انا والشغاله تكفون جاوبوني

تكفون ابي احد يوجهني ويدلني على الصواب عندي شغاله فلبينيه من يوم جبتها وانا مو مرتاحه لها مدري ليش شكلها مايريح وانا جايبتها لاني اعمل وعندي بنت عمرها سنه اسم الله عليه تاذي اللي عندها من الصياح وماتنام الا معذبتها حتى انا عذبتني احيانا افقد اعصابي مع البنت واقعد ابكي اقول ليش بنتي كذا ماتخليني اقعد عند الناس من الصياح ولا تاكل الا بعذاب الخ
المهم ومع كذا شغالتي بس ساكته ومو مبين عليها اي انطباع دايم ادخل عليها اقول يمكن تسوي ببنتي شي بس مااشوف شي وكل الي يشوفونها يقولون ماارتحنا لها وانتبهي منها وبعدين نظراتها لاخواني لما نجي اهلي شككني فيها بزياده لبستها قمصان اكمام طويله وحجاب ماسك لانها دايما تعمد تطلع شعرها والحين انا اقفل الباب علينا واوصي زوجي يقفله اذا طلع
مره لقيت معها ابره وخيط وعندها دبدوب بنتي حاطته عند فراشها شكله كانه مفتوق ومخيط وبعدين فيه شغله لاحظتها كل ماجينا نطلع تلبس بنطلون تحت قميصها عشان فيه جيوب
معاملتي لها تاركتها على راحتها تطبخ وتنضف على كيفها حتى هي تطيع ومالها لسان ابد واذا عصبت عليها تبكي زوجي يقول انتي موسوسه واهلي يقولون انتبهي منها
مدري ليش عجزت ارتاح لها لا تقولون مو متعوده عالشغالات بالعكس شفت انواع الشغالات عند اهلي بس ماشكيت فيهم تكفون ابغى ارائكم