انا واخوان زوجي وترزز حريمهم

ياهلا وغلا يابنات ابقولكم علي شي وقولولي من حقي او انا فيني غيره زايده او الحياه جعلتني كذا
القصه اني يوم تزوجت عندي 3 سلايف ولله الحمد كنت الافضل من ناحية الشكل والتعليم والعقل والثقافه بس 2 منهم يقابلون زوجي وللاسف كانوا يطحنون فيني ييلبسون اشياء المفروض مايلبسوها متعريه شوي ويترززون ويدلعون برغم انا اغطي علي ارجالهم وزوجي في البدايه زعل مني قالي قابلي اخواني لقت له الحمو النار

بس ماكنت انقهر يوم يشوفهم زوجي لاني الحمد لله واثقه بس الي كان يقهرني وكنت وقتها مو مره مكبره السالفه ارجالهم يتغزلون بحريمهم قدام زوجي واخوانه بزعمهم اني مغطيه فيني عيب والحمد لله على مر السنوات محد شافني لو بالغلط لاني اخاف ربي واعرف اقعد في اي مكان وما ابرز نفسي ولاني عقلي اكبر من السخفات وترزز
المهم بعد حوالي 13 سنه انا متزوجه وعمري 17 المهم وحده من سلايفي تعبة ومرضة وتوفت ومررره حزنت والحق تابت وغطة وانا كنت احبها الله يرحمها المهم زوجها بعد شهرين امه صارت ادورله وتقوله ابزوجك ملكة جمال وطول القعده وهو يتغزل بزوجته الي ماجات اصلا هذا واحد من اخوان زوجي الثاني درس بالخارج وتوه رجع رغم عمره 38 ويبي يتزوج وهبل باخوانه حتي قدامنا انا زوجتي بتغطي عليكم من جمالها وفعلا خطبوله وحده انا ماشفتها بس يمدحون فيها لدرجه لا توصف امام زوجي (اهل زوجي مقياسهم للجمال اعرفه موشي بس ايحاءات امام زوجي فظيعه ) واحد تزوج العام صديقتي هي عاديه بس الحق يقال جسمها حلو بس الله يهديها تترزز رغم انها تغطي وزوجها الثاني يمدح ليل نهار فيها رغم الفرق بيني وبينها كبير بالشكل والثقافه والبيئه لانها شوي قرويه المهم والرابع اخو زوجي كل شوي يتزوج اخر وحده قبل اسبوعين تزوجها وبعد نفس الطقه مدح وتغزل امام اخوانه

الشاهد اني بديت اغار بجد لان زوجي للاسف غيرهم اعقلهم ومايجيب طاري بشي ابدا اكيد انا فرحانه بزوجي ولا ابيه يمدحني لانه مايجوز بس الي بديت اللاحظ ان زوجي صار يمدح بحريم اخوانه والله العظيم لو انهم افضل مني اقول معليش بس الفرق واضح وللاسف بدء زوجي هالايام من كثر ما اخوانه يمدحون بالزينات بدء يقولي اكيد اخواني حريمهم حلوات واقوله لا والله واصلا حرام وياليتك تشوفهم اقل مني لانهم الحين الكل يتغطى بس الترزز موجود

صار زوجي يقول انتي تغارين منهم واحسه بدء يلعبون براسه
المهم اني صرت مررررره اتضايق من اهل زوجي وسلايفي المترززات وش اسوي والله لو اترزز منهم لاموتهم من القهر بس انا حياتي وعيلتي ارقي من هالاشياء وخوفي من الله انا يهمني زوجي ما ودي يحس انه مع اقل وحده واخوان زوجي مهايطيه بس مو فاهم احس صرت مررره اغار واكره ترززهم كنت عادي الحين اموت قهر رغم ما ابين شي لاني احب اكون واثقه امام زوجي وامامهم وش الحل هل انا مزودتها او هم زودوها علي عشان كذا طقيت منهم ادري موضوعهم سخيف ومو سالفه بنظري بس شعور وحبيت اخذ رائيكم وشكرا لكم لا تحرموني من نصايحكم

ا
ملاحظه
الترزز حقهم مثل دائما نطلع طلعات بر وحدايق هم كذا اهل زوجي عاد شوفي المصخره الي تسوي طاحت طرحتها والي تقعد وماخذه راحتها والي طلع شعرها والي تلبس نظاره شمسيه وتجي تمشي قدام الرجال شي يفقع المراره ووووووو من ترزز الي ماله داعي واضح حتي اخوات زوجي لاحظوا بس مستحين يتكلمون وللاسف ارجالهم رمم هههههه