انا والخادمة وعقدة الذنب التي تدبحني

انا اكتب الموضوع ونفسيتي زفت في زفت ما ادري انا صح ولا غلط اتمنى انتو قولو رأيكم لأني حاسة اني غلطانة غلطة كبيرة والسبب هده المواضيع عن الخدامات الي تتكتب في عالم حواء
حبيباتي من يومين وصلت خدامتي الجديدة ,,لأني كان عندي خدامة وهربت المهم اول ما جبناها من المطار كنت مجهزة لها ملابس ودخلتها غرفتها ودخلت معاها عطيتها الملابس ووريتها الحمام وقلت لها ادخلي استحمي وغيري وعلى فكرة هيا سيريلانكية واول مرة تشتغل واحنا جايبينها كنت اطالع فيها وجهها متل الاطفال وباين عليها منكسرة وخايفة عمرها 18 سنة
ادخل بالموضوع
استحمت ولبست الملابس الجديدة وانا اخدت منها ملابسها القديمة وحطيتها بالغسالة
جيت الغرفة وقلت الها افتحي شنطتك رتبي ملابسك بالدولاب وفتحت شنطتها وانا واقفة على راسها افتش فتشت كل الشنطة :35: حتى المسكينة انحرجت لما شافتني افتش ولقيت ملابسها الداخلية وعندها كتاب لكن مكتوب بلغتهم ما فهمت منو شي ولمحت منديل فيه عقدة اخدتو منها وفتشتو لقيت فيها ارقام تلفونات .:44: وانا بعمل كل هدا حسيت اني شريرة واعتديت على الانسانة هده وضلمتها .انا مو كدا انا طيبة وما اجرح حد :44: طول اليومين وانا اعاملها بأدب واحاول ما تقل عليها بشغل البيت البنت مرة صغيرة وباين تاركة اهلها من الفقر والجوع تأنيب الضمير والاحساس بالغلط قاتلني خصوصا لما اتصلت بأمي وحكيت لها وبهدلتني قالتلي عيب عليكي وراعي فيها الله انا مو مصدقة ان بنتي نجوى تعمل كدا وانتي عندك اخت بعمرها :icon33: وزعلت عليا امي قالت تصرف مو زين ليش تفتشي ملابسها كفاية الخوف الي هيا فيه وجاية بلد الغربة والله ما ادري انا صح ولا غلط لكن من الحكايات الي اسمعها عن الخدامات خفت على بيتي وزوجي
وعلى فكرة دخلت عليها الغرفة لقيتها شايلة صورة لاهلها تطالع فيها بعيونها المنكسرة والله ان الخدامة هده حزنني وجودها واحسها ضعيفة ومسكينة وما ادري ايش اسوي
هل يا ترى انا غلطانة وابغى يروح هدا الاحساس الحين انا حاسة بالمسؤولية تجاهها لدرجة كبيرة يا رب سامحني:icon33::icon33: