هـلا حـبيبـتي UAE_QueeN ... لا تتـضـايقيـن يعـمري بس الصـراحة انـتي اللي عـطيتـيـه مـجـال وإهـو بعـد غلـطان .. والغـلط مـا ينسـكت عـنه لا تسـكـتيـن عن الـغلط إذا مـا كنـتي تبيـنه يـتمـادى .. وإذا كـان مـدرس مو مـدرسـة .. المفـروض مـا تقـعدون بـروحكـم .. انا لوبيينـي مـدرس راح نقـعد بالصـالـه .. أهلـي يـمرون ويـروحون يعـني لازم يـحس ان مو بـروحـه مـعاج عـشان مـا يـاخذ راحـته ..

وإذا إهـو يشـرح بضـميـر تـرى المـدرسيـن وايـد اللي يشـرحون بـضميـر دوري ومـاراح تـضيعيـن ان شـاء الله شـدعوة مـا اعتـقد اهو الـوحيد اللي يشـرح بضـمير .. دوري مـدرسات أو مـدرسـين غيـره (( مو بـس إهـو اللي عـارف ومـتعـلم )) مثـل مـا قـالت اخـتي اللي قـبـلي الشـيطان اهو اللي مـخليه بعـينج الـوحيد اللي يشـرح بضمـير .. والأفضـل انج تـبحثـين عـلى مـدرسة مو مـدرس لأن مـا فـيه أثـنيـن يـختـلون بـروحـهم إلا وثـالثـهم الشـيـطان ..

نصـيحتـي لـج يـا حبـيـبتـي وإذا كـنتي صـج مـتضـايقـة ونـدمـانه غيـري الـمدرس وبتـلاقيـن غيـره بإذن الـلـه .. لأن لو نيـتج صـافـية وغيـرتيـه بـس عشـان تـبتعـدين عن الغلـط صـدقيني الله راح يعـوضج خيـر .. تـركيـه والله يـبدلج أحـسن منـه ..

.. """" من تـرك شـيئـاً لـوجـه الله عـوضـه الله خيـراً مـنه """" ..

بـس والله يـا حبيـبتـي لا تـزعليـن كـلام الـصج يـنقال .. انتي غلـطانه عـطيتيـه مـجال انه يـتمـادى المـفروض مـثلاً لمه طـقج عـلى فخـذج تردين على هالـحركة .. ولو مـا قدرتـي تـرديـن أو مسـتحيـه طالعـي بنـظرة تبيـن لـه انج تـضايقـتي عـشان يـعرف ان إهـو غلـط أو تـعدى حـدوده !!! بـس لمـه تـسكتـين وتـبتسمـين بيـقول هـذي عـادي عـندهـا ماراح تزعل وهـذا اللي يـخليـه يزيد ويتـمادى ..

ولمـه صـافحـتيه هـذا أكبـر غلـط أدري يمـكن تـكون الـحركة خـارج عن إرادتـج لكـن لا تـعيـدينـها مـرة ثـانية خلـي بـالج حبـيـبتـي لأن هالـحركة + اعتـذارج واسـلوبج معـاه يـخـلونه يـتمـادى أكثـر وأكثـر

وإذا مـصره انج مـا تغيـرينـه خليـج جـديه مـعاه ولا تـضحكين ولا شـي لأنه يـالج للـدراسـة وبس مو للـسـوالف والضـحك والـغشمـرة .. ولا تقـعدون بـروحـكم .. بـرايي مـاكو حـلول ثـانيـة .. إذا فيـه ان شـاء الله البـنات يـردون عليـج بـس انا قـلت لـج رايي بـصـراحـة وان شـاء الله تـكونيـن اقتنعـتي .. :)

آسـفه حبيـبتـي ع الإطـالـه بس مـاكو حـل ثـاني انتـي للأسـف مصـره عليـه .. إن شـاء الله يـارب تـلاقيـن مـدرسـة تشـرح بضـميـر والله يـعوضـج عـنه .. والـلـه كـريم

إذا كان لا بد من هالإستاذ خلي محرم إييلس وياكم عشان يحترم عمره وينطب....


واذا ما لقيتي احد ... انتي لا تضحكي وياه ولا تسلمي عليه يالغبله حراااام ؟؟ ههههههه .. وحتى الكلام خليه محترم جدا وياه وكلميه يا استاذ ويا استاذ يعني التكلفه لا تشيليها من بينكم ..

وخلي في حدود داااااااااااااااااائما ..

تدرين احنا بالجامعه درسونا رجال وفي منهم واحد مصري تخصصنا الرئيسي ومرشدي الاكاديمي مرة ما شفته الا طاقني بيده على كتفي يعني مثل الغضبان لاني غلطت .. اهي طلعت لا اراديه بس انا قلت له ترى احنا مو عادي عندنا هالشئ وقلتها له في وجهه .. عشان يلزم حدوده بس منها عرف هالشئ ولا كرره حتى لباقي البنات .. لان المصريين الدكاتره عندنا يقولون عادي عندهم هالشئ في مصر يطقون طلبتهم مثلا يسلمون عليهم يمزحون وياهم بس احنا لالالالالالالالالالالالالالالالالالالالالالا وألف لا ؟؟


فأنتي اذا بغى يسلم عليك قولي له ترى استاذ احنا هالشئ حرام عندنا وما يجوز بس هو بيفهمها ..

الله يرفع نسبتج وتتوفقين في امتحاناتك ..

اولا: الله يوفقج في دراستج ويغنيج من فضله وتيبين نسبة مرتفعة:)

ثانيا: مثل ماقالوا الخوات خلي حد معاكم ييلس ولا ايلسوا في مكان مفتوح.

انا لو يبت مدرس لولدي مابخليهم بروحهم...الدنيا كل شئ فيها الغالية...الله يحفظج ان شاء الله

السلاام .. انه بعد رايي من راي الاخوات .. وانه بعد كان ييني مدرس رياضيات ومصري بعد ..اول الاييام كان ييني ويدرسني بروحي بس اخلي الباب مفتوح .. وبعدين حسيت الحركه مب حلوه في حقه لانه واااااااااايد مأدب .. قلت حق صديقتي اذا تبي تاخذ نفس تقويه معاي ووالحمدلله وافقت ويعني حتى لو كان بيسوي شي لا سمح الله مابيقدر دام وياي احد ... وانتي حاولي تخلين حد من ربيعاتج اللي يحتاجون التقويه انهم ياخذون التقويه وياج وبجذي يمكن يستحي على ويهه شوي هههه ..

حلـوة فـكـرة " شمس الغلا " إنـج تـختـارين وحـدة من صـديقـاتج اللي مـحتـاجة انهـا تتقوى في المـادة :)