مؤدبة وتسمع الكلام وكل شي فيها تمام حتى تخيلو مره مفتوح باب الاتوماتيك مادرينا عنه ... ماطلعت ولا تحركت قيد انملة

مشكلتي اني اخاف منها بشكل موب طبيعي واخواني مو حاسيييييييين يحبونها ومتعلقين بها بشكل موب طبيعي

يعني تخيلو يدخلونها البيت ويخلونها تدور وتعثوا فسادا في الدرج والصالة
ويفتحون علب التونة كلها اللي بالبيت عشان تاكل عمتي (طلعت ما تحب التونة)
ويروحون ويشترون لها اكل قطاوة
حتى مره اختي سوت لها لحم مفروم طبخته عشانها اقولها والله لو احنا طلبنا منك كاااان هبيتي فينا
تقول لي في كل كبد رطبة اجر

وحبيبة عمري وضحا جايز لها الوضع تتمخطر وتمشي وتروح وين ما كانت صارت ملكة

تخيلو مره كنت بطلع لغرفتي ابي انااااااااااااام ماقدرت عشان عمتي نايمة على الدرج ومنسدحة وحست فيني وقامت (كأنها تقول لي خير وش تبين ) واركض اروح اناااام بالصالة
وسخت علينا الحوش بأكلها جمعت علينا النمل في الحوش بس هي نظيفة تقضي حاجتها بمكان مخصص
واخواني مستانسين عليها واذا جيت اتكلم نطوا بحلقي من لا يرحم لا يرحم وانتي اصلا بس تقلبين راس امي علينا (ملاحظة امي بعد ماتبيها ) بس حكم الأوووي


اقولها ياعالم تراها تجيب امراض تجيب داء القطط والذئبة الحمراء تجيب انفلونزا القطط<< العب عليهم ابيهم يقتنعون ما اقتنعوا

انا مستعدة اشتري لكم ببغاء سلحفاة بس قطوة واي شي فيه وبر ماااااااابي
يقولون لي لاااااااااا موب على كيفك

هزلت والله اخواني اصغر مني اللي اصغر مني بعشر واللي اصغر مني بخمس طعش وانا مالي كلمة عليهم بها الموضوع
المشكلة اقدر ااثر على ابوي وامي بس مدري ليه اهون
مشكلتي اني ارحمهم ولا ابي اكسر خاطرهم بس هم ما حسواا فيني

ابي حل تكفوووووووووووووووون والله العلي العظيم صرت ازمل اذا قمت من النوم ولقيتها على الدرج تستنى أي احد عشان يوكلها
ابي حل يطلعها من بيتنا ابي اخواني يفهمون
لا تقولون لي افتحي باب الشارع ارحمها وقطاوة الحارة ماراح تخليها لان وضحا مرررررررررررره ناعمة واحساسها مرهف

مشكلة بسيطة بس والله مسوية ازمة