انا والخدامه ... يابنات ساعدوني

السلام عليكم ورحمة الله

يسعد صباحكم ومساكم يابنات

مشكلتي مع الخدامه

جت لي الخدامه قبل سنتين وكان عندي ظروف دراسه اضطررت لوجودها لاني كنت بديره بعيده عن اهلي واهل زوجي ووافق وجودها حملي بطفلي الثاني
اول ماجتني فتشت اغراضها واخذت منها الجوال واوراق كان مرسوم فيها طير وفيه اسماء الله وايات
وقلت لها ان بغيتي جوال علميني انا اعطيك جوالي ببلاش قالت طيب ومرت الايام ولاقد طلبت وانا وزوجي في حالة استغراب واذا قلنا لها خذي كلمي عيت
المهم لهينا وبعد 6 شهور سوت مشكلة واضربت عن الطعام 3 ايام وقالت ابي مكتب اضطرينا نسافر للرياض عشانها وديناها قامت تخربط ماعندها شيء كلمتها بالتلفون وحده تبع المكتب المهم اسكتت واسكتنا عنها
عدت الايام ولدت وهي تمت سنه ونقلنا من منطقه لمنطقة اخرى والوضع عادي على طول ضبطت اجراءات دراستي ودرست انتسبا وسجلت بمعهد وفي وسط امتحاناتي وقبل شهر ونص تحديدا انصدمت بالخدامه تكلم بجوال كنت حاطته لبنتي لعبه اصلا خربان مادري شلون صلحته وسين وجيم المهم هاوشتها وقلت كان علمتيني اعطيك جوالك وقلت لها خذيه يقالك ابي اكسبها لين اخلص الامتحانات
المشكله هي اربع وعشرين ساعه تبصبص عند الشباك وانا وياها هوشه
انا يابنات زوجي له مكانته الاجتماعيه والدينيه واي احد بيطل بشبابيك بيتنا ويشوفها تلقائيا بيفكرني انا
المهم اليوم رجعت من المعهد انصدمت انها تكلم بجوال ولكن كاميرا وقاعده تتكلم بالعربي وتقول تحت فيه عمال وانا اللحين مشغوله
انقهرت قهر مدري من وين جابته واللي يقهر زود دايما بيبان بيتنا مقفله ولو طلعت مشوار قفلت الابواب المهم هاوشتها وسالتها من وين قالت من يوم جيت وهو معي ويوم زودت بالصراخ وقلت لاتكذبين عطتني كذبه ثانيه وقالت اني جبته من وحده فلبينيه بالمعهد يوم رحت معك
انا قد اخذتها معي 3 مرات للمعهد قبل 3 شهور تقريبا كان ولدي تعبان
قلت لها ليش يوم اشوفك المره الاولى كنت تستعملين الجوال حقنا الخربان ما استعملتي هالجوال المهم قلت لها بس يجي بابا بنوديك الشرطه قالت مافي مشكله قلت ترى بتقعدين بالسجن قالت وش اسوي بالسجن وخافت وقامت تشتغل تتهرب عني قلت لها هالجوال ماراح تاخذينه معك ولافيه كلام لمدة 3 شهور بحكم اني ماعلمتها بموعد سفرها ابي افاجئها وافتشها زين
فتشت الجوال يابنات لقيت فيه صورة هندي ومقاطع افلام سيئه ومنحطه
انا اللحين مدري وش التعامل الامثل معها
واللي بتقول سفريها انا بقلعها اليوم قبل بكره احسني كرهتها وتقرفت منها بس اشترينا التذكرة لها بعد شهر ونص سفرها واللحين لايمكن تغيرين الموعد
والبلى دقيت على امي تحقق مع شغالتهم طلعت شغالتي الكريمه عطتها جوال بنتي الخربان وعطتها شريحه وان الجوال الكاميرا اللي مع شغالتي من زمان معها له سنه تقريبا من وين مادري وهذا يناقض كلام شغالتي وللحين ماقلت لشغالتي جيبي جوال بنتي الخربان اخذت جوالها ابو كاميرا وبس
بنات شورو علي وش اسوي بها
فكرت اخلي زوجي يهاوشها يكشف كذباتها بس اخاف تسوي بعيالي شيء