الله يعينك ان شاء الله
اقول لك يعني تجربتي كنت كل اسبوع اروح لاهله بس الحين مره بالشهر صح انهم طيبين بس احس نفسي ثقيله عليهم يعني الاخوات يتجمعون وودهم ياخذون راحتهم وانا دايم في سوء تفاهم بيني وبين زوجي على هالشئ بس مو بيدي مااقدر اروح لناس ماتاخذ راحتها قدامي بالرغم انهم بنات عمي بس الغريب غريب وغير كذا زوجة الولد بعيده عنهم لوكانت مين بالنسبه لهم بس يوم قلت روحاتي احس نفسي ارتحت كثير يعني اروح لها روحات سريعه ايام الاسبوع علشان ماتزعل علي لانها طيبه والله وماقول غير الله يعينك

حبيبتي ام سعود الله يرزقك بسعود وغير سعود
لكن تعليقك على نفح الاريج قاسي نوعآ ما ...أنتِ
وضعتي مشكلتك فعليكِ تقبل جميع الآراء وتخمين نفح
يمكن صحيح ويمكن خطــــأ لكن مانرد عليها بأسلوب قاسي
شوفي يالغلا أنا كنت مثلك لكن أكتشفت أني أنا أستحي وقليل
كلامي ومعذورين مايتكلمون معي ونفس كلام نفح الاريج كنت
أعتبر نفسي ضيفــــــة ولا أدري كيف أتعامل معهم وهذا شئ طبيعي
أنتِ عروس وهم....ربما مايبون يحرجونك وضايقونك لاتقولين أنك طبيعية
معهم وتلقائية .....مستحيل ....أكيد يشوفونك متلبكة وساكتة .....توك علــــى
التشره هم أهل عيالك أن شاء الله ...لاتقطعين فيهم لأنك كذا تزيدين المشكلــــة
تعقيد بالعكس روحي لهم وخليهم يعرفون مميزاتك وتعودي عليهم وعلى تصرفاتهم
علشان تتأقلمين ...وماتحسين بحواجز....مع الوقت....وعسى الله يوفقك مع زوجـــــك :27:

شوفي حبيبتي هذي مهما كان امه واسمحيلي اقولك مو من مصلحتك تقاطعينهم صدقيني والله والله كل ماتقربتي لهم كل ماحبك زوجك وانتي اذا بغيتي تروحين حاولي انه مايكون فيه احد وبعدين روحي مثلا عصريه خوذي معك حلى ومعجنات وفسخي عبايتك ولبسي غطى ساتر وخوذي واعطي في الكلام ولاتنسين اهم حاجه رضى زوجك وبعدين خليكي زيي كل ماتضيقت قلت اهم حاجه زوجي ولمثل يقول السان الين يغلب على الحق البين وخذي مره هديه بسيطه واذا كان له خوات ماتزوجن جيبي لهن حاجات بسيطه صدقين راح يحبونك ويتقربون لك وانتي جربي

اول شي ياقلبي لاتفكرين تقاطعينهم..
ثاني شي خل اعلمك حاجه من خبرتي وطول
معاشرتي لاهل الزوج..
شوفي مهما كانوا طيبين ويحبونك لايمكن تكونين
مقام بناتهم..او يعاملونك زي ماكانوا اهلك يعاملونك..
ابدأأأأأأأأأأأأأأأأ الا بحالات نادره..
ماتدرين ياام سعود يمكن خالتك مسكينه واحد لاعب
عليها وقايلها لاتعطين حريم عيالك وجه ومن هالكلام..
انتي املكيهم بإحسانك ولاتنتظرين منهم مقابل..
اهل زوجي الله يوفقهم..مع اني ببلدهم بعيده عن اهلي
ومالي احد هنا..الا انهم يجتمعون ويطلعون بدون ماادري
وامرض انا وعيالي مايرفعون السماعه علينا..:) اللهم لك الحمد والشكر
والسبب تحزبهم احزاب اللي يمشي بكيفهم يضمونه لهم..واللي يمشي محترم
نفسه وياقف للغلط ينبذونه..
لكن كل واحد بيجني جزاء اعماله ..وربي بيرفع الطيب وياثره..
الحين صرت اروح ازور خالتي كل اسبوع لازم واتقهوا معاها..واسولف
واروح واقول الطيب القدامي..
اجتماعاتهم ان قالوا لي رحت واخذت معي حلا وقهوه..وان ماقالوا قعدت
ببيتي معززه مكرمه..
الخلاصه ان علاقتك بأهل زوجك لابد بيصير فيها رسميه ويمكن سبحان الله
بعض الغيره من اطراف كثيره..
هذي طبيعة اغلب الحريم الا من رحم الله..
انتي خلي حق خالتك فوق كل اعتبار واعتبريها بمقام امك..
لأنه زرع اليوم بكرا بنحصده بعيالنا..
الله يهدينا ويقينا شح الانفس وضيق الصدور.
موفقه اختي.

انا اقولك من تجربه انا ام زوجي طيبه لكن البنات ماكنوا يكلموني ويعاملوني برسميه وانا كنت اتضايق وابكي لاني اجتماعيه لمل اجي كانوا يروحون لغرفه ثانيه وانا لوحدي ولما حكيت زوجي قال ان مجتمعهم مغلق ومايعرفون يدخلون بالناس الموهم تطور الموضوع وصار دق وحركات بس كلمه امي دائم في بالي وهي راعي الطيب مايندم وصرت اعاملهم بالطيب يعني رد ودق لا وبانفس الوقت احفظ لنفسي كرمتها مااشتغل واضغط على نفسي اعطيت نفسي حقها وهم حقهم واستمريت على كذا والحين مايسمعون في وانا اعزهم كانهم اهلي بس مااخلي التواصل دايم لان كثره الاحتكاك تجيب المشاكل