انا والاعجاب ؛:؛؛

قصتي مع الاعجاب

يابنات بقول لكم قصتي باختصار
انا حالياً متخرجه من الجامعه قبل ثلاث سنوات

انا انسانه هاديه وخجوله ولا احب لفت الانتباه ابداً
حتى بأيام مراهقتي كنت ماحب فكرة الاعجاب ولا خشت مزاجي بتاتاً
مع ان المدارس اللي درست فيها كان الاعجاب منتشرر فيها بشكل عجيب
لدرجة ان اللي مالها خويه يعتبرونها معقده


واذا انا  سولفت مع وحده .. طبيعي تسألني عن خويتي مين هي؟
وجوابي اللي دايم اجاوبه عليهم ( اني مالي خوية ولا احب الاعجاب
وياليتهم يصدقوني .. يقولون معقوووله مالك حبيبه؟؟؟

اسستغفر الله ياربي ..
مو هذا موضووعي لكني بغيت اشرح لكم الوضع ذاك الوقت

مرت ايام المتووسطه بسلام وتخرجت منها ولله الحمد 
دخلت الثانويه .. طبعاً نفس الطالبات اللي بالمتوسطه بحكم قرب المدرستين لبعض ( مدارس الحي )

 نفس الشي بالثانويه كل وحده اعجبت لها ببنت وعاشوا حياتهم
وانا على وضعي ماتغيرت ما اتقبل اي لف ودوران 
ولا حتى ارفع عيني للي يحاولون يلفتون انتباهي ويسوون علاقة اعجاب

لكن الطاامة الكبرى بمعلمة من معلمااتي 
كانت تلاحظ ان البنات دايماً يقنعوني بالفكره وكذا

مسكتني على جنب ( لقاافه) قالت وش قصة هالبنات معاك؟
قلت انهم يقولون لي لازم يصير لك معجبه والا ماراح تعيشين ايام الثانوي بـ فلله ووناسه

قالت لي لاا ما انصحك تعجبين والا تقبلين المعجبات 
خليك كما انتي لاتتغيرين

سمعت نصيحتها وتمسكت برايي اكثر واكثر بعد كلامها
المشكله هذي الانساانه مادري وش تحس فيه يوم انها تنصحني
لأنها بعد هذي النصيحه قامت هي بنفسها تناظرني نظرات تحررجني بشششكل
حتى البنات قاموا يعلقوون علي ويقولون ياااسلااام اخيررراً وقعتي بالحب
اخيراً بتجررربين الاعجااب 
وانا ماني فااهمه شي وربي مستغرربه منها ذيك المعلمه
 بعطيكم نبذه بسيطه عن شخصيتها:
هي معلمه عمرها بالثلاثينات .. متزوجه ولها اطفال صغار  
ملامحها عاديه يعني مو بجميله
لكنها تحب لفت الانتبااه .. ومعجباتها كثيير ولاتعطيهم فيس 
وبعدين تطور الموضوع وصاروا معجباتها يعرفون انها معجبه فيني
وصاروا يحقدون علي ويرمون علي كلام من بعيد لبعيد

والمعلمه بدورها تقهرهم زياده تقوم تناديهم وتقول لهم وصلوا هالكلام لشمس
قولوا لها كيت وكيت وكيت

ومعجباتها صاروا يكرهوون الارض اللي امشي عليها
وصررت اتضايق من المدررسه فكررت انقل واغيرها وافتك من هالعيشه

المهم ضليت على هالحال سنتين وبعدين غيرت المدرسة 
وحتى المعلمه نفسها نقلت وراحت
وتخرجنا وراحت ذيك الذكريات ونسيناها


دخلنا الجامعات واللي تزوجت واللي تخرجت ومشت الدنيا ونسينا كل شي
مررت سنوات طويله على هذا الكلام
انا الان متخرجه من الجامعه قبل ثلاث سنوات 

لكن المشكلة مو هنا 
المشكله ان المعلمه هذي دايماً تجيني بالحلم
وفجأه ابدا افكر فيها
انا نسيتها لكن تجيني حاله ابغى اعررف وينها ووش صار عليها 

والله ماحبيتها ولا عجبتني اصلاً لامن قريب ولا من بعيد

تجيني بالحلم دايماً 
تجيني حالات ابغى اووصلها ابغى اشووفهاا 
لدرجة اني اوصل مرحلة مستعدة اضحي بأي شي مقابل اني الاقيها واشوفها 

توقعون وش هالحاله هذي ،..!
مراهقه متأخرة والا ايش 
رااااسي بينفجررر مب قاادره اتحمل 

افيدوني ..