انا والدايت

السلام عليكم ورحمة الله وبركاته
كيفكم يارشيقات 😉
حبيت اعرض لكم تجربتي ولله الحمد
انا والعياذ بالله من كلمة انا<<
من يوم كنت صغيره والسمنه هالكتني ولما كبرت صار هم كبير عندي اني انحف والبس اللي بخاطري بديت اقراء بالنت وادور بين هالريجيمات ولا كنت استمر ولا كان فيه اي تحفيز من اللي حواليني لاني ولله الحمد ماكان وزني زايد بشده اتذكر اول مره وزنت وانا توي باديه دايت كان ٨٠ وبصراحه في حياتي مانزلت عنها ابدا على كثر ماحاولت وعملت دايت كانت كلها غلط ولافيه شي نزلني والحمدلله تزوجت وعندي ثلاث اطفال اللي حصل اني طفشت من الثقل حسيت اني لازم اغير حياتي للاحسن لازم اتغير لنفسي اولا ولزوجي وحتى عيالي رغم ان زوجي ماعنده اي مشكله ولاعمره فاتحني بموضوع جسمي المهم وزنت قبل خمس شهور وصعقت ٩١ كيلو انا لما كنت احمل وبالشهر التاسع كمان اكون بهالوزن والحين باقي كيلوهات بسيطه واوصل لل١٠٠ 😱
وقتها التفت لنفسي وقلت لازم ابداء حان الوقت
والحمدلله بديت وبعزيمه قويه كان شوي نظامي ملخبط بس كنت استمر على الثلاث وجبات مع مشي على السير وبنهاية الاسبوع اذا خربطت اشرب شاي الضيافه وكان اول نزول لي ٥كيلو
بعدين ٣ كيلو بعدها بدأت المعانه بشرتي صارت باهته وشعري تساقط بشكل فضيع وجسمي صار بقع داكنه وبقع فاتحه المهم طفشت وقلت مارح اترك الدايت ابدا واصريت اروح المستوصف ورحت الحمدلله لدكتورة التغذيه وشرحت لها وضعي والخراب اللي حصل وكمان ثبات الوزن لاني وصلت ٨٢ ورفض ينزل الوزن لمدة ثلاث اسابيع واول شي قالت لي اني كنت ماشيه غلط ووريجيمات ماتناسبني ابدا وطلبت مني تحليل وبعدها عطتني ريجيم ١٤٠٠ سعره حراريه وقالت لازم الحين نكسر ثبات الوزن اما تنزلي نص كيلو اوتزيدين نصف كيلو مع مشي ساعه وحده باليوم وبعد عشر ايام اراجعها واخذت الدايت ومشيت عليه كان عباره عن ثلاث وجبات وبينها وجبتين سناك كانت فواكه واتذكر كان الاكل كثير والحمدلله
واستمريت عليه وبعد عشر ايام رحت لها ولقيت وزني زايد نصف كيلو وعطتني ريجيم ١٣٠٠ سعره مع مشي ساعه باليوم لمدة عشر ايام واستمريت عليه والحمدلله نزلت كيلوين وصرت لما اروح لها تعطيني ريجيم سعرات اقل من الاول ووزني صاير ينزل بكل مره اثنين كيلو الحمدلله وزني الان ٧٦ ومستمره بأذن الله .......
بس بغيت اقولكم يابنات لازم لازم الوجبات الثلاث وبينهم سناك وكان الغالب على الدايت
الفطور شريحتين توست مع جبن قريش او زبدة الفول السوداني او ملعقتين تونه مع كوب حليب خالي الدسم وحبه خيار او جزر او خس
بعد الفطور تفاحه
الغداء كوب رز مع صدر دجاج او ثلاث شرايح توست مع صدر دجاج مع سلطه مع خضار مسلوقه
بعد الغدا اناناس
العشاء شريحة توست مع لبنه مع زبادي
مع شرب ٨ اكواب ماء وشاي اخضر بدون سكر
يابنات هذي تجربتي وانا ماشيه عليها حبيت اقولكم لاني تعبت من هالريجيمات اللي كلها جوع واخرتها راحت بصحتنا وشعورنا
اسفه على الاطاله
واتمنى تستفيدون من هالتجربه
وشكرا