انا والسفر وولدي...!!!!!

السلام عليكم ورحمة الله وبركاته ،

أهلا شكوكو كيف حالك .. ان شاء الله عزيزتي توصلي بالسلامة .

اعتقد اذا بتقدري تحجزي ويكون سفرك بالليل افضل اذا ما بدك طفلك يغلبك لأنه حيكون وقت نومه ... واذا كان السفر بالنهار مش مشكلة برضه رح يزهق ويتعب وبالأخير ينام لأنه بعده صغير .

بالنسبة لحركته ومشيته اتركيه يمشي بالطيارة بس المهم ما يضايق احد ، أصلا الكبير بيتضايق من طول القعدة وبيقوم بيمشي ، وهو حيلف ويدور ويرجع لك ، ووقت توزيع الأكل والعصير احبسيه عندك عشان ما يضايق المضيفات .

احملي معك بعض الألعاب اللي بيحبها عشان تشغليه فيها ، وبعض الحلويات وأكياس البطاطا وما إلى ذلك .. لأن ما في شي بيشغل الطفل أكثر من هدا الأكل .

وما تنسي تحملي معك مصاص ملبس عشان صعود الطائرة وهبوطها حتى تخفف الضغط على اذنه وما يبكي لما يمص المصاصة .

واعتقد عزيزتي ما في داعي تاخد معك ماء لأن بالطائرة بيكون متوفر ماء حار وبارد .. والعلم عند الله .

واذا كانت معك عربة اطفال افضل خصوصا في المطار .. احسن ما تضطري تجري وراه وين مكان .

أما بالنسبة لأنواع الملابس اهم شي تكون معظمها ذات كم طويل لأن لو كان برد بتحميه واذا الجو دافئ ما رح يتضايق لأن ما اتصور حيكون حر .. وما تنسي دائما احملي معك جاكيت له في كل مكان بحيث لو اصبح الجو بارد فجأة يلبس الجاكيت حتى لو كانت ملابسة خفيفة نوعا ما .

هذا ما اعرفه عزيزتي واذا كانت الأخوات عندهم اضافات ما رح يقصروا معك .. وتروحي وترجعي لنا بالسلامة .. حنفتقدك .