انا والزهره والعذاب

اولا: لاتستخدمي الكلوركس نهائيا على الملابس البيضاء لأنها مع مرووور الوقت وتكرار غسلها يجعلها تصفر وتفقد بياضها
ثانيا استعملي الخل
انا طريقتي: أضع الملابس البيضاء في الغسالة مع ماء ساخن وصاابون يكون نوعيته ممتازة مثلا ( تاايد_ آريال_ بونكس أو اي نوع تفضلين ) مع شوي خل واشغل الغسااالة تدووور تقريبا دورة وحدة واترك الملابس فيها تنقع ليوم ثاني
في اليوم الثاني ادور الغسالة مرتين يعني كل ماتنتهي دورة ارجع اشغلها مرة ثانية وتنظف الملابس( ممكن 3 دورات اذا كانت الملابس متسخة )
أتمنى أفدتك

انا عن نفسي انقع الملابس في اريال لمدة ساعة او اكثر واشغل الغسالة دورتين وبعدين اشطفها اوبالنسبة لفكرة الاخت سوالف نهار ان الغسيل ينقع لليوم الثاني امي الله يحفظها تقول ان الغسالة تخرب بالطريقةهذي مع الوقت

اول شي عب غسالتك مويه وحطي الملابس من دون صابون لمده ساعه

وبعدها غيري المويه وحطي الصابون وشغلي الغساله الين يذوب بعدها حطي الملابس وشغليها وبعدين اشطفيها من الصابون زين

خوذيلك طشت وحطي فيه مويه طبعا انا استخدم الزهره المكغبات اذوبها في كاس اول وبعدين اصب حتى اشوف لون المويه صار ازر نيلي شفاف

واحط قطعه وحده من الملابس واطلعها اذا لونها اوكي خلاص واذا غامق زيدي مويه واذا فاتج زيدي نيله من اللي مذوبتها بالكوب

ومع الوقت راح تتعودي من مجرد النظر

وحطي الملابس وبعدها تكوين مجهز مويه باللينور بالغساله وارمي الملابس بعد النيله على اللينور واعطيها لفه بالغساله وعلى النشافه وتمتعي باحلى غسيل


هذي طريقتي ان شاء الله اكون افدتك

وليش هالحوسه كلها
طريقتي
غسلي الابيض بمويه فاتره وصابون ايريل او بونكس او برسيل المتوفر عندك + صابون الوزير + كلوركس ملوون الابيض لاتحطينه ابد لملابسكم بصفر الملابس ويهريها ومع الوقت تتقطع وتتفتفت
لاخلصتي غسيل اللي هو بالاساس دورتين لالابيض و3 اذا الغسيل وسخ شويه واذا مبقع وحبر وزيوت هاذا يبيلها نقع من الليل
لا خلصتي غسيل حطي الغسيل بالنشاافه يتنشف من الصابون وارجعي اشطفيه بموويه كثيره وبعدين اعصريه وحطي بقروانه مويه وذوبي فيها النيله او الزهره<< لازم تحطينها بقطعه قماش او شراب ماتبينه علشان ماتبقع معاكي على الغسيل
ذوبي النيله لين توصلي للون اللي تبينه وغالباا ازرق نقي شطفي الملابس بالنيله وزهريهم زين لاخلصتي خرجي قطعه قطعه اعصريها زين وسقطيها بقروانه الكمفورت ونشفيهم بالنشااافه
وسلامتك
مع الوقت بتتعودين على الوضع والتعب وبتصيرين فنانه وماهره بالنيله والغسيل
موفقه

صراحه مشوار طويل انا اغسلها بماء وصابون وشوي كلوركس دورتين بعدين اشطفيها بمويه زين وحطي بالغساله مويه جديده
وكمفورت والنيله وشغليها قبل ماتحطين الملابس علشان تذوب النيله وبعدين حطي الملابس وبعدين حطيها بالنشافه
وسلامتك بس ليش ماتستخدمين النيله السايله احسن لك والكلوركس ترى مو كل مره نحطه مع الملابس مره ايه ومره لا