انا والفستان وراعي المحل ويارب فرجك

السلام عليكم ورحمه الل وبركاته


يابنااات الله يخليكم شوروا علي انا كتبت الموضوع لاني ماابي اظلم احد وماابي احد يلعب علي وعلى غيري

اقولكم السالفه :)
احنا عندنا مناسبه ومن اسبوعين وحنا فرفره في الاسواق ندور فساتين والحمد لله لقيت واحد لكن مالقيت مقاسي لقيت مقاس 8 وانا البس 4 قالي صاحب المحل ادفعيلي حق الفستان ويطلب لي واحد من جده ويوصل بعد 3 ايام قلت اوكي ودفعت وطلعت على اساس هذا اتفاقنا
لما رحت استلم الفستان قالي انو طلب الفستان لكن طلع وصخ ومارضى يعطيني اياه وهو كذا قام اخذ الفستان اللي عنده مقاس 8 وعدل عليه ضوقه وماادري ايش سوى مع العلم ان الفستان كان معروض وفيه فصوص طايحه وحاله المهم حتى لما ضوقه طلع شكل الفستان غلط وكانو مو لي
انا كلمت صاحب المحل وقلت له مو هذا اتفاقنا الفستان مايصلح والمقاس غلط والفصوص طايحه قالي اوكي رجعي الفستان وخذي فلوسك قلت وين وبكرا الزواج ايش البس ؟؟
قال هذا الحل الوحيد
قلت لا انا بلبس الفستان وبرجعه بعد بكرا وجيب لي واحد مثل مااتفقنا قال لا مايصير تلبسينه وترجعينه
بس قلت هذي مو مشكلتي انتم غلطتوا وتتحملون الخطا قال لا

المهم حالتي اليوم متنكده وانا بضطر البس الفستان لان ماعندي غيره
بس قلت لاهلي مالي دخل ترجعونه مابيه يلعب علي وخليه يتحمل مسؤليه غلطه

عاد انتم وش رايكم البسه وارجعه ( وهل هنا فيه ظلم لهم ؟)
ولا اخليه وارميه بعد الزواج لان منجد ماينلبس واتخسر عليه

مع العلم اني لقيت نفسه في محل ثاني وارخص منه بكثير ونفس الشي قالي اضوقه لك بس قلت لا باخذ الغالي عالاقل اضمن المقاس
والمشكله ماحصلت هذا ولا هذا
وابي تقولون لي مين الغلطان ومين المفروض يتحمل خطأه
معليش حتى لو انا غلطانه بشي قولوا لي :)

الله يخليكم ابي رايكم
وشوركم وهدايه الله

والله يشهد علي بدعي لكل وحده تريحني بحلها

:09: