حبيبتي توكلي على ربك وسافري مع زوجك انتي والبنات
انا عندي 4 ماشاء الله ومنهم 2 توأم كان عمرهم اول ما جيت امريكا 7 شهور
واللي اكبر 3 واللي اكبر 6 والحمد لله مشت الامور وعادي
وماعندي شغاله
الكبيره في مدرسه واللي بعدها في روضه والصغار في حضانه
والحمد لله كان زوجي يزن يبي غيرهم لما جينا هنا حس بالمسؤوليه وصار يساعد وصار يتعاون معاي في موضوع تأجيل الانجاب

وكمان عادي ال 5 بنات خذوا شقه 4 غرف او بيت 3 غرف
يعني زوجك ليش مكبر الموضوع
انا ماخذه بيت 4 غرف
3 غرف للنوم وواحده مسويتها مكتب لزوجي وصاله ومطبخ
وحمامين
وبالتنظيف مافيه اسهل منه

وترى ياقلبي فيه ميزه هنا
تخلصين من زن الاهل وزوجك يصير يتعاون معاك وبتتغير نظرته للانجاب وبتشوفينه يقول لك خلينا ننتظر شوي

يعني بتعيشين انتي وياه والبنات مرتاحين كل همهم انفسكم وراحة بال

فتوكلي على ربك وقولي بعين قويه ايه بروح انا وال5 وما حد له شغل
وترى العلاج هنا مره حلو ومتطور اكثر من دولنا ويعتنون بالصغار
هذا غير انه بناتك بيتعلمون زين ويكتسبون لغه


ربي يحفظ لك بناتك

ذكرت شي ورجعت
مره كنا رايحين ملاهي والاقي عربيه بالطول 5 مقاعد يعني ملفته مره للنظر والعيال اللي فيها كلهم لابسين مثل بعض وامهم وابوهم هم لابسين مثلهم وفيه بعد 4 يمشون يعنيا لحصيله 9 اطفال وكلهم تحت بعض وفيه منهم توأم وتخيلي ابوهم وامهم واحده
ولا عليهم من احد وطالعين يمشون عيالهم
حتى لما شفتهم رحت سألتهم عن عربيتهم وقالوا لي من النت وقالوا اكتبي اسمها وعطوني الموقع وقالوا بعد تصوري معنا لو تبين
يعني واثقين من نفسهم بالمره وماهمهم احد

وكمان مره في ايكيا شفت حرمه عندهم 4 ماشاء الله الكبيره عمرها 4 سنوات وهي امريكيه وجايبتهم تمشيهم ولا هامها احد

ترى الاجانب عندهم اطفال وغالبا تحت بعض لأن الام تجلس في البيت كم سنة تجيب 3 او 4 تحت بعض ولما تدخلهم مدارس ترجع لشغلها

فلا تستحين وتقولين ملفتين للنظر عادي كل العرب بعيالهم ملفتين للنظر وماشيه حياتنا في الغربه

اهم شي ما تتركين زوجك يتغرب لوحده بدون ما يعف نفسه عن الحرام
وربي يحفظك يا قمر
ويخلي لك بنوتاتك الحلوات

الله يهديج ماشيء أحسن من البنات هم اللي بينفعونج
أنا عندي ثلاث بنات الله يحفظهم و ييصلحهم و لا تنسين اذا ربيتيهم تربية صالحه بيكونون حجاب لج ولابوهم من النار
و في الاخير يوم بتدعين لانفسج دايما ادعي دعاء الانبياء ((رب هب لي من لدنك ذرية طيبه)) و لا تحددين بنت ولا ولد و اعلمي انا الخيره فيما اختاره الله
سافري ويا ريلج و عيالج ماعليج من احد الله يحفظهم ويعينج يارب

احمد ربك انت بنعمه والله يرزقك الولد الصالحه

حبيبتي لا تزعلي ولا شي انا عندي ثلاث بنات وجاني الولد ما تتخيلي سعادتي لما جاه بس الحمد لله طلع مريض بعد ما كمل اربعين يوم وبعدين شوفي معانات المستشفيات والله والله اني تمنيت الف بنت بس يكون سليمين ومتعافين صدقني اني ندمانه اني كنت احزن لما اعرف انها بنت علشان كلام الناس وجه زوجي بعد الولاده لما يعرف انها بنت فرحت اني صاروا ينادوني ام دحوم بس بس الحمد لله علي كل شي مات بعد معاناه كان عمره سنه وست شهور والحين صاروا ينادوني ام البنات بس ماصار يفرق معايا لان محد يحس باحد اهتمي بناتك واحمدي الله ليل ونهار واش الفايده من الولد وهو مريض او لاي سبب ثاني وخدي مانع لحد مايكبروا بناتك لا ترهقي نفسك والله يحفضهم وجيبولك عيال ما جبتيهم