انا وامي ساعدوني ارجوكم

السلام عليكم بنات شلونكم ***** الله كل اموركم طيبه
بنات انا ضايق صدري وماني عارفه ايش اسوي قلت ما لي غيركم افضفض له واطلع اللي بقلبي لاني صار لي مده شايله هالحمل وما ني عارفه شلون اطلع من هذي المشكله :(
في البدايه اعرفكم على وضعي انا ام لخمسة اطفال اكبرهم في اولى متوسط واصغرهم اربع شهور زوجي ولله الحمد اب مثالي وانسان منظم في خططه وحياته (ما عدا في البيت فوضوي جدا) طلعاته قليله واذا طلع ما يطول او تلاقينه رايح جاي ويحب يشوفنا معاه في البيت دايما ويحب بعد ينظم اوقات عياله ويهتم بتطوير قدراتهم واهله من النوع اللي كل واحد مسكر على نفسه في بيته وعلاقتهم مع بعض جيده لكن في المناسبات يعني ماحد يشوف الثاني الا في المناسبات (باستثناء ان الرجال يسيرون على خواتهم بين فتره والثانيه لحالهم ما يحبون التجمعات ) ويوديني بيت اهلي يوم في الاسبوع فقط شقتي صغيره جدا غرفتين وصاله والمرافق ممكن تتخيلون وضعنا هالعدد من الافراد في شقه صغيره شلون صاير وما عندي شغاله وما احبهم ابد ولا افكر اجيب وحده مع اني اذا تراكم علي الشغل وصرت مو ملحقه اتمناها لكن حتى لو يحصلي ما عندي لهامكان يعني وقتي مليان على الاخر :angry:تعرفون العيال وطلباتهم وطلبات المدارس والمذاكر الله يعين بس. علاقتي باهلي اهلي من النوع اللي مناسباتهم ما تخلص وتجمعاتهم دايمه وكل اسبوع طلعه او رحله او عزيمه وزيارات وخواتي كلهم بمنطقه ثانيه يعني انا بس اللي عند امي ومع ذلك تشوفهم اكثر مني يعني اذا جوا نهاية الاسبوع يجلسون طول الوقت معاها وانا اسير عليهم من العصر الى وقت متأخر من الليل طيب وين المشكله المشكله هي علاقتي مع امي احس كل مالها وتتردى يعني صار كلامها معي ما يتعدى سالفتين الاولى ليش ما اجي عندها اكثر واطلع واروح واجي معاها والثانيه ليش ما نترك هالشقه واجيب لي شغاله ودايما زعلانه مني بسبب هالسالفتين وصرت اذا رحت يمها ما تتكلم معي مثل ما تتكلم مع خواتي دايما كانها زعلانه مني وانا مو عارفه شلون ارضيها ما ابغاها تزعل مني وفي نفس الوقت ما اقدر اهمل واجباتي كأم ولا احب اضغط على زوجي بشي مو حابه او ما يقدر عليه احس علاقتي معها متوتره واللي يزيد الطين بله هالحريم اذا شافوني دايما نفس الكلام ليش ماتجيبين شغاله ويكلموني كأني وحده جار عليها الزمن ومسكينه ليش لاني ماعندي شغاله وليش ما تطلعون وتأجرون شقه أكبر وتوسعون على حالكم ليش مضيقين على عيالكم مساكين وووو وامي تسمع وينكسر خاطرها علي وعلى وضعي وتزيد من الضغط علي لكن بالعقل اشلون نطلع ونأجر شقه واحنا ساكنين في بيت اهله يعني بدون ايجار مو بخل لكن ارضنا موجود واحنا نحاول نجمع للعمار ولو اجرنا عمرنا ما راح نعمر اللي بنحطه في الايجار نحطه في البيت احسن و***** الله كلها كم سنه نصبر فيها ونسكن بيت ملك احسن ما نظل طول عمرنا في ايجار .وليش ما تجين عند امك كل يوم ما تزهقين وتتعبين من البيت وليش ما تبينين ما نشوفك الا في المناسبات جيبي لك شغاله علشان تشوفين حالك . شلون اطلع كل يوم وهالعيال وابوهم حق مين اتركهم ومسؤوليات البيت يعني لازم اجيب شغاله وادور من بيت لبيت علشان ابين اني سعيده انا ما همني كلام الناس يرضون ولا بكيفهم لكن اللي همني امي كل ما سمعت هالكلام ضاق صدرها وصارت تحن علي واللي زاد الطين بله زوجي من الجهه الثانيه دايما متضايق وزعلان ليش لان اهلي مناسباتهم كثيره و نلتزم بالروحه لهم وهو مثل ماقلت لكم يحبنا في البيت ودايما يتذمر من هالمسأله شلون لو بأقوله اروح زيارات او غيرها . يعني صرت في ضغط من الجهتين لا امي راضيه عني ولا زوجي راضي اقص حالي نصين ماني عارفه شسوي احس من كثر الضغط بنفجر ومع ذلك ماحد راضي عني قولوا لي شالحل شلون ارتاح احس الدنيا ضيقه بوجهي تكفون ساعدوني او على الاقل خففوا عني:icon33::icon33::icon33::icon33::icon33: