انا والنحافه والقولون اصدقاء لا نفترق ككككك يرجى الدخول للتطمش وللمساعده اذا امكن

اولا السلام عليكم ورحمه الله وبركاته

ثانيا جبيت اسلم عليكم نفر نفر واقولكم انا عضوه يديده اتمنى ترحبون فيني ولا كالعاده راح ادعي عليكم كككككك اتغشمر ترا :hahaha:
الصراحه من زمان كنت احب اشترك بهالموقع لان بصراحه وبدون مبالغه روعه روعه روووووعه

والحين خل اسولفلكم عن قصه حياتي حق الفاضيات الي ما عندهم شغل.... يلا كل وحده تييب قهوتها وتقعد :)

اييييييييييييييييييييييييييييييييييييي يا بنات


مشكلتي الازليه بدت من فتره طويله حيل يعني من اكثر من 18سنه...... ترا انا مو كبيره عمري بس 21

وهو عوار موطبيعي بالبطن اااااااااه لما اذكر هالايام اشلون كنت ابجي من العوار وامي مو عارفه

شتسويلي :( مافي مكان ما رحتله ومافي تحليل ما سويته بس كلهم يقولون مافيج شي!!!!!!

المهم استمر العوار هذا تقريبا 5 لي 6 سنين واختفى مره وحده ........ والحمد لله ارتحت وايد

على العموم لان العوار كان بالبطن فما كنت اكل شي لاني قمت اخاف من الاكل وخاصه ان العوار يزيد

كل ما كليت!
ا
لمهم ما اهتميت بالوزن لان الي مر بنفس عواري ما يهتم اشلون صاير جسمها لان والله الصحه

والعافيه اهم بوايد



المصيبه هالسنه بشهر 6 تعبت حيل وقمت ارجع لمده 3 اشهر , مرات مره باليوم ومرات ثانيه يوميا
ونزل وزني 8 كيلو بثلاث اسابيع:(

لي هني وكل شي تمام بس المشكله اني من الاول كنت ضعيفه يعني وزني كان 55 وصار 47 وطولي 167
وكل هذا بثلاث اسابيع!!!! بمعنى اصح صرت هيكل عضمي الحمد لله والشكر

رحت الدكتور وقالي عندج قولون عصبي......... قلت الحمد لله مو شي جايد.......... بس لاني كنت ارجع ثلاث شهور قامت تلوع جبدي من الاكل بشكل عام......... لاني اخاف اذا كليت شي اقوم ارجع......... يعني صارت فيني عقده نفسيه :( وقمت اعيش على السوائل وبس ,وما قمت اكل شغلات جامده

الحمد لله على اي حال ,,,

الحين قاعده احاول اني ارد نفس قبل بس للحين الغثيان مستمر ومو عارفه احط شي بحلجي
لاني احس ان ريحه الاكل مو زينه ......... استغفر الله يا ربي حتى فاتح الشهيه الي كنت استخدمه ما قام ينفع معاي.........


انا قلتلكم هالقصه علشان تساعدوني او على الاقل تدعولي ان الله يشافيني , واتمنى الاخت ريهام تحطلي جدول غذائي امشي عليه , واتمنى الي عندهم قولون ينوروني ويعلموني عن الطريقه الي يتعايشون فيها مع المرض







يعطيكم الف عافيه مقدما
وان شاء الله الضعيفه منكم تمتن, والمتينه فيكم تضعف واهي بصحه وعافيه, والعازبه فيكم تتزوج, والمتزوجه فيكم الله يهنيها مع زوجها, وان شاء الله لله يرزقكم بالذريه الصالحه ويكونون من حفظه القرأن قولو امين يا رب العالمين :42:

بليييييييييييييييييييييييز لا تحذفون موضوعي لان توني فرش