اولا غراء الفيران العلبه الحمراء وفي قطعه كرتون مربعه وبالنص جبنه وفوقها طماطم وزياده فى الاغراء دخلي الجبنه المكريوف واختاريها جبنه ذات رائحه مثل مازريلا قشقوان
وبعد ماتطلعين الكرتون من المكرويف حطي الغراء حول الجبنه وكثري الغراء
وحطيه مكان وجوده واطلعي لا تطلعين صوت وازعاج لانه مايقرب من الكرتونه في حالة الازعاج


المهم اعرفي مكان الفار باي غرفه وحطي له الغراء الليل الصبح تلاقينه لاقص
ياني صدت بهذه الطريقه 7 فيران
ثانيا غرفه نومك حتي تضمين ماينط عليكي اثناء النوم استعملي فلفل الاسود كبي منه عند مدخل الباب

الفار كائن مقرف واكره من كل قلبي من اول ماتشوفينه بالمكنسه على ام راسه
ولا تنسين تكبين ديزل جالون ديزل ب15 ريال فى البلاعات كلها وبيوت التفتيش لانه الفار سهل التكاثر

جيبي لك بسه اتكلم جد الفيران مايمشن الا بالعين الحمرا والبس انظف من الفار وراح ترتاحين من كل الحشرات ولاتدخلين في بيتك سم فيران خطر عالاطفال الله يصلحهم كل شي ينخشونه

اول شي اعرفي المكان اللي يجي منه عشان مايرجع لك بعد ماتصيدينه

واذا انتم تجمعو الخبز وتجففوه للحيوانات هذا يشمه الفار ويجي للبيت
انا سبق وعانيت من فار فشلنا بصيده بكل الوسائل الا ان لقيت لوح اسود صناعه امريكيه اشتريناه من صيدليه والله من ثاني يوم صدناه
ربي يعينك الفار مصيبه بالبيت

روحي لصيدليه بيطريه واطلبي سم للفئران وبيعطيك ان شاءالله ينفع انا مجربته والحمد لله ماعاد شفتهم 

نصيحه لوجه الله لاتشرين سم فيران ولاتدخلينه بيتك والله العظيم برمضان اللي فات لحقت ولدي باخر لحظه حاط السم بفمه سيرت على اهلي والشغاله راميه السم بالارض بغى ياكله ولدي وبعدين ماسمعتي بالطفل اللي بحفر الباطن مات بسبب سم الفيران وثلاث اطفال ماتو برفحا بسبب مبيد حشري لاتقولين اشيله وارفعه واطفالي مايجونه والله الاطفال الله يصلحهم مايخلون شي ومرت جيراننا حطت سم ومات الفار ورى دولاب غرفته وطلعت ريحته وزوجه قام مايدخل غرفته والله لما جابت عمال فكو الدولاب وشالوه