انا والاطباء..

السلام عليكم اخواتي
حبيت احكيلكم قصتي ان شاالله انها تفضي الصبر على الباقين
انا الي 4 سنين متزوجه والحمدلله ربنا ما رزقنا للان بمولود
من بدايه زواجنا ونحنا نتابع مع الاطباء وكانت المشكله عند زوجي
وبعد سنه علاج معه صار وضعه تمام والطبيب بهالفتره قال انه ما في مشاكل
وعملت حقن وما صار نصيب وغيرت الدكتوره
تابعت عند دكتوره تانيه عملتلي تحاليل واشعه وقالت ما عندي مشكله وشججعتني اعمل حقن مره تانيه
وعملت وباليوم ال 14 من الحقن لازم اعمل تحليل وطلعت النتيجه وقالي بالمختبر مبروك حمل
وخبرت كل الاهل والكل باركلي بعد بساعه بحكي مع الدكتوره قالتلي اسفه حملك ضعيف جدا
اوقفي كل المثبتات وانطري الدوره تجي عادي
وانا انحرق قلبي الكل يباركلي وما بيعرف شو فيي بعد اسبوع نزل الحمل والحمدلله على كل حال
بهذي الفتره تابعت عند 5 اطباء (دكتوره) وما في فايده
ناس نصحوني بدكتور قلت لو بموت ما بعرض حالي على دكتور لكن بعد التفكير والانتظار الطويل وما في حمل توكلت على الله وتابعت عنده وقالي عندك البويضات صغار :eek: قلتله كيف خمسه قبلك كنت بتابع وكل شي كان تمام ... قال انا هيك بقولك ( ما بعرف من كتر التفكير والادويه يمكن صار ضغف بالبويضات؟؟؟) قلتله اني حملت من قبل والدكتوره قالت ما منه فايده قال حرام عليها كانت نسبه حملك منيحه :22:
تابعت عند الدكتور وعملت كمان مره حقن وهي المره التالته وبيوم موعد التحليل نزلت الدوره وما كان في حمل :( نحمد الله ونشكره على كل شئ لأنه يختار الافضل
بعد بسته شهور غيرت الدكتور ( يمكن غلطتي اني غيرت دكاتره كتير؟) وعملي برنامج اباضه وابر وادويه وعملت حقن ( للمره الرابعه) وكنت باخد مثبت من يوم الحقن وباليوم ال 14 كان موعد التحليل وانا من قبل بيومين احس بألم في ظهري وبطني قلت اكيد الدوره وما توقت ابدا الحمل ...
قلت نصيبي هيك دائما كنت كل يوم بدعي وبقرأ قرأن وبصلي لربنا صلاه الحاجه...
وقبل التحليل بيوم قلت لزوجي ما بدي افحص بحس انه الدوره بتجيني :22: ألم ما فارقني
وتاني يوم رحت للمختبر وانا متأكده انه ما في حمل بسبب الآلام اللي عندي...
بعد بساعه ونص اخدت النتيجه وقالتي مبروك :surprised ما توقعت ابدا وحكيت مع الدكتور واكدلي والحمدلله على كل حال
نشكرك ونحمدك يا رب تمهل ولا تهمل الحمد والفضل لله حملت وهلأ صارلي يومين عملت التحليل ولهلأ مو مصدقه
الحمدلله دائما وابدا والله يرزقكم خواتي كلكم يا رب اللهم اميييييييين ولا يحرمكم
وان بعد الصبر الفرج :26:
ان شاالله ما طولت عليكم وقلقتكم بكلامي