انا واطفالي والبردتكفون محتاجة خبرة

مساء الخير خواتي وكيفكم مع ذا البرد :eek:تخيلو يابنات صار لي موقف عمرة ماصار والى اللحين وانا اعاني :eek:المهم مالكم بالطويلة السالفة ومافيها تعبو عيالي الاسبوع اللي راح عيالي الله يصلحهم اعمارهم متقاربة وجتهم حرارة بسم الله عليهم نفاضة والله يابنات حرارتهم اربعين ماتنزل بدت بولدي الكبير ونومته 3ايام بالمستشفى وبعدين طلع على مسؤليتي لان اخوانة الثانين تعبوا في البيت وبعدين رحمتة من ذا المغذي وابر سحب الدم على بالهم عندة فقر دم لانة بس يدوخ ياعمري والحمد لله مالقو شي وارجع البيت واحس اني تعبانة واكل مسكن واركض الم الغسيل واشوف المطبخ واشوف عيالي تاكتهم 3ايام والقاهم مسخنين واحتقان وارجع المستشفى واخذ لهم دواء واجلس طول الليل اكمد واقيس في ذا الحرارة وموعد الدواء واجلس يومين وانا احس اني تعبانة واقاوم واكل مسكن واليوم الثالث يرجع الكبير طايح مع اخوانة والله يعظم اجري اني اشيلهم لدورة المياة وانتم بكرامة واحد كان بس يستفرغ اغسل بس في ذا الشراشف والله ماقد صارت لي والله احس مااقدر اشيل نفسي تحسنوا بعد 6ايام الحمد لله قسم بالله اليوم اللي شفتهم قايمين بغيت اموت من الفرحه الله يحفظهم واروح في سابع نومه ابوهم يقومني بس اقول اعطني بندول اكسترا وانام وكانت علي الدورة فمافيه صلاة واجلس يوم كامل ماادري عن شي الا ثاني يوم الساعه 9الصباح مثل الصاعقه في اذني او**** اجري من الام مدري وين اروح واقوم زوجي مفجوع واروح اقرب مستوصف ويقولي يامدام كان عندك حرارة قوية وكحة فجرت للك طبلة الاذن واعطاني مضاد وارجع البيت واخذ الدواء ويجيني زي الكهرب والا اللي نزل من اذني دم سيلان وامسح ويصير لونة زي الصديد وماعاد اسمع بهذيك الاذن وماادري وش اسوي زوجي يقول السبت بحجز للك موعد في الجامعي وتعرفون مواعيدة طويلة لي يومين واذني تصب ياليت احد يفيدني ماقدرت انام من الالم او احد عندة وصفة تخفف الالم شعبية او ادهن بفكس وش رايكم :Dادعولي