انا وام زوجي

السلام عليكم ورحمه الله وبركاته 
يابنات احس اني مقهووووره من الظلم مانيب طبيعيه 
فيني قهر وحسره ع عمري 
اقلكم سالفتي مع ام زوجي. طبعا انا زوجه ولدها الكبير تزوجت قبل عشره سنوات 
طبعا عاملتها بكل احترام وحب لانها تقابلني بالحب وانها تموت فيني طبعا انا ماكنت ادري هي وش تقول من وراي طبعا عاملتها بكل احترام وحب لانها تقابلني بالحب وانها تموت فيني طبعا انا ماكنت ادري هي وش تقول من وراي لاني ماكنت اشك فيها انها ممكن تكرهني  
المهم بعد سنه من زواجي سكنت مرت خالي تحتي في نفس العماره وام زوجي معنا مقابلتني بالشقه المهم كانت تنزل عند مرت خالي وتقول فيني كلام ماينقال وتجي عندي تقولي عنها نفس الشي كلام كله افتراء وكذب وانا وياها صديقات فكنا نعلم بعض وننصدم من الكلام الي تقوله
فينا بعدين قمت اطنش خلاص طفشنا كل يوم تقول شي وكله كذب 
المهم يمكن بعد ثلاث سنوات او اربع رحت ازور وحده من صديقاتي في حاره ثانيه وقابلت عندها حرمه كبيره تدرس في محو الاميه طبعا ام زوجي كانت تدرس معها ويوم قالت لي الحرمه انها تدرس في محو الاميه سالتها عن ام زوجي قلتلها انتي تعرفينها قالت ايوه كنا ندرس سواء قلت انا مرت ولدها ولو ادري انكم تعرفون بعض كان جبتها معي  المهم انا طلعت من صديقتي واليوم الثاني دقت عليه قالت اسمعي يابنت الناس لاعاد تدقين عليه امي تقول لاعاد اكلمك عشان الحرمه الي شافتك عندنا تقول انك مجرمه وان ام زوجك كانت تجي المدرسه وهي تبكي منك وانك طردتيها هي واولادها في الشارع وانك ماترحمين وكل يوم تسوين لها مشكله طبعا كلااااام كثييييير انا انصدمممت لان ام زوجي مابينت لي شي كانت تجي من المدرسه وتجي عندي اذاكر لها تقول بناتي عيوا يذاكرون لي وانتي ذاكري لي وكنت احاول قدر الامكان اني احفضها وافهمها ماكنت ادري انها كانت تشتكيني في مدرستها والكل كان يدعي عليه 
وبعدين اكتشفت مع الايام انها كانت في مكان تشتكي مني حتى سلفتي يوم تزوجت تقول كنت احسبك شريره من كلامها وجارتنا تكرهك تقول ليه كذا تسوي باام زوجها ....
الى هنا انا ماعليه منها وهذا كلامها راجع لها 
اخوي خطب بنتها قبل سته شهور والحين متزوجها المهم امي يوم خطبت البنت قالت لها ام زوجي ان ام احمد خطبتها لولدها احمد وان ام اسلطان خطبت وانتم ثالث ناس تدقون عليه قالت امي لا تجبرون البنت ع احد خلوها براحتها امي قابلت ام احمد وقالتلها ام احمد ماشاءالله عليكم مسرعكم خطبتوا قالت امي انتي سبقتيني بس جت من نصيب ولدي قالت الحرمه والله ماخطبت عندهم ولا كلمتهم قالت امي هذا كلام ام البنت المهم الحرمه زعلت مرررره وقررت تكلم ام زوجي عن الكلام هدا وفعلا كلمتها وحلفت لها ام زوجي انها ماقالته لامي قالت الحرمه خلاص اجل مدام حلفتي خلاص ماعاد اقدر اقولك شي 
انا هنا مالي دخل
 اساسا بالسالفه طبعا الحرمه سالتها يوم الخميس وسيرت معي ام روجي يوم الجمعه وتقابلت انا وياها يوم السبت فوق السطح ولاقالت لي كلمه 
جاءيوم الاحد وجتني البيت وهي تنافخ قالت لزوجي امسك زوجتك عني ولاعاد تدخل بيتي زوجتك فتانه بس تمشي وتقول خالتي قال وقالت وش دخلها مني قلت انا وش قلت للناس قالت ماخليتي سالفه الاوقلتيها ورحتي لام احمد وعلمتيها قلتلها امي الي قالت لها مو انا قالت كذابه في وجهك انك انتي وانا ماعلمت امك ماعلمت الا انتي وعي طبعا قالته للناس كللللهم وعي السالفه كلها كذب لاخطبت ام احمد ولا احد خطب غيرنا بس كذا تبي تقوله بس مدري وش جاها تظلمني وتقول لزوجي امسكها عني ولاعاد تجيني لانها بس تبي تفشلني قدام الناس وقالت لي الناس نصحونا منكم وانا اعطيتكم بنتي وادا اخوك مايبغى بنتي خليه يطلقها ويرجعها وطلعت 
بالله ايش رايكم بحركاتها هذي طبعا انا قفلت بابي وماعاد رحت لهم واصلا روحاتي لهم قليله