انا واخي وامي ارجو المساعده العاجله

كيفكم بنات اليوم نبي نستشيركم بموضوع جدا مهم ومصيري حق اخت لنا هنا بس ماحبت تكتب قصتها بمعرفها واستاذنت مني اكتب لكم قصتها وياربت تساعدونها


البنت عمرها 19 سنه وعندها اخ عمره 26 سنه الاب توفي من تقريبا 3 شهور الام عربيه من دوله ثانيه طلقها الاب وعايشه بدولتها من سنين ولا تدري عن عيالها نهائيا وتزوجت وخلفت
قبل موت الاب بسنين حاولو عيالها يتواصلون معاها ولكن كانت دايم تتشكي من الفقر وتقول لهم ماعندي حق التذاكر والحمدلله هم عائله غنيه والأب مو مقصر نهائيا ومعيشهم برفاهيه مره طلبت منهم 10 الاف عشان تحجز تذاكر وتجي لهم وتضبط وضعها وارسلو لها ولا جات تعذرت بمرض ولدها ومره ثانيه طلبت منهم نفس المبلغ ونفس الشي اخذت الفلوس ولا جات قالت زوجها رفض ومره طلبتهم مبلغ 15 الف ريال وهم طنشوها لانه واضح تستغلهم وهي من اكثر من 10 سنين ماشافتهم
لما توفي الاب بعدها بفتره بسيطه الظاهر هي عرفت انه مات واتصلت علي بنتها وقالت لها انا بجيكم وتعذرت انها خايفه من ابوهم لا يسوي لهم سالفه لانه يكرهها ومن هالكلام البنت فرحت مره وطلبت منهم 30 الف ريال وقالت عشان بجيب اخوانكم معاي يشوفوني وحاليا البنت والولد محتارين وتقول البنت أخاف السالفه استغلال وتسحيب فلوس علي الفاضي وخاصه الاب مات وتعرف انهم ورثو كل شي عنه
وعمه العيال اخت ابوهم قالت لهم امكم تزوجت ابوكم عشان الفلوس ويوم رفض يرسل لاهلها مبالغ كبيره طلبت الطلاق وتنازلت له عنكم بمبلغ مالي مقداره 100 الف ريال وتركتكم وراحت لدرجه البنت كان عمرها 4 شهور والعمه هي الي ربتهم وحاليا البنت والولد محتارين هل يصدقون كلام امهم ويحولون لها الفلوس والا جالسه تستغلهم هم مايبون منها الا شوفتها وعطفها عليهم فقط وهي من سنين يحاولون يتواصلون معاها وهي تطنش وتتعذر وتطلب مبالغ ياريت يابنات تعطونهم الراي السديد بدون مجامله او مثاليه والف شكر لكل وحده بترد علي الموضوع وادعو لهم يصبر قلبهم علي ابوهم ويرجع لهم امهم بالسلامه ويكون قلبها صافي وتعوضهم عن الي فاااات يارب