سبحان الله انتي لمن كنتي صغيره ماكنتي طفشين بطلباتك وهي متكلم الا تلبي لك لانها تحبك وانتي الحين لمن صارت بحاجه تتمللين من تصرفاتها انتي ماراح تعرفين قيمتها الا اذا جاك عيال تعرفين وش معنا انك ام وان الي تخدمينه وانتي فرحانه بيجي يوم يخدمك وهو طفشان مثلك معليش اسمحيلي لي اكلمك كذا لانك محتاجه من يعاتبك حتا تعرفين ان الي تسويه غلط واتذكري الايه ولاتقل لهم أف مو تصارخين عليها وتهاوشين هذي امك مو اختك ولاصاحبتك

أقسم بربي قلبي انقبض وأنا أقرأ كلامهاااااااااا

يا بنت المسلمين تحت يدك باب من أبواب الجنة لو مكانك أبوس على رجلها وأخليها تدعي لي .. رضاها عليك ودعواتها هي مفتاح الخير لك .. تعرفين أن فيه ناس يتمنون أن والديهم أحياء علشان أجر وبركة البر ؟

الله يهديك لا تتهاونين في أبسط كلمة تقولينها لها وكل ما غضبت تذكري أنك في حال إمهال والعقاب جاي إذا ما سبقته التوبة

ياقلبي يومك صغيره كنتي مثلها تبكين جوع تسوي لك رضاعه
تبكين الم ماتنام لين تداويك
تصحا من عز نومها لاجل تغطيك
وايام تكونين تعبانه ماتنام ابد تجلس ترعاك
والله مهما نسوي مانرد حق يوم بتربيتنا

كنت انا مثلك كثيره خلافات ايام المراهقه مع امي بس من كبرت انتهى كل شي وقربنا اكثر لما تزوجت وقربنا اكثر واكثر لما مرضت وامووووت من الندم كل يوم على كل لحظه زعلتها فيها وابكي لانها ماتت وانا ما استسمحتها على ذيك الايام

المرض والادويه تخلي الواحد عصبي وتعبان
ماعليه حبيبتي
لا تقوليلها اطلبي مره وحده
والله ما حسيت بأمي الا لما حملت توحمت ولسه التربيه والسهر
كيف تبهدلت فالوحام
تخيلي تاكلين والاكل ما يظل ببطنج وكل يوم مستشفي وابر وتحليل
وترا نحن السبب فمرض امهاتنا
تخيلي الحامل ماتقدر تاخذ اي مسكن او دوا لو طاحت علي ريلها وتكسرت ما تاخذ مسكن
كله عشان ماتضر عيالها
انتى لو ماكنتي طيبه وباره ما كنتي نزلتي هالموضوع
دايما قوليلها امي نحنا مانسوي شيء بدونج
وخذي رايها فكل شي عشان تحس انها مهمه ومب ثقيله عليكم
وربي يخليكم لبعض ويخلي كل ام واب لعيالهم ويرحم الاموات منهم