انا واطفالى وصدمه عمرى ..

السلام عليكم ورحمه الله وبركاته انااشارك بالمنتدى من سنين باسم اختى .. وحابه اطرح مشكلتى اقصد المصيبه اللى انا فيها . وحبيت انه يكون اسمى ومعرف خاص فينى بحكى قصتى لكم .. انا تزوجت من عشرين سنه كنت فى عائله على قد الحال ومثل كل العوايل البنت عليها تحفظ كثير .. درست وكنت شاطره وتخرجت من الثانوى وقدر الله ان ابوى يزوجنى من صديقه .. فكنت بصراحه ابى اتزوج وارتاح تزوجت ورزقت ب4 بنات و ولد واحد امورى كويسه والحمدالله ماتخلى من خلافات زوجيه .. اكتشفت من فتره ان زوجى ماسجل بناتى الاخريتين وحتى الولد ماسوى له تبليغ وكل مره اساله يقول لى لازم اروح الجنوب ولازم الاجرائات من هناك انا كنت اصدقه وفوق كذا اعطيه فلوس وكل شى يبيه بس عشان يخلص اوراقهم بعدين توفى الزوج وبعد فتره الحداد راجعت الاحوال وقالوا لى ان زوجك عليه مشكله فى الاحوال ومطلوب استبعاده وسحب الجنسيه .. انا انهرت مع بنتى الكبيره وتفاجات يعنى هالزوج اللى قضيت معاه عمرى كان مطلوب ومافكر حتى يقول لى .. المشكله الحين ماادرى وش اسوى اللى تعرف محامى تلحقنى فيه او وش تشوررون على لان بناتى نفسيتهم مره متعبه والولد دخل المدرسه وطالبين اوراقه وانا ماعندى شى ؟