انا واهلي ... من الصح ومن الغلط

السلام عليكم ..... تحياتي للجميع

انا الحين عمري 28 سنة ومشكلتي مع اهلي بدت من وانا صغيرة يعني لما كنت في الابتدائية

كنت احب اشارك في النشاطات المدرسية مثل فريق الكشافة او الرحلات الخارجية والناشطات اللي تصير داخل المدرسة .

لكن اهلي كان لهم راي ثاني وهو اني ما اقدر على هذا كله وانهم يخافون علي ، بصراحة خوفهم علي عقدني وخلاني مهزوزة ، اخاف من اتخاذ القرارات اللي تهم حياتي ، لدرجة اني ساعات اكون يالسة مع مجموعة من الناس معظمهم يتكلمون الا انا ساعات ما اعرف شو اقول ...........

والشي الثاني انهم ما عودوني على الحياة الاجتماعية ، يعني ممنوع ازور صديقاتي وومنوع اني اتعرف على اي بنات ما يعرفونهم ، ومرات يمنعوني من بعض البنات لانهم ما يعرفونها ، يعني بصراحة انا ما كانت لي صديقات مثل باقي البنات

على العموم انا ما اعرف اذا كان راي اهلي في اللي سبق قلته صحيح او هم غلطانين .