انا والكبتاجون

قصتي وبختصار شديد

انا مطلقة من زوج مدمن على الكبتاجون كان يسهر 3 ايام وينام 3 ايام متواصله بس ياكل ويروح الحمام

كنت اذا بصحيه من النوم يضربني وتعبت معه كان شديد الشك في مو في اخلاقي لانه يعرف اني متدينه

بس كان يشك في اني اكرهه واكره الجلسه معه

كان يتفل في وجههي ويرفع صوته علي الدرجة ان الجيران يسمعونا

ويتلفظ علي بالفاظ بذيه

وكنت ابكي

وهو يكرهه يشوف وحده تبكي واذا شافني بكيت مسك حلقي ويحاول يخنقني

وصلت بعض الحالات انه يدعسني بسيارة

تعبت معه وقريت عليه كل ليله صورة البقرة

كنت غبية كنت احسبها حاله نفسيه

لذى شريت له علاج مهدى عشان يهدى شوي وكنت اطحن الحبوب في العصير

واخليه يشربه تفعل الماده المكونه من الكبتاجون مع الماده المهديه

ادت الا رجل ثاير بكل الكلمه مثل البركان الي ينسف مدينه بكاملها

كان معي بنت صبرت الاجلها سنه ونص

بس اصبت بحاله نفسيه خطير صرت اخاف منه صرت احس نفسي امشي على بيض اخاف اذا بيضه انفقشت

يثور البركان

صرت معاد اقدر اتكلم صار ت اتلعثم في الكلام ولاعاد اقدر اقول جمله كامله

تعبت نفسيتي

قلت مالي الا الطلاق

تتطلقت وحاول ارجاعي رفضت ضربني في بيت اهلي لاني كنت يتيمه وماعندي اخوان يردعونه

بعد ما تتطلقت ماخلا بيت ماتكلم فيه عني وحط الي فيني ومافيني

وصبرت

ونصرني الله

وتزوجة من شاب اكبر من 3 سنين

وكان طيب خلوق جدا يرحمني ويساعدني في البيت بس مشكلته مايبي بنتي

بنتي عند امي ثما اخذها ابوها وهو ساكن في بيت اهله وانا مطمنه عليها ان ابوها يحبها مرها ويخاف علي

من الهواء الطائر

المشكله هنننننننننننننننننننننننننننننننننننننننننننننننننننننننننننننننننننننننننننننننننننننننننننننا

اكتشفت ان زوجي الثاني ادمن على الكبتاجون

بصدفه لقيتها في مجلس الحريم طايحه وهي عباره عن حبه لونها بيج وفيها قوسين متقابلين

ومن ورها خط

انكر انه يعرفها ويقول يمكن طيحه من وحد من الي يفرشون السجاد

لان زولية المجلس معكرونه ماتنظف بسهوله وتختفي فيها الاشياء

صدقته

بس طلعت عليه بعض المظاهر الي تشككني انه مدمن على الكبتاجون

مثل 1 شراه في شرب الدخان والشاهي

2 جفاف الانف الدرجة انه يصب دم

3 تبلد الرغبه الجنسيه عنده يعني يجيني مرتين في الشهر بس

4 تضرر في الاسنان

5 رائحه كريهه من الفم

6 نشاط غير طبيعي الدرجة اني اذا جيت من بيت الاهلي القاءه منظف البيت ومغسل الثياب ومنظف حتى الحوش

7 صار يتلفظ على بعض الالفاظ البذيه ثما يندم بسرعه عنده تقلب في المزاج

8 يرفض اني انام معه الان يخاف اني اشوفه سهران صار ينام في المجلس ويسكر عليه الباب

مره صرحته مشكوكي وصارت مشكله كبيره

ثما صار يحطني عند اهلي يوم الاربعاء ويكذب علي ويقول انا مستلم

ثما يوم رجعت عرفته انه في البيت

لان البيت واضح انه مسكون وكل شي متحرك غير تنظيف البيت


قولولي كيف اوجهه ونقضه من المشكله الي وقع فيها

مع العلم ان مستشفى الامل تعالجه بلاش وبسريه


ابي وحده تعلمني كيف طريقة المناقشه معه بدون صراخ ولا مشاكل


ارجوكم سااااااااااااااااااااااااااااااااااااااااااااااااااااااااااااااااااااااااااااااااااااعدوني

حياتي بتتدمر مرة ثانيه ومعي بنت بعد منه