بال صباحكم/مساكم خير
حابه اليوم انزلكم تقرير زي مو مكتوب في الموضوع
من دحين اتاسفلكم ادا في اخطا او الموضوع ممل لانه اول مره في حياتي وركزو ع كلمة حياتي اكتب تقرير والشي التاني اكتب من جوالي
راح نبدا ع بركة الله
الاجازه كانت شهر بالتمام لهم ولا خرجنا نهايا فحزنت عليهم انه راح يبدا الترم التاني وحيكونو طفشانيين فقررت اوديهم اخر يوم في الاجازه وهو يوم الاحد للعلم كانت اجازه الترم الاول اسبوعين مو اسبوع زيكم(مااقصد شي خخخ )بتاريخ 3فبراير الموافق23/3
فيوم الاحد صحينا ع الساعه 9 الصباح وقلتلهم يالله نروح بتروسنس طبعا سالوني ايش هيا فصراحه اول مره راح نزورها فقلتلهم نروح ونشوف ايش هيا وانتو كمان تعالو معانا ونتعرف عليها كلنا مع بعض
فخرجنا ع الساعه
فتوكلنا ع الله ورحنا للترين واخترنا klcc.فاخترناها واخدنا هدي شكلها زي الهلل.
فطلعنا فوق علشان نركب الترين وصورتلكم كم صوره من فوق.الشاطره فيكم تقولي ايت عماره انا ساكنه فيها
:).
شوفو كيف الجو خيال
وهنا وصل الترين
ودخلنا واختلكم كدا صورة لاحظو الجو ماشاء الله كيف بدا يتغير
وهنا وصلنا
حصل موقف وحنا في الترين بنتي الصغيره اخدت تكت مني وماهي راضيه تديني هيا تقولي والله والله متدديع وانا انشغلت في التصوير جالسه اصور ولما وصلنا محطة klcc.
قلت لبنتي هتيها قالتلي والله والله ماخدتها وجلسنا ندور عليها ونفتش بشنطتها وبجيوب البنطلون وهيا مصممه ع كلمة والله والله مخدتها نذكرها انها اخدتها تقول والله والله ماخدتها (الادميه حالفه يمين بالله ماخدتها )بعدين تقول لاختها الكبيره انا مني حرميه ههه طبعا راحت علينا ودفعت من جديد.
الرجاء عدم الرد
وهنا صور من klcc مسوين احتفال راس السنه الجديده لصينيين وراح يكون يوم السبت اللي بعد بكره ماشاء الله عليهم قبل ماتنتهي السنه حقتهم بشهر تبدا احتفالاتهم كل يوم.
وهنا وصلنا بيترسنس
دخلت انا وبناتي التلاته كلنا بخمسين رنقت وادونا 4كروت تخفيض 5% اكواريا وللبيترسنس ادا حابين نزورها مره تانيه .
وركبنا زي العربه وندخل في طريق مظلم بنتي التانيه قالتلي ياماما انت اركبي قدام واحنا وراك علشان لو في شي خطر يجيك مايجينا (بنتي مره تحبني)ههه
فوصلنا للمكان اللي ننزل فيه ولما نزلت اكتشفت انه زي العلوم والتكنولوجيا اللي في جده .بس احلى وارقى منه بصراحه حق جده دخلته قبل 19سنه.
فبناتي انبسطه بصراحه منه اول ماتدخلو في طريقة صنع المناديل صورتهابس مالقيت صورها بعديين تدخلي ع قسم الديناصورات االحلو فيه اول ماتدخلي قدامك ديناصور يرحب فيك بالملايو باغنية راب
هدي صورة البركان وتسمعي صوته
وهدي لوحات ارشاديه تلاقيها في كل مكان توضحلك انت فين وايش بتقي من الاماكن اللي راح تمري عليها
وفيها اقسام كتيره قسم الرياضه وصنع السيارات والفضاء والموسيقى وفي تجارب كيميايه وفيزيايئه اطفالكم يسوها بناتي انبسطو منها كتير
في هدي الطياره بنتي التانيه عجبتها قالتلي يارب لما اكبر يسمحو للحريم يسوقو طيارات علشان اشتريها
وفي كمان سينما 3d
المهم جلسنا فيها تقريبا اربع ساعات من الساعه 1.30لحدت الساعه4.30 في اشياء كتير صرنا نمشي منغير منشوفها لانه بناتي مره جاعو فخرجنا من نفس الطريق المظلم بس صور غير هينا بناتي هما ركبو قدام وانا ركبت ورى اطمنو انه مافي شي خطير
راح اكمل بكره ان شاء الله لان موقع اللي ارفع منه الصور انتها العدد المسموح ليا