انا والرقية الشرعيه

تحيه لكل اخواتي بالمنتدى وهالقسم بالخصوص،، انا ما اكتب وايد بس متابعه بشكل يومي لكل المواضيع فالقسم لأني مثلكم،،،

ما اريد اطول عليكم بس اريد حد يريحني وينصحني،، من فتره قريت موضوع الاخت اشراقة امل اللي مثبت وهو عن اخبرينا بطريقتك للحمل بعد ان من الله عليك ووالله بصراحه وايد تشجعت يوم شفت ردود الاخوات مع العلم اني كنت واصله مرحلة يأس،، فمن ضمن الاشياء اللي قريتها وما سويتها من قبل موضوع الرقيه الشرعيه ووحده من الاخوات جزاها الله خير كانت حاطه رابد موقع شفاء اللي اقدر انزل منه الرقيه عالسماع،، وبالفعل نزلتها وحطيتها على الموبايل والحمد لله كل يوم اسمعها من مره الى مرتين على حسب استطاعتي بس احاول احافظ عليها

بس اللي صار اني من يوم بديت اسمعها وانا احس بخمول ونعاس مب طبيعي تقول ذبابة تسي تسي ما اقول خلال الاستماع ،، خلال الاستماع ما احس بشئ عادي بس احس كل الوقت نعسانه واريد انام يعني انام بالليل على الساعه 1 واقوم على الساعه 10 بالعافيه وبعد ايلس كله اريد انام وارجع انام الظهر ثلاث ساعات ولو مب الصلاه كان ما قمت،،

انصحوني شو اسوي انا مب ناويه ابطل سماع لأنها بصراحه تريح وهي كلام الله،،، بس شو الحل؟؟

ياريت اللي يعرف يفيدنا

تحياتي