خلال السنه فيه ايام وليالي لها فضل خاص عند الله ,, يضاعف فيها الحسنات ,, وتعظم فيها السيئات ,,
فالله جعلها رحمه لنا ,, لكي نجاهد انفسنا ,,
قال رسول الله صل الله عليه وسلم
(( ان لله في أيام الدهرنفحات فتعرضوا لها فلعل أحدكم أن تصيبه نفحة فلا يشقى بعدها أبدا ))
Hrm
عندكم رمضان شهر ضاعف الله فيه الحسنات ,, لكي نجاهد هذه النفس على عمل الطاعات وندربها ,,
بعده يجي على طول الاشهر الحرم ( ذوالقعده وذو الحجه ومحرم ورجب )
فيها تعظم السيئات ,, فيجب ان نتدرب على ترك المعاصي ,,
bd_wjhh_n_lnr
يجب ان نجاهد انفسنا في هذه الايام ونستغلها في تربية هذه النفس وتهذيبها وترويضها على طاعة الله ,,
تذكري غاليتي ان الاغاني والمسلسلات والغيبه والتبرج والنمص كلها امور محرمه , وفي هذا الأشهر تكون اشد حرمه ..
فالجنه حفت بالمكاره ,, والنار حفت بالشهوات ..
lwH_lml
وفي نقطه مهمه اطفالنا هل يستشعرون هذا الفضل؟؟ هل يخافون من المعصيه في هذه الايام ؟؟
يجب ان نستغل هذه الايام والاشهر لتشجيعهم وتدريبهم على العمل الصالح ,, اللي ضاعف الله فيها الحسنات
يجب ان يستشعروا فضلها ,,
وفيه اشهر تعظم فيها السيئات اذن نبدأ ندربهم على ترك المعاصي ,, نستغل هذه الايام والاشهر لانها بتكون خير معين لنا بـ تربية ابناءنا وانفسنا كذلك ..
تخيلي لو كل مالطفل اغتاب في الاشهر الحرم نبهتيه وقلتي احنا بشهر تعظم في السيئات ,, انتبه حبيبي من الغيبه ,,
صدقيني مع الايام يتعود ويترك الغيبه او اي عمل محرم ,,
rfh
نذكر لهم الاحاديث اللي تدل على فضلها ,, نساعدهم على الصدقه ,, نشجعهم على الذكر والاستغفار ,, نشحذ هممهم ,,
لا تقولي ولدي صغير اولى ابتدائي !!
سبع سنوات يعرف يتصدق ,, ذكريه بفضل الصدقه بالايام العاديه ,, فكيف بأيام العشره من الحجه ؟؟
سبع سنوات المفروض نأمرهم بالصلاة ؟؟
اذاً نستغل الايام بتذكيرهم بفضل واهمية الصلاة ..
qrn_HfZ
ممكن بالعشره الايام هذي تقترحي عليه يحفظ صوره صغيره عن ظهر غيب ,,
اشرحي له بطريقه بسيطه وخليه يتخيل قد ايش الحسنات اللي بيكسبها من هذه السوره ,, وقد ايش ربي بيرضى عليه ويوفقه في حياته ,,
قولي اذا تبي ربي يوفقك بدراستك ووو لازم ماتعصيه ابدا ,, كلميه عن الجنه ونعيمها وقولي هذي للي يطيع اوامر الله ويجتنب نواهيه ,,
بالطريقه هذي يصير الطفل يحب الله و بنفس الوقت يكون عنده حسن ظن بالله ,,
lml_Hb_l_llh
وقولي الله أعد عقاب للعاصي , بس عاد في هذي النقطه لا تآخذين راحتك بالشرح اذا كان صغير :42:
وبكذا نزرع بقلوبهم المخافه من الله ,,
برضوا قوي رقابة الله عنده ,, خليه يخشى الله اكثر منك ومن ابوه ,,
لازم يعرف ان كل افعاله مسجله ,, فلازم يكثر من الحسنات ويتجنب المعاصي ,,
Sdqh
وفي نهاية الموضوع عندي اقتراح بسيط نسويه في هذي العشره ايام المباركه ,,
جيبي حصاله او علبه وخصصيها لجمع الصدقه من جميع افراد الاسره ,, يوميا بعد صلاة الفجر الكل يضع فيه مبلغ من فلوسه الخاصه ,, لو ريال بس ,,
وانت وضحي ان الريال له اجر عظيم ,, لانه ممكن في باله ان الاجر اذا كان المبلغ كبير بس ,,
عاد يقول هذي عشره ايام لو بتصدق كل يوم بتنتهي تحويشة العمر ههههه ,,
المهم واجمعوا فيها المبالغ ,, وفي يوم عرفه خلي ابناءك يفتحون الحصاله , وهم بنفسهم يتصدقونها .
اسأل الله ان يحفظ ابناءكم ويجعلهم هداة مهتدين ..
