ما عليك من الناس

اهم شي زوجك وبناتك والباقي مع السلامه

هلا حبيبتي البنات نعمه من ربي اشكريه عليها لا تجعليها نقمه وبعدين اللي يقولك الله يعينك و........قولي انا افتخر ان عندي بنات ماينفع غيرهم وذكريهم بأحاديث الرسول عليه السلام عن فضل تربية البنت وخليك واثقة وقويه لا تتمسكنين يرحمونك والسفر روحي مع زوجك وانبسطي ولا تحسسينه ان البنات عائق في حياتك وربي يسخرلك زوجك واهله والله يسعدك

ياقلبي ماعليكِ في كلام الناس

لوو دققتي فيه راح تتعبين اللي ماعندو مو مرتاح واللي عنده هم بعد مو مرتاح من كلامهم

ولارحتي السوق او اي مشوار مع بناتك حصنيهم قبل ماتطلعي من البيت

وانا مع رأي البنات انك لازم تروحي مع زوجك وجود الزوج مهم وهذا ابتعاث سنوات مو سياحه اسبوع

والله يخليلك بناتك ويحميهم من كل مكروهـ

لازم يكون عندم انتي وزوجك ثقة بالنفس ..تواجهون فيها الناس اللي حولكم خصوصا اذا كانوا فيهم شوية تدخلات في شؤون الغير..ولقافة

المفروض ماتخلين احد يوجهك ويعطيك تعليمات انتي في غنى عنها,,

ياقلبي ..اسمعي..
كل الظروف اللي قلتيها مؤقتة
اعمار بناتك مؤقتة........... فجاة تلاقينهم كبروا ماشاء الله
الغربة مؤقته................. فجاة بتمر عليكم الايام والشهور والسنين ماتشوفون نفوسكم الا وانتم في ديرتكم
مرض بناتك مؤقت ..........بتمر عليك الايام والسنين وبتشوفينهم بصحة وعافية تنسيك مرضهم باذن الله

يعني معليش قفلي اذنك واذن زوجك عن كل المؤثرات الخارجية,,,,,,, وروحي معاه ,,,,,,,,واضغطي على نفسك شويتين من ناحية شغل البيت
زوري قسم النظافة والترتيب وشوفي يوميات السنعات ..بتتحمسين شويه للشغل وبتحسين بالنشاط
توكلي على الله ولاتكونين ضعيفة ...واي شي يخليك حزينه وزعلانه خليه وراظهرك وقولي اكبر ظز..

وتاكدي كلما بينتي لغيرك انك قويه وشورك في راسك وعاجبينك بناتك ومفتخرة فيهم ..بتكون نظرة ثانية فيك كلها اعجاب خصوصا زوجك..
ترى الزوج مهما كان,,, يحب المرة الواثقة من نفسها .
.لو انتي واثقة من نفسك حتى لو عندك عشرين بنت بيقولون ماشاء الله عليها وعلى بناتها..لان طبيعة الانسان يحب الانسان القوي الشخصية الواثق من نفسه,,

والله العظيم اني اعرف حريم ..ماعندها ولاميزة ولافيها شي يدعو للاعجاب ..لكن ثقتها بنفسها ونظرات التحدي والقوايه في عيونها ..تخلي الصغير يحترمها قبل الكبير
والله يوفقك..

الله يحفظهم اهتمي ببناتك واجلسي انت وزوجك مو لازم البعثة