انا وامي

السلام عليكم

انا عندي سؤال واتمنى الامهات يردون عليه بكل صدق.......

ممكن انه الام تحب ولد من عيالها اكثر عن الولد الثاني ؟

هل هو شئ طبيعي وشئ لاشعوري من الام اتجاه عيالها؟

لانه مرة كنت في جلسة صراحة مع امي واخوي فقالها علاقة فلانة بفلانة نفس علاقتك باختي الفلانية فردت اختي اللي هو يقصدها وقالت بالعكس علاقة امي باختي الفلانية والفلانية اقوى من علاقتها فيني فاستغربت لانه امي قالت معاها كلمة بالعكس....... وبرغم اني كنت جالسة معاهم بس اسمي لا انذكر في الفئة الاولى ولا الفئة الثانية واستغربت اكثر ان في حد تحبه اكثر من الثاني ... لكن طبعا مشاعرها وهي حرة فيها ولكن لما استرجعت المواقف لاحظت ان ها الشئ صحيح

يعني مثلا مرة كنت متضايقة من اختي ولاشعوريا كلمت امي في التليفون واقولها بنتك حسودة وتوترني زيادة وانا بروحي متضايقة (برغم انه كلام من ورا قلبي طبعا لانها اختي ......و برغم انها ضايقتني صدق )......بس مرت فترة طويلة وانتهي الموضوع و بعدين مرة ثانية اتنازعنا انا واختي...... وفي نص الكلام اختي تقولي انتي تكلمتي عني عند امي وقلتي اني حسودة وانتي مريضة نفسيا وكل البيت يقولون ها الشئ وجلست تعددلي اخواني واخواتي.......فانصدمت ان امي تنقل الكلام لاختي لانها ام والمفروض انها تكون عارفة ان ها الكلام يزعل ويسوي حواجز بدون داعي.....مع العلم ان امي يوم كلمتها في اليوم الفلاني قالتلي انتي ليش تقولي عن اختك كذا وانا كان على بالي ان الموضوع انغلق وماتوقعت ابدا ان كان في نقاش لها مع اختي.. يعني اللي حز في خاطري ان امي مش مصدر امان ابدا للاسرار او اي شئ ولا مصدر اني ممكن اقوله تعبي يوم اكون تعبانة ..

انا كنت متأكدة اني فقدت حب ابوي لي الله يرحمه لانه ماحاول يحسسني بحبه لي ابدا وكنت احس ان امي تحبني بدلا عنه وانها تكفي وزيادة بس للاسف احس اني ماقدر الجأ لها لانها تفشي اي شئ

لاحظت ان لو زارونا مثلا ناس فلاشعوريا تمدح اختي وتقول مثلا لو شفتو اختها كيف ؟ وغيره من الكلام اللي يحز بالخاطر ( طبعا اختي واتمنالها الخير ووالله العظيم مش غيره بس الاحظ انهم يقارنون في نفس الموقف فليش طيب) هي لها شخصيتها وانا لي شخصيتي ....وحتى لما تبغى تمدحني او شئ احس انه بس عشان تواسيني ويبين من نظراتها تبغى ردة فعل مني ..

انا سؤالي للامهات :
صح ان الام ممكن تحب وتفضل ابن من ابنائها على الثانيين ؟اوتميل له اكثر؟