انا والسفر

استعيني بالله قبل كل شئ وبتشوفي كيف التساهيل من ربي
الله ييسر لكم ويهنيكم ببسفرتكم يارب

الله يسر امورك
من الان جهزي الشنط وكل ماتذكرتي شي دخليه بالنسبه للملابس صيفيه احسن ولاتنسي جاكيتات للاماكن البارده
وعزبة قهوه وشاي وبلاش حوسه
رحله ممتعه ان شاء الله

عني أنا أحب الترتيب في بالي ثم التطبيق

أول شنطه لأبو الشباب (وهو يحط أغراضه بنفسه عشان لانسيت شي ما يجلس يهاوش ,انا قلبي رقيق ما يتحمل << كثري منها)

ثاني شنطه لي ولصغير )
والثالثه للولدين

مع ملاحظة أن الشنط تكون كلها من القماش (مو القماش قماش اقصد اللي تتشكل وين ماتحطينها عشان بالسياره ماتاخذ مكان) عساتس بس فهمتي

خلصنا من الشنط

اممممممم

لالا

باقي

اول شنطه حطيها على جنب يتفاهم معها صاحبها

ثاني شنطه افتحي خشتها وابدي حطي اغراضك ملابس الداخليه كم غيار وتحطي كل غيار مع بعض ثم البلايز كم وتحطيها ثم التنانير ثم القمصان ثم الاكسسوارات المهم تتخيلين نفسك وتحطين اللي بتحتاجينه)
ثم تفتحين دالوب الصغينون كم بربتوز كم بجامه كم لبس كم جزمه خلصنا سكريها وحطيها عند الباب
الشنطه الثالثه للكبار برضه أول شي الكبير ثم الصغير مع ملابس السباحه احتياط
ولاتنسين لكل شخص فوطه

بكذا خلصتي الشنط


للمطبخ

شنطة المطبخ المعروفه حقت السفريات

ثلاث قدور مختلفه الاحجام

الاول لرز اللي يكفيكم
الثاني لدجاج
الثالث عشان تغسلين به الرز وكذلك تحطين فيه الصابون اذا بغيتي تغسلين المواعين
سفنجه فيري صغير ليفه خشنه 2بيز كبريت ملاس 2سكين صغار سكينه للبصل والدجاج ملعقتين كأساسيات واذا احتجتي شي فيه بلاستك
صحنين واحد تحطين فيه الرز عند التقديم والثاني للفاكهه او احتياط
القهوه واغراضها (فناجيل قهوه مطحونه هيل )
الشاي واغراضه (سكر شاي بيالات )
بريق للقهوه وبريق لشاهي
والبهارات والملح

واتوقع كذا خلاص مابقي غير تركبونهن بالسياره وتتوكلون على الله


واهم شي انك تدعين لي وانتي مسافره ان انجح ويقر عيني بصلاح عيالي

الملابس جهزي هاللحين الشتويه .. الاطفااااال شنطه وحده شتويه .. وبعدين تجهزين لهم شنطه صيفيه ثنتين ..
نجي لك ولزوجك صيفي وشتووي بشنطه وحده لزوجك ولك ..
خلصناا من الملابس ..

نجي للعزبه بتكووون جااهزه من مجامعيه القهوه والشاي والهيل والفناجيل والبيالات
خووذي ثلاث قدور احجام مختلفه .. وصحنين .. ولاتنسي الفيري واللاسفنج ..وصحون بلاستيك لوقت الجااااحه طبعن لاتنسين العزبه تكون شامله السكاكين والملاعق باحجامهااا .. ولاتسيييييييين الترمس تحطون فيه ثلج وتحطون فيه الماي والعصيرات منشان مو كل شووي نازلين للبقاله ..

نجي لااغراض الاستحماااام .. شامبو.. شعر .. جسم ..
علبتك انتي من لوشنات ووواقي شمس .. وكحل مسكرا ..
ولاتنسي المناشف .. وروب الحماام للصغاار اذا فيه بحر ..
والبطاطين اذا عندك البطاطين الصغيره النااعمه .. ومخداات صغيره ..

وااااخر شي صيدليه .. من حبوب صداع .. مضادات شااش لصقاات ديتول ..

امم وشنووو بعد ..
واهم شي دعااااااء السفر ..
استودعتكم الله الذي لاتضيع ودائعه

دعواتك لزوجي بالشفاء من العقم ..

اول شي الشنط بتكون من النوع السبور يعني اللي ماتكون مربعه حتى لو هي فاضيه حنا نبي اللي تكون قماش بس اذا فضيتيها صارت قماش فاضي ماله معالم<<<< يارب تكون وصلت المعلومه
حبيبتي حطي لكل منطقه شنطه عشان ماتفتحين الشنط الثانيه وتحوسينها
مثلا بتروحون مكه بتكون ملابس خفيفه وعاديه يعني مو لازم كشخه والجزم صنادل خفيفه او شباشب
وبتمرون جده
اكيد بتاخذين ملابس حلوه ومرتبه لانها كلها اسواق ومنتزهات وتماشي وملابس بحر مع جزمهم
مثلا الباحه او ابها
بتكون للملابس الشتويه
او ممكن تستغنين عن الملابس الشتويه وتاخذين جكيت لكل شخص بس يلبسونها على ملابسهم العاديه

هذا اللي حبيت اضيفه على البنات

اي صح لاتنسين المكرونه بالتونه اسرع واسهل وقل تكلفه واقل مواعين يعني بالغربي هي اكلة السفر
وبالتوفيق ان شاء الله
رحله سعيده