انا وام زوجي وبنتها....حسبي الله عليها.....

السلام عليكم ,,,صباح الخيرات والليرااات.....انا ياحلواااات امر بمشكله مع ام زوجي وبنتها الي اكبر من بنتي بسنه واخت زوجي باول متوسط وبنتي بسادس وبنتي على نياتها مره بشهادة الجميع وبالذاااات عمتي ام زوجي ,,,وسبحان الله اناس ماعاد هي زي اول نفوسها زينه على بعض وعمتي تصدق بنتها لو تقول الشمس تشرق من الغرب قالت صح ,,,,المهم في ذاك اليوم انا وعمتي جالسين نفطر ارسلت بنتي مع الخدامه علشان تنظف مكتب زوجي مادري وش نقز البنت ولحقت بنتي وقعدن يتهاوشن على الكرسي الدوار هذي تقول كرسي ابوي وذيك تقول لا كرسي اخوي المهم اول مره يتظاربون من قلب وصرااااخ احسبهم انا يلعبون الا الخدامه جايه تركض مدااااام مداااااام البنات يتظاربون انا فتحت فمي جيت بقوم قالت عمتي لاتروحين انا اروح وفرقت بينهن وجت بنتي تصيح ياماما ياماما ظربتني والله ان وجه بنتي احمرررر والله العظيم ان وجهها فيه دم من اضافر عمتها وسكت استحيت من عمتي لان عمتي كبيره وسكت وقلت لبنتي عيب انتو كبار تضاربون وش بقيتوا للعيال>>>>هنا ثارت عمتي قالت انتي الي حاشيه مخ بنتس على بنتي :icon33:وشو انا قالت ايه انتي تقولين لها لا تلعبين مع عمتس تراها شاااااذه وشو وانا فاتحه فمي انا ماقلت الكلام هذا حسبي الله ونعم الوكيل قالت الا بنتس تقوله وبنتي تفغر ياجده ماحصل الاقلتيه ينتس تقول انو امي قالت وانا تهل دموعي عجزت اتكلم من قو الصدمه عمتي حرمه عااااااقله ودينه وتخاف الله كيف تصدق كلام زي كذا وانا عمري والله ماقلت لبنتي لاتلعبين معاها والبنت والله على ما اقول شهيد اني ماشفت منها شي من الكلام هذا يا عمه ماعمري قلته الله يجعلها في عيالي ماقلته والله اني ماكذب عليكم اني قعدت اسبوع تعبانه وبس اصيح مسكت بنتي انتي قلتي ذا الكلام قالت لاوالله ياماما ماقلته وبعدين وشو شاذه .....انا في الخرج عند اهلي وزوجي دوره في الرياض عند اهله وكل خميس وجمعه اروح عندهم ولا اصل عمل زوجي بتبوك ياشين القرب من الاهل لااهلك ولا اهله...الي قاهرني في السالفه موقف زوجي يقول احسن حل انك ماتفتحين باب للمشاكل ولا كن شي حصل بس البنت لاتعطينها وجهه وبنتك لاتلعب معها علشان المشاااااكل بس ولا فزعلي يقول شلون افزعلك على امي ...والله يابنات اني مازل عليكم كل ماتذكر الكذبه ابكي من قلب وادعي عليها الكذابه .......لالا تقولون هاوشيها بزر وتعرفون عيال العجايز يجيك الوحد لسانه متبري منه ولا هي اخر العنقود و علاقتي اصلا فيها رسميه وهي طويلة لسان لو اجيها بتسويلي سالفه وتطول لسانها علي وانا ماودي اعرض نفسي لسفاهة مراهقه وانا علاقتي فيهم كلهم رسميه مررررره وش رايكم هالحين لي اسبوعين مارحت بس السالفه تاكل وتشرب معي وش ذا الكذبه القويه؟؟؟؟؟؟؟:angry: شورو علي وش اسوي