انا والطوفان من بعدي

السلام عليكم ورحمة الله وبركاته

تحيه طيبه الاعضاء هذا المنتدى

بصراحه وبدون مقدمات عندي مشكله اتمنى احد يساعدني في حلها
انا شاب عمري20 سنه

مشكلتي كبيره بدايتها ترجع لايام الطفوله وبصراحه عشت طفوله تعيسه بكل معنى الكلمه ابوي طلق امي من كان عمري ست سنوات وراح تزوج من شيطانه ما شفنا معها يوم عدل. كانت تعاملنا معامله يهود فما يمر يوم ما ننهان فيه وننضرب من ابوي بسبب جورها وكذبها وابوي صاير في يدها زي لعبة الحبل تحركها زي ما تبي
كم من ليله من تسمعه جاي من الشغل تبكي وتصيح .:هذا عيالك جننوني وابوي ما يرضى تبكي والضحيه حنا يالمساكين
المهم دارت الايام كنت اعيش يوم بيوم كنت انتظر اليوم اللي افتك فيه من ظلم ابوي وزوجته
الحمد لله اخوي الكبير اشتغل في مدينه ثانيه واخذني معاه اكمل دراستي والحمد لله كملت وابوي ما تغير حاقد علينا وعلى اخواني
لكن انتقام الله اصابه وصابه مرض في الصدر وجابه اخوي عندنا انا بصراحه كان قلبي قاسي عليه تعالج وطاب قلنا يمكن يتغير من ناحيتنا لكن رجع زي الاول
المشكله لو يبي يعتبر كان اعتبر يكفي ان اخواني من زوجته الظالمه اللي كان مدلعهم تخلو عنه وقت المرض ولا وقف معاه الا حنا
المهم انا مرات كنت اتسائل ليه ابوي يكرهنا كل هالكره في مره تجرأت وسألته ليه تكرهنا هالكره وحنا عيالك وليه طلقت امي وحرمتنا منها بدون سبب
والله رد علي رد زلزل الارض من تحتي رد خلى الدنيا تسود في عيوني
رد صدمني صدمه كبيره
قال انه سبب تطليقه لأمي انها كانت تخونه علشان كذا هو يكرهنا انا وخواني
في مره قال هالكلام عند ناس اغراب قال امكم خاينه وقتها كنت بتهور وارتكب فيه جريمه لكن اخوي اللي اكبر مني كان ملتزم وهداني قال لي عامله بالحسنى
اي حسنى اعامله فيها وهو انسان كافر حتى الصلاه ما يعرفها لا واذا سمع المذن يذن قال والعياذ بالله شوفو الحمار ينهق .
في وقت وتوهاني وضياعي واجهت امي بهاالكلام اللي قاله ابوي امي قالت وحلفت على القرأن انها برئيه وان ابوي عقله مريض وشكاك وانها عمرها ما خانته
بصراحه اكذب اذا قلت اني اصدق واحد منهم انا ضايع وتايه بينهم كل واحد يبرر افعاله في الماضي
المهم انا تربيت على شي واحد كرهي لبنات حواء والبركه في عمتي زوجت ابوي والله عرفت معنى كلمة كيد النساء بفضلها ابوي قاسي القلب اللي مافي قلبه رحمه كان يحب رجلها اذا بكت علشان ترضى ويترجاها
عمري ما انسى هذا الصوت :تكفين يام خالد لاا تزعلين مني تكفين اللي تبينه يصير لو تبيني احرقهم لعيونك
مرات كنت اتخيل النساء على انهم تلاميد ابليس لا والله هم الشيطان نفسه لهم دموع التماسيح ونعومة الافاعي هذا في الظاهر لكن في الباطن كذب وظلم وخيانه
انا بعد تفكير قلت لازم اخلي هدفي الانتقام من بنات حواء
انا من هواة الاسواق كنت يوميا اروح هناك كل يوم اتعرف على بنت وطبعا كنت احطها في اختبار للأ سف كلهم ما غيرو قناعتي كانوا يرسبون بتفوق
خيانه خيانه انا بصراحه كنت استمتع بكذبي عليهم وتعذيبهم كنت امثل عليهم قصص الحب بنجاح كان لساني غير اللي قلبي كنت في داخلي احتقرهم واقول انهم يستحقون التعذيب ياما تعرفت على بنت وخانت اهلها وهم مساكين ما يعرفون شي من يكلمك ياامل صاحبتي يمه وطبعا اللي كان يكلمها انا
الحمد لله انا عمري ما جاريتهم في السقوط للهاويه كنت اتلذذ بالكذب عليهم وهم يبكون يترجوني بأسم الحب وانا اعرف انهم كاذبات خاينات ما يستحقون الرحمه.
انا في قناعتي نفسي كرهت الزواج وطاريه خايف
قدامي عيني صورة زوجة ابوي وامي وكل البنات اللي تعرفت عليهم
اتمنى احد يساعدني براي ينور بصيرتي.





اخوكم
عالم الاحزان